ព័ត៌មានជាតិ
ទូទាំងខេត្តសៀមរាបចាក់វ៉ាក់សាំងកូវីដ សម្រេចបានជាង ៨០ភាគរយ
ខេត្តសៀមរាប៖ ក្រុមការងារចាក់វ៉ាក់សាំងបង្ការកូវីដ-១៩ របស់យោធភូមិភាគទី៤ បានអះអាងថា ការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋដូសទី២ ដំណាក់កាលទី២ នៅក្រុងសៀមរាប បានចំនួន ៦៤ ០៧៨នាក់ ខណៈទូទាំងខេត្តសម្រេចបានជាង ៨០ភាគរយ។
លោក សុក រីនណា ប្រធានក្រុមចាក់វ៉ាក់សាំងបង្ការជំងឺកូវីដ-១៩ របស់យោធភូមិភាគទី៤ មានប្រសាសន៍នៅរសៀលថ្ងៃទី០៤ ខែកក្កដា ឆ្នាំ២០២១នេះថា យុទ្ធនាការចាក់វ៉ាក់សាំងបង្ការជំងឺកូវីដ-១៩ដូសទី២នេះ មានសន្ទុះលឿនរហ័សជាងកាលពីចាក់ដូសទី១ ព្រោះប្រជាពលរដ្ឋមានការយល់ដឹងច្រើន ហើយក្រុមគ្រូពេទ្យក៏មិនមានភាពស្មុកស្មាញច្រើនដែរ ខណ:ដែលក្រុមគ្រូពេទ្យក៏មានបទពិសោធន៍ល្អរលូន។
លោក លី សំរិទ្ធ អ្នកនាំពាក្យ និងជាអភិបាលរងខេត្ដសៀមរាប មានប្រសាសន៍ថា យុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី១ ដំណាក់កាលទី២ ចាប់ពីថ្ងៃទី១០ដល់ថ្ងៃទី២៥ ខែកក្កដា ឆ្នាំ២០២១នេះ សម្រាប់ដូសទី១ អាជ្ញាធរខេត្ដបានចាក់ជូនប្រជាពលរដ្ឋនៅទូទាំងខេត្ដ បានចំនួនសរុបជាង ៣៨ម៉ឺននាក់ ដែលស្មើនឹង ៨៣% ក្នុងចំណោមផែនការដែលត្រូវចាក់វ៉ាក់សាំងជូនពលរដ្ឋចំនួនជាង៤៥៨ ០០០នាក់ ។
លោកបានបន្ដថា នៅក្នុងចំណោមចំនួនសរុបដែលចាក់វ៉ាក់សាំងជាង៨០ភាគរយនេះ គឺមានប្រជាពលរដ្ឋនៅក្នុងក្រុងសៀមរាបចំនួនជាង១៥ម៉ឺននាក់បានចាក់រួច ដែលស្មើជិត៧២% ធៀបនឹងផែនការត្រូវចាក់ចំនួន ២១ម៉ឺននាក់។ យុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី១ មានក្រុមគ្រូពេទ្យប្រតិបត្ដិការមកពីយោធភូមិភាគទី៤ ក្រុមគ្រូពេទ្យខេត្ដសៀមរាប និងក្រុមគ្រូពេទ្យអគ្គបញ្ជាការនៃកងយោធពលខេមរភូមិនផងដែរ៕
អត្ថបទ៖ គឿនវេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង