ព័ត៌មានជាតិ
គម្រោងបើកសាលារៀនឡើងវិញនៅខេត្ដសៀមរាប ត្រូវបានពន្យាពេល
ខណៈដែលខេត្ដសៀមរាប បាននឹងកំពុងមានការរីករាលដាលនូវជំងឺកូវីដ១៩ កាន់តែធ្ងន់ធ្ងរពីមួយថ្ងៃទៅមួយថ្ងៃគួរឱ្យព្រួយបារម្ភនោះ គម្រោងបើកគ្រិះស្ថានសិក្សាឡើងវិញទាំងរដ្ឋ និងឯកជននៅខេត្ដនេះ ត្រូវបានអាជ្ញាធរពន្យាពេលគ្មានពេលកំណត់ ។
លោក លី ប៊ុណ្ណា ប្រធានមន្ទីរអប់រំ យុវជន និងកីឡា ខេត្ដសៀមរាប បានឱ្យ កម្ពុជាថ្មី ដឹងតាមទូរស័ព្ទនៅព្រឹកថ្ងៃទី២៣ ខែកញ្ញា ឆ្នាំ២០២១នេះថា ការពន្យាពេលគម្រោងបើកសាលារៀនឡើងវិញនៅខេត្ដនេះ ដោយសារជំងឺកូវីដ១៩នេះ បាននឹងកំពុងរីករាលដាលយ៉ាងធ្ងន់ធ្ងរ ដោយបារម្ភខ្លាចមានហានិភ័យដល់សិស្សានុសិស្ស។
លោកបន្ដថា លោកបានប្រជុំពិភាក្សាការងារជួយក្រុមការងារ នៃមន្ទីរអប់រំ និងតាមការិយាល័យ ដើម្បីពិភាក្សា និងឱ្យមានការវាយតម្លៃពីរដ្ឋបាលតាមបណ្ដាក្រុង ស្រុក ដើម្បីដាក់សំណើរសុំបើកសាលារៀនឡើវិញក្នុងតំបន់ដែលមានហានិភ័យទាប តាមការណែនាំរបស់ក្រសួងអប់រំយុវជននិងកីឡាកន្លងមក ដែលមកដល់ពេលនេះ លោកថា ត្រូវបានអាជ្ញាធរមិនទាន់កំណត់ពេលវេលាច្បាស់លាស់នៅឡើយទេ ដោយរង់ចាំនាពេលក្រោយទៀត ព្រោះមានផលប៉ះពាល់ពីជំងឺកូវីដ១៩មានការកើនឡើង និងមានការប្រែប្រួលស្ថានភាពតំបន់ហានិភ័យ ត្រូវការពិនិត្យឡើងវិញនិងធ្វើបច្ចុប្បន្នភាព។
គម្រោងបើកគ្រឹះស្ថានសិក្សាសាធារណៈ និងឯកជនឡើងវិញនៅក្នុងខេត្ដសៀមរាប មានប្រមាណ៤០០កន្លែង និងសាលាឯកជនប្រមាណ៥០កន្លែង ដែលស្មើប្រមាណ៦០ភាគរយ នៃចំនួនសាលារៀនសរុប។ សាលាររៀនដែលអនុញ្ញាតឱ្យបើកដំណើរនោះ គឺសាលាររៀនដែលប្រឈមហានិភ័យទាប នៃការឆ្លងជំងឺកូវីដ១៩ ព្រោះសិស្សានុសិស្សមានការប្រឈមក្នុងការសិក្សា។
សូមបញ្ជាក់ថា ខេត្ដសៀមរាប ត្រូវបានរកឃើញថា មានការឆ្លងជំងឺកូវីដ១៩ យ៉ាងគំហ៊ុកក្នុងមួយរយៈពេលចុងក្រោយនេះ បណ្ដាលឱ្យក្រុងសៀមរាប ត្រូវបានបិទមិនចេញចូលជាបណ្ដោះអាសន្ន និងសង្កាត់ទាំង១២នៃក្រុងសៀមរាប ត្រូវបានកំណត់ជាតំបន់ក្រហម និងតំបន់លឿងផងដែរ។ក្រោយមានការកំណត់នូវតំបន់មានគ្រោះថ្នាក់ដោយសារជំងឺកូវីដ១៩នេះ ក្រុងទេសចរណ៍មួយនេះ មានសភាពស្ងប់ស្ងាត់ គ្មានមនុស្សធ្វើដំណើរ តូបលក់ដូរស្ទើរទាំងអស់ត្រូវបានបិទទ្វារបណ្ដោះអាសន្នផងដែរ៕
អត្ថបទ៖ គឿនវេត
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល