ព័ត៌មានជាតិ
ខេត្តឧត្តរមានជ័យប្រកាសឱ្យពលរដ្ឋនៅអាងដងស្ទឹងស្រែងប្រុងប្រយ័ត្នខ្ពស់
មន្ទីរធនធានទឹក និងឧតុនិយម ខេត្តឧត្តរមានជ័យបានប្រកាសឱ្យពលរដ្ឋរស់នៅអាងដងស្ទឹងស្រែងបង្កើនការយកចិត្តទុកដាក់ និងប្រុងប្រយ័ត្នខ្ពស់ ដោយសារស្ថានភាពទឹកភ្ញៀងបន្តធ្លាក់ជាបន្តបន្ទាប់ធ្វើឱ្យទឹកនៅតាមអាងដងស្ទឹងស្រែងបន្តហក់ឡើង។
យោងតាមមន្ទីរធនធានទឹក និងឧតុនិយម ខេត្តឧត្តរមានជ័យដែលចេញផ្សាយកាលពីយប់ថ្ងៃទី១៧ ខែតុលានេះ បានជូនដំណឹងដល់បងប្អូនប្រជាពលរដ្ឋទាំងអស់ ដែលកំពុងរស់នៅក្បែរអាងទឹក និងតាមបណ្តោយដងស្ទឹងស្រែង ជ្រាបថា ដោយសារបរិមាណទឹកភ្លៀងដែលបានបន្តធ្លាក់ជាប់ៗគ្នា រយៈពេល៥ថ្ងៃ ចាប់ពីថ្ងៃទី ១៣-១៧ តុលា ឆ្នាំ២០២១ នៅតែបន្តក់ គិតត្រឹមម៉ោង៥ល្ងាចបរិមាណទឹក កម្រិតពី ១០០-១៧០ មីលីម៉ែត្រ នៅតំបន់ផ្ទៃរងទឹកភ្លៀងស្រុកត្រពាំងប្រាសាទ និងស្រុកអន្លង់វែង បានបង្កឱ្យកម្ពស់ទឹកតាមបណ្តាអាងទឹក នៅលើដងស្ទឹងស្រែងហក់ឡើងដល់កម្រិតដូចខាងក្រោម
១. អាង០៥ ទឹកមានកម្ពស់ ១.៨០ ម៉ែត្រ កម្រិតប្រកាសប្រុងប្រយ័ត្ន ២.០០ ម៉ែត្រ និងប្រកាសអាសន្ន ២.៥០ ម៉ែត្រ។
២. អាងតាម៉ុក ទឹកមានកម្ពស់ ៣.៤៨ ម៉ែត្រ កម្រិតប្រកាសប្រុងប្រយ័ត្ន ៣.៨០ ម៉ែត្រ និងប្រកាសអាសន្ន ៤.៥០ ម៉ែត្រ។
៣. អាងទំនប់ថ្មី ទឹកមានកម្ពស់ ៣.៤៨ ម៉ែត្រ កម្រិតប្រកាសប្រុងប្រយ័ត្ន ៣.៥០ម៉ែត្រ និងប្រកាសអាសន្ន ៤.៥០ម៉ែត្រ។
៤. ស្ទឹងស្រែង២ ទឹកមានកម្ពស់ ៣៥,៦០ ម៉ែត្រ កម្រិតប្រកាសប្រុងប្រយ័ត្ន ៣៥.៩០ម៉ែត្រ និងប្រកាសអាសន្ន ៤១.០០ ម៉ែត្រ។
៥. អាងស្ទឹងស្រែង១ ទឹកមានកម្ពស់ ២៦.០៩ ម៉ែត្រ កម្រិតប្រកាសប្រុងប្រយ័ត្ន ២៧.០០ម៉ែត្រ និងប្រកាសអាសន្ន ២៧.៨០ ម៉ែត្រ។
មន្ទីរធនធានទឹកបានបន្តថា ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតឡើងជាយថាហេតុ សូមបងប្អូនប្រជាពលរដ្ឋដែល កំពុងរស់នៅតាមបណ្តាអាង ដងស្ទឹងស្រែង សូមបង្កើនការយកចិត្តទុកដាក់ និងប្រុងប្រយ័ត្នខ្ពស់។
មន្ទីរធនធានទឹក និងឧត្តុនិយមខេត្តឧត្តរមានជ័យ បាននឹងកំពុងបន្តតាមបានយ៉ាងយកចិត្តទុកដាក់អំពីស្ថានភាពកម្ពស់ទឹក មន្ទីរនឹងជម្រាបជួនព័ត៌មានជាបន្តបន្ទាប់ទៀតក្នុងករណីចាំបាច់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង