ព័ត៌មានជាតិ

អង្គភាពវរសេនាតូចលេខ៤១៤ នៃកងពលតូចថ្មើរជើងលេខ៤១ ចុះជួយធ្វើជូនផ្ទះគ្រួសារយោធិន

បានផុស

៣ years មុន

នៅ

ថ្ងៃពុធ ៣ វិច្ឆិកា ២០២១

ដោយ

លោកវរសេនីយ៍ទោ រឹម គុយ មេបញ្ជាការ វរសេនាតូចលេខ៤១៤ កងពលតូចថ្មើរជើងលេខ៤១ បានចាត់តាំងកម្លាំងចំនួន១២នាក់ ដឹកនាំដោយលោកអនុសេនីយ៍ទោ ឌិន ឌាង មេបញ្ជាការរង គ១ នៃវរសេនាតូចលេខ៤១៤ កងពលតូចថ្មើរជើងលេខ៤១ បានចុះជួយចុះចាក់សាបក្នុងបរិវេណផ្ទះគ្រួសារយោធិន ដែលមានការខ្វះខាតថវិកាជួលជាង។

លោកវរសេនីយ៍ទោ រឹម គុយ មេបញ្ជាការ វរសេនាតូចលេខ៤១៤ ក្រោមការចង្អុលបង្ហាញពីឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ ឲ្យជំរុញដល់គ្រប់អង្គភាពចំណុះកងពលទាំងអស់ ក្រៅពីការងារក្នុងអង្គភាពបម្រើជាតិមាតុភូមិ ត្រូវយកចិត្តទុកដាក់កសាងជម្រកស្នាក់នៅ បង្កបង្កើនផល និងចិញ្ចឹមសត្វ ដើម្បីជំរុញឲ្យអង្គភាពនីមួយៗរីកចម្រើន ដែលឆ្ពោះទៅដល់ការប្រឡងប្រណាំងគ្នាទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោបន្តថា បទបញ្ជារបស់ឧត្តមសេនីយ៍ទោមេបញ្ជាការតែងតែគិតគូរដល់យោធិនគ្រប់អង្គភាពជានិច្ច ដោយបានបំផុសបំផុលឲ្យមានសហការគ្នាជាកម្លាំងជួយគ្នាទៅវិញទៅមក នៅពេលមានយោធិនណាម្នាក់ជួបការលំបាកក្នុងជីវភាពរស់នៅ។

ជាក់ស្តែងនេះដែរ ទើបលោកបានឲ្យកម្លាំង ដឹកនាំដោយអនុសេនីយ៍ទោ ឌិន ឌាង មេបញ្ជាការរង គ១ នៃវរសេនាតូចលេខ៤១៤ កងពលតូចថ្មើរជើងលេខ៤១ ចុះជួយចាក់សាបនៅបរិវេណក្រោមផ្ទះគ្រួសារយោធិន ឈ្មោះ អឿន ខោន និងប្រពន្ធឈ្មោះ យឹម ញ៉ាន បាន១ទំហំ ៧ម៉ែត្រ x ៩ម៉ែត្រដែលស្ថិតនៅភូមិព្រះប្រឡាយ ឃុំព្រះប្រឡាយស្រុកត្រពាំងប្រាសាទ ខេត្តឧត្តរមានជ័យ។ ទាំងនេះហើយ គឺបានបង្ហាញពីទឹកចិត្តស្រឡាញ់រាប់អានគ្នា ក្នុងនាមជាមិត្តរួមអាវុធជាមួយគ្នា គ្រប់សមរភូមិពួកគាត់បានប្រកៀកស្មាតស៊ូប្រយុទ្ធបណ្តេញសត្រូវជាមួយគ្នារហូតដល់ប្រទេសជាតិមានសុខសន្តិភាពក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែយោធិនគ្រប់រូបបានប្រកាន់នូវភាពស្មោះត្រង់បងប្អូនរួមអាវុធ ដោយពួកគាត់បានយកអសារគ្នាទៅវិញទៅមក មិនបានចោលឲ្យយោធិនណាម្នាក់ជួបទុក្ខលំបាកឡើយ៕

ដោយ ៖ ចាន់ ធី