ព័ត៌មានជាតិ
សម្ដេចតេជោ ហ៊ុន សែន៖ យើងត្រូវរៀនរស់នៅជាមួយកូវីដ-១៩ ព្រោះការបិទក៏នៅតែមានការឆ្លង
សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី១៩ ខែតុលា ឆ្នាំ២០២១នេះ បានផ្ញើសារពិសេសជូនជនរួមជាតិ ពាក់ព័ន្ធស្ថានភាពជំងឺកូវីដ-១៩ នៅកម្ពុជា ក្រោយបុណ្យភ្ជុំបិណ្ឌ ក្នុងនោះសម្ដេចបានអំពាវនាវ ប្រជាពលរដ្ឋត្រូវរៀនរស់នៅជាមួយកូវីដ-១៩ ព្រោះ ការបិទក៏នៅតែមានការឆ្លង ការបើកក៏នៅតែមានការឆ្លង ប៉ុន្តែដោយសារយើងបានចាក់វ៉ាក់សាំង។
សម្ដេចតេជោ ហ៊ុន សែន មានប្រសាសន៍ថា ក្នុងស្ថានភាពកម្ពុជាអាចឈានទៅបើកប្រទេសឡើងវិញ នៅក្នុងពេលវិស័យកសិកម្ម និងឧស្សាហកម្មបានដំណើរការបានល្អ នោះវិស័យសេវាក៏អាចបើកឡើង ដូចកាលយើងបានបើកសាកល្បងក្នុងពេលបុណ្យភ្ជុំបិណ្ឌ។
សម្ដេចតេជោ ហ៊ុន សែន បានបញ្ជាក់ថា ដូចកាលពីថ្ងៃសៅរ៍អាទិត្យកន្លងទៅនេះ មានប្រជាពលរដ្ឋជាង ១៤ម៉ឺននាក់បានដើរលេង យើងចាប់ផ្ដើមបើកផ្នែកសេវាបន្តទៀត ដើម្បីឈានបើកប្រទេសឡើងវិញគ្រប់វិស័យ ទន្ទឹមពេលសាលារៀនក៏ចាំបាច់បើកឡើងវិញដើម្បីកូនចៅរបស់យើងបានរៀន នេះជាវិធីដ៏ល្អដែលយើងត្រូវរៀនរស់នៅជាមួយកូវីដ-១៩។
សម្ដេចតេជោ មានប្រសាសន៍បន្តថា ការបិទក៏នៅតែមានការឆ្លង ការបើកក៏នៅតែមានការឆ្លងជំងឺកូវីដ-១៩ ប៉ុន្តែដោយសារយើងបានចាក់វ៉ាក់សាំងចំនួន២ដូស និងបន្តចាក់ដូសទី៣ ដែលយើងកំពុងមានជាង១០លានដូសនៅក្នុងឃ្លាំង ដើម្បីបម្រើចាក់ជូនប្រជាពលរដ្ឋដែលមិនទាន់ចាក់ដូសទី៣បន្តទៀត។
សម្ដេចសង្ឃឹមថា វិធានការប្រឆាំងទប់ស្កាត់ជំងឺកូវីដ-១៩ យុទ្ធនាការចាក់វ៉ាក់សាំង ទាំងការព្យាបាលនៅតាមមន្ទីរពេទ្យ និងនៅផ្ទះក្ដី នឹងប្រព្រឹត្តទៅបានយ៉ាងល្អ ដើម្បីយើងរៀនរស់នៅជាមួយកូវីដ-១៩៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល