សម្តេចក្រឡាហោម ស ខេង៖ បង្កើតការិយាល័យច្រកចេញចូលតែមួយ ដើម្បីកាត់បន្ថយពុករលួយ
Connect with us
Helistar Cambodia - Helicopter Charter Services

ព័ត៌មានជាតិ

សម្តេចក្រឡាហោម ស ខេង៖ បង្កើតការិយាល័យច្រកចេញចូលតែមួយ ដើម្បីកាត់បន្ថយពុករលួយ

បានផុស

នៅ

សម្តេចក្រឡាហោម ស ខេង ឧបនាយករដ្ឋមន្រ្តី ក្រសួងមហាផ្ទៃ បានអះអាងថា ការបង្កើតឱ្យមានការិយាល័យច្រកចេញចូលតែមួយ គឺដើម្បីកាត់បន្ថយអំពើពុករលួយ និងផ្តល់ភាពងាយស្រួលក្នុងការបម្រើផលប្រយោជន៍ដល់ប្រជាពលរដ្ឋឱ្យកាន់តែល្អប្រសើបន្ថែមទៀត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចក្រឡាហោម បានមានប្រសាសន៍ខាងលើប្រាប់អ្នកសារព័ត៌មាន ក្រោយពីចុះត្រួតពិនិត្យប៉ុស្តិ៍រដ្ឋបាលនគរបាលដីឥដ្ឋ ការិយាល័យច្រកចេញ-ចូលតែមួយ នៅសាលាស្រុកគៀនស្វាយ ខេត្តកណ្តាល និងការចុះត្រួតពិនិត្យកន្លែងបណ្តុះបណ្តាលរបស់នគរបាលនៃរាជបណ្ឌិតសភានគរបាលជាមួយលោក គ្រឹស្ទាន បើហ្គើ Christian Berger ឯកអគ្គរដ្ឋទូតសហព័ន្ធអាល្លឺម៉ង់ ប្រចាំនៅកម្ពុជា នៅថ្ងៃទី ២៩ ខែវិច្ឆិកា ឆ្នាំ ២០២១​។

សម្តេចក្រឡាហោម ស ខេង បានលើកឡើងថា កាលពីមិនទាន់មានការិយាល័យច្រកចេញ-ចូលតែមួយ ប្រជាពលរដ្ឋ ពិបាកក្នុងកិច្ចការពឹងពាក់ដល់អាជ្ញាធរលើសេវាសាធារណៈផ្សេងៗ។ មួយវិញទៀតក៏បានកាត់បន្ថយរឿងអសកម្មរបស់អាជ្ញាធរមូលដ្ឋានផងដែរ។

សម្តេចក្រឡាហោម ស ខេង បានបញ្ជាក់ថា ក្រោយពីបង្កើតនូវការិយាល័យច្រកចេញចូលតែមួយនេះមក មន្រ្តីទាំងអស់បានខិតខំធ្វើការបម្រើប្រជាពលរដ្ឋយ៉ាងយកចិត្តទុកដាក់បំផុត។ ប្រសិនបើមិនបម្រើពួកគាត់ឱ្យបានស្រួលបួល និងទាន់ពេលវេលាទេនោះ ប្រជាពលរដ្ឋអាចមានសិទ្ធិទៅប្តឹងការិយាល័យមួយទៀត គឺការិយាល័យប្រជាពលរដ្ឋ ហើយថ្នាក់លើនឹងចាត់វិធានការដល់ពួកគេភ្លាមៗផងដែរ។ បើតាមសម្តេចក្រឡាហោម ស ខេង ការិយាល័យច្រកចេញ-ចូលតែមួយនេះនឹងធ្វើឡើងគ្រប់ស្រុកខេត្ត-ខ័ណ្ឌ ទាំងអស់នៅទូទាំងប្រទេស ខណៈខេត្តដែលបានធ្វើគ្រប់ស្រុកទើបតែបានបួនរាជធានី-ខេត្តតែប៉ុណ្ណោះ ដោយក្នុងនោះមាន រាជធានីភ្នំពេញ ខេត្តកណ្តាល កំពង់ចាម និងខេត្ត បាត់ដំបង៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

កម្ពុជា​សម្តែង​ការព្រួយបារម្ភ​យ៉ាងខ្លាំង​ចំពោះ​ការប៉ះទង្គិច​ប្រដាប់អាវុធ​ដ៏​ធ្ងន់ធ្ងរ​នៅ​មី​យ៉ាន់​ម៉ា​

ព័ត៌មានជាតិ២០ នាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៣ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

នយោបាយ៣ ម៉ោង មុន

ព្រះអង្គម្ចាស់ នរោត្តម ចក្រាវុធ អំពាវនាវ​ឱ្យ​ថ្នាក់ដឹកនាំ​បន្ត​ខិតខំ ដើម្បី​ឲ្យ​បក្ស​រាជានិយម​នេះ មាន​សម្លេង​ឡើងវិញ

ជីវិតកម្សាន្ដ៤ ម៉ោង មុន

ម៉ា ដូ​ណា ហួសចិត្ត​លើ​ការ​ផ្សព្វផ្សាយ​មួយចំនួន​ដែល​បំផ្លើស​ផ្ទុយ​ការពិត

Sokha Hotels

ព័ត៌មានពេញនិយម

Helistar Cambodia - Helicopter Charter Services