ព័ត៌មានជាតិ
កម្ពុជា គាំទ្រសំណើ ទីម័រលេស សុំចូលអាស៊ាន ខណៈមិនមានការអើពើ
ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតិតេជោ ហ៊ុន សែន បានប្រកាសគាំទ្រនូវសំណើរបស់ ប្រទេសទីម័រលេស ក្នុងការសុំចូលជាសមាជិកអាស៊ាន។ ចំណុចនេះកម្ពុជាអំពាវនាវចំពោះសមាជិកអាស៊ានដទៃទៀត មេត្តាយោគយល់ទៅដល់ការខិតខំប្រឹងប្រែងរបស់ទីម័រលេស ដែលតាំងពីច្រើនឆ្នាំមកហើយបានត្រៀមខ្លួនសម្រាប់ការចូលជាសមាជិក អាស៊ាន។
សម្តេចតេជោ ហ៊ុន សែន បានបង្ហាញការគាំទ្រ និង អំពាវនាវទៅមេដឹកនាំអាស៊ាននៅក្នុងកិច្ចប្រជុំកំពូលអាស៊ានលើកទី ៣៨ និង ៣៩ នាព្រឹកថ្ងៃទី២៦ ខែតុលា ឆ្នាំ២០២១នេះ។
សម្តេចតេជោ ហ៊ុន សែន បានលើកឡើងថា កម្ពុជាគាំទ្រនូវសំណើរបស់ទីម័រលេសក្នុងការសុំចូលជាសមាជិកអាស៊ាន។ ចំណុចនេះកម្ពុជាសូមអំពាវនាវចំពោះសមាជិកអាស៊ានដទៃទៀត មេត្តាយោគយល់ទៅដល់ការខិតខំប្រឹងប្រែងរបស់ទីម័រលេសដែលតាំងពីច្រើនឆ្នាំមកហើយ បានត្រៀមខ្លួនសម្រាប់ការចូលជាសមាជិកអាស៊ានតាមរយៈការបើកស្ថានទូតនៅតាមបណ្ដាប្រទេសនានា។
សម្តេចតេជោបានបន្តថា ខណៈដែលទីម័រលេសបានប្រឹងប្រែងយ៉ាងខ្លាំងដើម្បីចូលជាសមាជិកអាស៊ាន តែអាស៊ានរបស់យើងហាក់ដូចជាមិនសូវអើពើជាមួយនឹងការខិតខំប្រឹងប្រែងរបស់ទីម័រលេស។
សម្តេចតេជោ ហ៊ុន សែន បានបង្ហាញកង្វល់ថា នៅពេលណាមួយនៅក្នុងក្របខ័ណ្ឌនៃការប្រជែងខាងភូមិសាស្ត្រនយោបាយ ហើយប្រសិនបើអាស៊ាននៅបន្តទុកទីម័រលេសនៅដាច់ដោយឡែក នេះជាបញ្ហាដែលយើងគួរព្រួយបារម្ភ។ បញ្ហានេះអាចទីម័រលេសនឹងឈានឆ្ពោះទៅរកទីកន្លែងដែលអាចពឹងផ្អែកបានក្រៅពីអាស៊ាន។ ដូច្នេះសូមពន្លឿននៃការ សម្រេចចិត្តខាងនយោបាយរបស់យើងក្នុងការទទួលយកទីម័រលេសសម្រាប់ការចូលរួមនៅក្នុងក្របខ័ណ្ឌអាស៊ានរបស់យើង។
គួររំលឹកថានៅក្នុងឆ្នា២០១១ ពេលប្រទេសឥណ្ឌូណេស៊ីជាប្រធានអាស៊ាន ប្រទេសទីម័រខាងកើតបានដាក់ពាក្យស្នើសុំចូលជាសមាជិក។ បណ្ដាប្រទេសសមាជិកអាស៊ានបានព្រមព្រៀងគ្នាសិក្សាលើប្រទេសថ្មីមួយនេះតាមដែលអាចធ្វើបាន។
ការសិក្សាខាងលើផ្ដោតសំខាន់លើសសរស្តម្ភទាំងបីរបស់អាស៊ាន ដើម្បីវាយតម្លៃលើលក្ខខណ្ឌនៃប្រទេសទីម័រលេសដើម្បីក្លាយជាសមាជិកគ្រួសារអាស៊ាន។ ចំពោះសសរស្តម្ភទាំងបីរបស់អាស៊ានគឺ នយោបាយ និងសន្តិសុខ សេដ្ឋកិច្ច និងសង្គមវប្បធម៌។ ប៉ុន្តែរហូតមកដល់ពេលនេះ អាស៊ានហាក់ដូចជាមិនសូវចាប់អារម្មណ៍ចំពោះប្រទេសដែនកោះមួយនេះទេ។
បច្ចុប្បន្នអាស៊ានមានប្រទេស ១០ ជាសមាជិករួមមាន កម្ពុជា ឥណ្ឌូណេស៊ី ម៉ាឡេស៊ី ថៃ ហ្វីលីពីន សិង្ហបុរី ប្រ៊ុយណេ វៀតណាម ឡាវ និង មីយ៉ាន់ម៉ា៕
អត្ថបទ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត