ព័ត៌មានជាតិ
សម្តេច ស ខេង ណែនាំអាជ្ញាធរខេត្តព្រៃវែងរួមគ្នាកាត់ផ្ដាច់ការចម្លងជំងឺកូវីដ១៩បំប្លែងខ្លួនថ្មី Delta
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំដល់ថ្នាក់ដឹកនាំ អាជ្ញាធរពាក់ព័ន្ធ និងកងកម្លាំងប្រដាប់អាវុធគ្រប់លំដាប់ថ្នាក់នៅទូទាំងខេត្តព្រៃវែង អនុវត្តន៍ឲ្យបានខ្ជាប់ខ្ជួននូវតួនាទីនិងភារៈកិច្ចតាមការណែនាំនានារបស់រាជរដ្ឋាភិបាល ដើម្បីធ្វើយ៉ាងណាទប់ស្កាត់ការឆ្លងរីករាលជំងឺកូវីដ១៩ ពិសេសជំងឺបំប្លែងខ្លួនថ្មី Deltaក្នុងសហគមន៍ និងអាចធ្វើឱ្យស្ថានការណ៍វិលមកប្រក្រតីភាពឡើងវិញ ។
ថ្លែងនៅក្នុងកិច្ចប្រជុំស្តីពីបច្ចុប្បន្នភាព ស្ថានភាពជំងឺកវីដ១៩ ជាពិសេសវីរុសបំប្លែងថ្មី Delta ក្នុងខេត្តព្រៃវែង តាមរយៈប្រព័ន្ធវីដេអូ នាព្រឹកថ្ងៃទី១០ ខែសីហានេះ សម្ដេចក្រឡាហោម ស ខេង បានមានប្រសាសន៍ថា កន្លងមករាជរដ្ឋាភិបាលបានដាក់ចេញនូវ វិធានការជាបន្តបន្ទាប់ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូដ-១៩សំដៅការពារសុខភាព និងអាយុជីវិតរបស់ប្រជាជន។
សម្តេចក្រឡាហោមបានបន្តទៀតថា បន្ថែមលើវិធានការបង្ការ, ទប់ស្កាត់ និងគ្រប់គ្រងការឆ្លងរាលដាលនៃជំងឺនេះ រាជរដ្ឋាភិបាលក៏បានដាក់ចេញនិងកំពុងអនុវត្តយ៉ាងសកម្ម នូវយុទ្ធនាការជាតិចាក់វាក់សាំងដែលត្រូវបានចាត់ទុកជាយុទ្ធសាស្ត្រគន្លឹះ និងជាខ្សែក្រវាត់ការពារសំខាន់ជាងគេ ដើម្បីបង្កើតឱ្យមានភាពស៊ាំ ក្នុងសហគមន៍ ទប់ទល់នឹងមេរោគកូវីដ-១៩សំដៅការពារសុខភាព និងអាយុជីវិតរបស់ប្រជាជន ក៏ដូចជាដើម្បីឈានឆ្ពោះទៅបើកដំណើរការប្រទេសជាតិឡើងវិញលើគ្រប់វិស័យ និងការរស់នៅជាមួយនឹងជំងឺ នេះតាមគន្លងប្រក្រតីភាពថ្មី។
សម្តេចក្រឡាហោម ស ខេង បានបន្ថែមថា ទន្ទឹមនឹងនេះ រាជរដ្ឋាភិបាលបាននឹងកំពុងយកចិត្តទុកដាក់ខ្ពស់ក្នុងការផ្តល់ការថែទាំ និងព្យាបាលអ្នកជំងឺកូវីដ-១៩ ទាំងអស់ដោយឥតគិតថ្លៃនៅតាមមន្ទីរពេទ្យនិងមណ្ឌលព្យាបាលរបស់រដ្ឋទាំងអស់ផងដែរ។
យ៉ាងណាក៏ដោយ សម្តេចក្រឡាហោម បានវាយតម្លៃខ្ពស់ចំពោះកិច្ចខិតខំប្រឹងប្រែង និងការលះបង់ជូនជាតិមាតុភូមិដល់ថ្នាក់ដឹកនាំខេត្ត អង្គភាពពាក់ព័ន្ធ អាជ្ញាធរគ្រប់លំដាប់ថ្នាក់ និងកងកម្លាំងប្រដាប់អាវុធទាំងអស់ដែលបានខិតខំប្រឹងប្រែងបំពេញតួនាទីតាមជំនាញ និងសមត្ថកិច្ចរៀងៗខ្លួនដើម្បីទប់ស្កាត់ នូវការឆ្លងរីករាលដាលជំងឺកូដ១៩ ចូលក្នុងសហគមន៍ ជាពិសេសវីរុសបំប្លែងថ្មី – delta ដែលវាជាការគំរាមកំហែងយ៉ាងខ្លាំងចំពោះអាយុជីវិត និងជីវភាពរស់នៅប្រចាំថ្ងៃរបស់ប្រជាពលរដ្ឋនាពេលបច្ចុប្បន្ន៕
អត្ថបទ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ