Connect with us

ព័ត៌មានជាតិ

ក្រសួងព័ត៌មាន កំពុងពិនិត្យលើសកម្មភាព របស់បុគ្គលឈ្មោះ ផាត់ ហ៊ន មុនឲ្យថ្នាក់ដឹកនាំសម្រេច

បានផុស

នៅ

មន្ត្រីជំនាញនៅក្រសួងព័ត៌មាន កំពុងពិនិត្យលើសកម្មភាព របស់បុគ្គលឈ្មោះ ផាត់ ហ៊ន ចាងហ្វាងសារព័ត៌មាន KHPlush News មុននឹងធ្វើរបាយការណ៍ ជូនថ្នាក់ដឹកនាំក្រសួងព័ត៌មាន ពិនិត្យសម្រេច។

ប៉ុន្មានថ្ងៃមកនេះ មានមហាជន ក៏ដូចជាអ្នកសារព័ត៌មានអាជីពជាច្រើននាក់ បានបញ្ចេញប្រតិកម្មមិនពេញចិត្ត ទៅលើសកម្មភាព របស់បុគ្គលឈ្មោះ ផាត់ ហ៊ន ដែលបានថតជាវីដេអូ ដេកននេលនៅតាមផ្លូវ ដែលមិនស័ក្តិសម ជាអ្នកសារព័ត៌មានអាជីពឡើយ។ អ្នករិះគន់ បានស្នើឲ្យបុគ្គលរូបនេះ គួរតែឈប់ធ្វើជាអ្នកសារព័ត៌មានទៅ គួរតែទៅចាប់អាជីពជាអ្នកសម្ដែង ឬអ្នកកំប្លែងវិញ ជាការល្អ។

លោក មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន មានប្រសាសន៍ប្រាប់កម្ពុជាថ្មី នៅថ្ងៃទី ១២ ខែមករា ឆ្នាំ ២០២២នេះថា ពាក់ព័ន្ធនឹងករណីបុគ្គលឈ្មោះ ផាត់ ហ៊ន ដែលជាចាងហ្វាងសារព័ត៌មាន KHPlush News នេះ គឺមន្ត្រីជំនាញផ្នែកនីតិកម្ម និងផ្នែកព័ត៌មាន សោតទស្សន៍ កំពុងតែពិនិត្យទៅលើសកម្មភាព របស់បុគ្គលរូបនេះ ហើយបន្ទាប់មកនឹងរៀបចំរបាយការណ៍ ដាក់ជូនថ្នាក់ដឹកនាំក្រសួងព័ត៌មាន ដើម្បីពិនិត្យសម្រេច។

នៅពេលសួរថាតើ ក្រសួងព័ត៌មាន នឹងអាចដកអាជ្ញាប័ណ្ណសារព័ត៌មាន របស់បុគ្គលឈ្មោះ ផាត់ ហ៊ន ដែរ ឬទេ ក្រោយបញ្ចេញសកម្មភាពបែបនេះ? លោក មាស សុភ័ណ្ឌ អ្នកនាំពាក្យក្រសួងព័ត៌មាន បានបញ្ជាក់យ៉ាងដូច្នេះថា «ដូចខ្ញុំបានបញ្ជាក់អញ្ចឹង យើងកំពុងតែឲ្យជំនាញផ្នែកនីតិកម្ម ផ្នែកព័ត៌មាន និងសោតទស្សន៍ ពិនិត្យ ដើម្បីលើកជាយោបល់ ដាក់ជូនថ្នាក់ដឹកនាំ ដើម្បីពិនិត្យនិងសម្រេច»។

ចំពោះករណីរបស់បុគ្គលឈ្មោះ ផាត់ ហ៊ន ដែលជាចាងហ្វាងសារព័ត៌មាន KHPlush News នេះ មិនមែនទើបតែត្រូវបានមហាជន ក៏ដូចជាអ្នកសារព័ត៌មានអាជីពរិះគន់នោះទេ ពោល គឺកើតឡើងច្រើនដងមកហើយ។ កាលពីថ្ងៃទី ១៤ ខែធ្នូ ឆ្នាំ ២០២១ ឈ្មោះ ផាត់ ហ៊ន បានសរសេរលិខិតសុំទោសជាសាធារណៈ ក្រោយពីបានប្រើពាក្យសម្ដី និងកាយវិការមិនសមរម្យមួយចំនួន។

ក្នុងលិខិតគោរពជូនលោក ខៀវ កាញ្ញារីទ្ធ រដ្ឋមន្ត្រីក្រសួងព័ត៌មាន ឈ្មោះ ផាត់ ហ៊ន បានរៀបរាប់ថា «ដោយទទួលបានការឧបត្ថម្ភ ពីម្ចាស់ក្រុមហ៊ុនស្រាបៀក្លាសេកន្លងទៅនេះ ខ្ញុំបាទបានធ្វើការឡាយ (Live) ជាវីដេអូលើ Page របស់ខ្លួន ដែលមានឈ្មោះថា KHPlus News ដោយបានប្រើប្រាស់ពាក្យសម្ដី និងកាយវិការមួយចំនួនមិនសមរម្យ ជាហេតុនាំឲ្យមហាជនមានមតិយល់ច្រឡំ ចំពោះការផ្សព្វផ្សាយព័ត៌មាន របស់ខ្ញុំបាទ ពេលកំពុងផ្សព្វផ្សាយពាណិជ្ជកម្ម ក្នុងសកម្ម ភាពមួយចំនួន ដើម្បីទាមទារចំណាប់អារម្មណ៍ ពីសាធារណជន»៕

អត្ថបទ៖ ឃួន សុភ័ក្រ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥២ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥៦ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ១ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម