ព័ត៌មានជាតិ

កម្លាំងកងពលតូចថ្មើរជើងលេខ៥៣ ឃាត់ខ្លួនមេខ្យល់ចំនួន៣នាក់ ដែលបាននាំពលករលួចឆ្លងដែនចូលប្រទេសថៃ

បានផុស

២ ខែ មុន

នៅ

ថ្ងៃសៅរ៍ ១៦ តុលា ២០២១

ដោយ

មេខ្យល់ចំនួន៣នាក់ ដែលកំពុងនាំពលករខ្មែរចំនួន៨នាក់ ក្នុងនោះស្រីចំនួន១នាក់ លួចឆ្លងដែនទៅប្រទេសថៃ ត្រូវបានកម្លាំងកងពលតូចថ្មើរជើងលេខ៥៣ ឃាត់ខ្លួន កាលពីព្រឹកថ្ងៃទី១៥ ខែតុលា ឆ្នាំ២០២១ នេះបើតាមការឲ្យដឹងពីលោកមេបញ្ជាការរង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុសេនីយ៍ឯក ទ្រី ងឿន មេបញ្ជាការរង វរសេនាតូចលេខ៥៣៣ បានឲ្យដឹងថា អនុវត្តតាមបទបញ្ជាមេបញ្ជាការតាមឋានានុក្រម លោកបានបញ្ជាដឹកនាំកងកម្លាំងល្បាតតាមខ្សែព្រំដែនកម្ពុជា-ថៃ ដោយសហការជាមួយកម្លាំងប៉ូលិសការពារព្រំដែនគោកលេខ៨១៧ និងផ្នែកសឹករងស្រុកសំពៅលូន បានឃាត់ខ្លួនមេខ្យល់ចំនួន៣នាក់ កំពុងនាំពលករឆ្លងដែនទៅកាន់ប្រទេសថៃ ស្ថិតនៅចំណុចភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង។

បើតាមលោកអនុសេនីយ៍ឯក ទ្រី ងឿន មេខ្យល់ដែលត្រូវបានឃាត់ខ្លួននោះមានឈ្មោះ ១. បូ វន ភេទស្រី អាយុ៣៣ ឆ្នាំ រស់នៅភូមិល្វា ឃុំបឹងបេង ស្រុកម៉ាឡៃខេត្តបន្ទាយមានជ័យ។ ២. ឈ្មោះ វឿន សុងវិ ភេទប្រុស អាយុ ២០ឆ្នាំ ភូមិជ្រៃ ឃុំបឹងបេង ស្រុកម៉ាឡៃ ខេត្តបន្ទាយមាន ជ័យ។ ៣. ឈ្មោះ ថា ធូធារ ភេទប្រុស អាយុ២៥ ឆ្នាំ ភូមិអូរ ឃុំសន្តិភាព ស្រុកសំពៅលូន ខេត្តបាត់ បាត់ដំបងដោយរួមមាន ម៉ូតូម៉ាកវ៉េវ ពណ៌ក្រហមខ្មៅ ចំនួន១គ្រឿង, ម៉ូតូម៉ាកហុងដាឌ្រីម ចំនួន១គ្រឿង និងឡានម៉ាកកាមារីកាត់គូទចំនួន១គ្រឿង។