សម្តេច​ តេជោ ណែនាំ​ឲ្យរដ្ឋមន្រ្តីចុះ​ជួសជុល​ហេដ្ឋារចនាសម្ព័ន្ឋ​ខូចខាត​ជា​បន្ទាន់ – Kampuchea Thmey Daily
Connect with us

ព័ត៌មានជាតិ

សម្តេច​ តេជោ ណែនាំ​ឲ្យរដ្ឋមន្រ្តីចុះ​ជួសជុល​ហេដ្ឋារចនាសម្ព័ន្ឋ​ខូចខាត​ជា​បន្ទាន់

Published

on

សម្តេច​តេជោ ហ៊ុន សែន បាន​ណែនាំ​តាម​រយៈ​រដ្ឋមន្ត្រី​ក្រសួង​ធនធាន​ទឹក អភិវឌ្ឍ​ជនបទ និង​សាធារណការ​ ត្រូវ​តែ​ចុះ​ទៅ​ពិនិត្យ​ការ​ខូចខាត​ទៅ​លើ​ហេដ្ឋារចនាសម្ព័ន្ធ ដើម្បី​ធ្វើការ​ជួសជុល​ជា​បន្ទាន់​។

សម្តេច​បាន​បញ្ជាក់​ថា កញ្ចប់​ថវិកា​មាន អញ្ចឹង​​ត្រូវ​តែ​ចុះ​ទៅ​ពិនិត្យ​ធ្វើ​ភ្លាមៗ មិន​ត្រូវ​អូស​បន្លាយ​សិក្សា​យូរ​ទេ។

​យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ជំនន់ទឹកភ្លៀងនៅឆ្នាំ២០២០នេះ បានធ្វើឲ្យប៉ះពាល់ដល់រាជធានី-ខេត្តចំនួន១៩ ស្មើនឹង៦៩ ក្រុង ស្រុក ខណ្ឌ និងឃុំចំនួន២៥៨ឃុំសង្កាត់នៅទូទាំងប្រទេស។

ក្នុងនោះប្រជាជនរងគ្រោះមានចំនួន៤៨,៣១៧គ្រួសារ ស្មើប្រមាណ១៩៣,២៦៨នាក់ ហើយប្រជាជន៣,០៩៤គ្រួសារស្មើប្រមាណ១២,៣៧៦នាក់ ត្រូវបានជម្លៀសទៅកាន់ទីទួលមានសុវត្ថិភាព។
ខេត្តក្រុង​ដែល​បានរងផលប៉ះពាល់​ធ្ងន់ធ្ងរ​ជាង​គេ​ដោយសារជំនន់ទឹកភ្លៀង មាន​ខេត្តពោធិ៍សាត់ ប៉ៃលិន បន្ទាយមានជ័យ និងរាជធានីភ្នំពេញ។

ទឹកជំនន់ក៏បានបណ្តាលឲ្យប៉ះពាល់ដល់លំនៅដ្ឋានរបស់ប្រជាពលរដ្ឋចំនួន៤៧,៩២៣ខ្នង (ខូចខាត ៥០ខ្នង) សាលារៀនចំនួន៤២៥កន្លែង ស្រូវប្រមាណ១៣១,៣២៩ហិកតា (ខូចខាតប្រមាណ៦,៦៥៧ហិកតា) ខូចខាតដល់ផ្លូវជាតិ ផ្លូវខេត្ត និងផ្លូវគ្រួសក្រហមប្រមាណ២០២គីឡូម៉ែត្រ ស្ពានចំនួន២៤កន្លែង និងប៉ះពាល់ដល់ប្រឡាយមេ ប្រឡាយរង និងប្រឡាយស្រោចស្រព ប្រមាណ៣៥២.៤ គីឡូម៉ែត្រ៕

អត្ថបទ៖ ដីក្រហម

ចុច Like Facebook កម្ពុជាថ្មី

ព័ត៌មានពេញនិយម