រថយន្ដសេរីទំនើបបើកបុកសួន​ចែកទ្រូងផ្លូវនៅមុខ ផ្សារទំនើបបាយ័ន​
Connect with us
Helistar Cambodia - Helicopter Charter Services

ព័ត៌មានជាតិ

រថយន្តស៊េរីទំនើប បុកសួនចែកទ្រូងផ្លូវ នៅមុខផ្សារទំនើបបាយ័ន

បានផុស

នៅ

រថយន្ត​ស៊េរី​ទំនើប​ម៉ាកBMW មួយគ្រឿង​ដែល​បើកបរ​ដោយ​ជនជាតិ​ចិន​មួយក្រុម​មាន​ប្រុស ​ស្រី​៤​ទៅ​៥​នាក់​បាន​បើក​បោះពួយ​យ៉ាង​លឿន​រាយ​ចង្កូត​បុក​ខឿន​សួនច្បារ​ចែក​ទ្រូងផ្លូវ​បណ្ដាលឱ្យ​រង​ការខូចខាត​ហើយក៏​នាំគ្នា​ទុក​រថយន្ត​ចោល​គេចខ្លួន​បាត់អស់​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុ​ការគ្រោះថ្នាក់​នេះកើតឡើង​កាលពី​រាត្រី​ថ្ងៃទី​២៦​ ខែតុលា ​ឆ្នាំ២០២១ នៅ​ចំណុច​មុខ ​ផ្សារ​ទំនើប​បាយ័ន ក្នុង​សង្កាត់​មិត្តភាព ​ខណ្ឌ​៧​មករា រាជធានី​ភ្នំពេញ​។​

ប្រភពព័ត៌មាន​ដែល​ឃើញ​ហេតុការណ៍​គ្រោះថ្នាក់​នោះបាន​ឲ្យ​ដឹងថា ​នៅវេលា​កើតហេតុ​គេ​ឃើញ​រថយន្ត​ម៉ាក BMWពណ៌​ខៀវ​ទំនើប​មួយគ្រឿង​ពាក់​ស្លា​កលេខ​ភ្នំពេញ​២BN៥៣១២​ ដែល​ជិះ​និង​បើកបរ​ដោយ​បុរស​ជនជាតិ​ចិន​មាន​គ្នា​៤​ទៅ​៥​នាក់​ ​ធ្វើដំណើរ​តាមផ្លូវ​សហព័ន្ធរុស្ស៊ី​ពី​លិច​មក​កើត​ដោយ​បើក​បោះពួយ​យ៉ាង​លឿន​លុះ​មកដល់​ចំណុចកើតហេតុ ​ក៏​រេ​ចង្កូត​មក​ឆ្វេង​ដៃ​បុក​ខឿន​សួនច្បារ​គាប​ជាប់​ធ្វើ​ឲ្យ​រថយន្ត​ខូចខាត​ទៅមុខ​លែងរួច​។ បន្ទាប់មក​ក្រុម​អ្នកជិះ​និង​អ្នកបើកបរ​ទាំងនោះ​ដែល​គេ​មើលឃើញ​សុទ្ធតែ​ជន​ជាតិ​ចិន​នោះ​ បាននាំគ្នា​គេចខ្លួន​បាត់អស់​នៅសល់តែ​រថយន្ត​នៅ​កន្លែងកើតហេតុ​។

ក្រោយពីកើតហេតុ សមត្ថកិច្ច​មូលដ្ឋាន​ក៏ដូចជា​នគរបាលចរាចរណ៍​ក្រុង​ចុះមក​ស្ទូច​យកទៅ​រក្សាទុក​ដើម្បី​ស្រាវជ្រាវ​រក​អ្នកបើកបរ​ចូលខ្លួន​ដោះស្រាយ​តាម​នីតិវិធី​៕

អត្ថបទ៖ ​រស្មី​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services