តួលេខអ្នកឆ្លងកូវីដ១៩ បាន​កើនឡើងជាបន្តបន្ទាប់ ជាង ២ សប្តាហ៍ ក្នុងខែកញ្ញានេះ

ក្រសួងសុខាភិបាល នៅថ្ងៃទី ២៤ ខែកញ្ញានេះ បានប្រកាសរកឃើញ ករណីឆ្លងថ្មី ចំនួន ៨២២ ករណីត្រឹមតែរយៈពេល ២៤ ម៉ោងចុងក្រោយ ខណៈអ្នកស្លាប់ចំនួន ២១ នាក់។

ទិន្ន័យរបស់ក្រសួងសុខាភិបាល នៅខែកញ្ញានេះ បង្ហាញថា ករណីអ្នកឆ្លងបានហក់ឡើងវិញ បន្ទាប់​ពីថយចុះមួយរយៈ ចាប់តាំងពីថ្ងៃទី១ ដើមខែកញ្ញា ដល់ថ្ងៃទី ៩ ករណីអ្នកឆ្លងមានចន្លោះពី ៤០០ ដល់ ៥០០ នាក់។

ចាប់ពីថ្ងៃទី ១០ ខែកញ្ញានេះ រហូតដល់ថ្ងៃទី ២៤ តូលេខអ្នកឆ្លង​បានហក់​ឡើង ចន្លោះពី ៦០០ ដល់ ៨០០ នាក់ ខណៈអ្នកស្លាប់ក៏កើនឡើង។

របាយការណ៍របស់ក្រសួងសុខាភិបាល ចេញផ្សាយនៅថ្ងៃទី ២៤ ខែកញ្ញានេះបង្ហាញថា រកឃើញអ្នកឆ្លងថ្មីចំនួន ៨២២ ករណី និងស្លាប់ ២១ នាក់។

កម្ពុជាមានករណីឆ្លងសរុប កើនដល់ ១០៧ ៤៤១ នាក់ ជាសះស្បើយ ៩៩ ៦២៨ ករណីស្លាប់ ២ ១៩៧ នាក់៕