Connect with us

ព័ត៌មានជាតិ

មន្ត្រីជាន់ខ្ពស់ផ្នែកកសិកម្ម​ ៖ ការបញ្ចូលមីក្រូសារជាតិ ទៅក្នុងអង្ករនៅជារឿងថ្មីនៅឡើយសម្រាប់កម្ពុជា  

បានផុស

នៅ

​មន្ត្រីជាន់ខ្ពស់ផ្នែកកសិកម្ម បានលើកឡើងថា ការបញ្ចូលមីក្រូសារជាតិទៅក្នុងអំបិល ទឹកត្រី និងទឹកស៊ីអ៊ីវ ដោយប្រើជាតិអ៊ីយ៉ូដ ​ឬហ្វូឡាត ត្រូវបាន​អនុវត្តអស់រយៈពេលជាច្រើនឆ្នាំហើយ តែការបញ្ចូលមីក្រូសារជាតិ ទៅក្នុងអង្ករនៅជារឿងថ្មីនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើង របស់មន្ត្រីជាន់ខ្ពសស់ផ្នែកកសិកម្មខាងលើនេះ​ បាន​ធ្វើឡើងនៅក្នុង​វគ្គបណ្តុះបណ្តាលបច្ចេកទេសរយៈពេល ២ថ្ងៃ (ថ្ងៃទី ២៣-២៤ ខែឧសភា​) ស្តីពី ការបញ្ចូលមីក្រូសារជាតិក្នុងអង្ករ ដើម្បីគាំទ្រដល់ការអភិវឌ្ឍសមត្ថភាព ​ផ្នែកបញ្ចូលមីក្រូសារជាតិនៅក្នុងប្រទេស​ ដែលកម្មវិធីនេះរៀបចំដោយ​ស្បៀងអាហារពិភពលោក នៃអង្គការសហប្រជាជាតិ (WFP) សហការជា​មួយ​ក្រុមហ៊ុនហ្គ្រីនត្រេដ និងសហព័ន្ធស្រូវអង្ករកម្ពុជា។​

លោក សុខ ស៊ីឡូ អគ្គលេខាធិការ ក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទបាន​ថ្លែង​ថា «វគ្គបណ្តុះបណ្តាលនេះ គឺជាការបោះជំហានទៅមុខ ក្នុងការគាំទ្ររបៀបវារៈជាតិ ស្តីពី ការ​បញ្ចូលមីក្រូសារជាតិទៅក្នុងចំណីអាហារ និងឆ្លើយតបទៅនឹងអនុសាសន៍ ដែលទទួលបានពីកិច្ចសន្ទនា ស្ដីពី ប្រព័ន្ធស្បៀងឆ្នាំ ២០២១ អំពីការធ្វើពាណិជ្ជកម្មអាហារ ដែលបញ្ចូលមីក្រូសារជាតិ»។​

ការបញ្ចូលមីក្រូសារជាតិ គឺជាការបន្ថែមនូវមីក្រូសារជាតិសំខាន់ៗ ទៅក្នុងអាហារ ដូចជាអង្ករជាដើម ដើម្បីបង្កើនតម្លៃអាហារូបត្ថម្ភប្រកបដោយសុវត្ថិភាព និងសន្សំសំចៃ។ នៅកម្ពុជា ការបញ្ចូលមីក្រូសារជាតិទៅក្នុងអំបិល ទឹកត្រី និងទឹកស៊ីអ៊ីវ ដោយប្រើជាតិអ៊ីយ៉ូដ ​ឬហ្វូឡាត ត្រូវបាន​អនុវត្តអស់រយៈពេលជាច្រើនឆ្នាំហើយ។ ប៉ុន្តែការបញ្ចូលមីក្រូសារជាតិ ទៅក្នុងអង្ករនៅជារឿងថ្មីនៅឡើយ។ កម្មវិធីស្បៀងអាហារពិភពលោក បានចាប់ផ្ដើមគាំទ្រលើការការបញ្ចូលមីក្រូសារជាតិ ក្នុងអង្ករជាលើកដំបូងនៅក្នុងកម្មវិធីជាតិផ្តល់ស្បៀងអាហារតាមសាលារៀន។

លោក សុខ ស៊ីឡូ បាន​បន្ថែមថា «ខ្ញុំជឿថា នេះគឺជាជំហានចម្បងមួយ ក្នុងការដោះស្រាយបញ្ហាអាហារូបត្ថម្ភក្នុងប្រទេស ដែលប្រជាជនភាគច្រើនទទួលទានបាយក្នុងបរិមាណច្រើន ជារៀងរាល់ថ្ងៃ»។ បើតាមលោក សុខ ស៊ីឡូ ​កម្ពុជាស្ថិតក្នុងចំណោមប្រទេស ដែលទទួលទានបាយច្រើនបំផុត នៅក្នុងតំបន់។​

សូមបញ្ជាក់ថា បាយ គឺជាប្រភពថាមពលដ៏ល្អ ក៏ប៉ុន្តែវាខ្វះនូវមីក្រូសារជាតិសំខាន់ៗដូចជា វីតាមីនអា ជាតិដែក និងកាល់ស្យូម ដែលមាននៅក្នុងអាហារផ្សេងទៀត ដូចជា ប្រភេទផ្លែឈើ និងបន្លែ ជាដើម។ ជាលទ្ធផល ប្រជាជនកម្ពុជាភាគច្រើន រងផលប៉ះពាល់ដោយបញ្ហាកង្វះមីក្រូសារជាតិ ដែលអាចប៉ះពាល់ដល់សុខភាព ផលិតភាពការងារ និងសមត្ថភាពរៀនសូត្រ។ ការសិក្សាអំពីផលវិបាកផ្នែកសេដ្ឋកិច្ច ដោយសារបញ្ហាអាហារូបត្ថម្ភនៅកម្ពុជា បានរកឃើញថា ការចំណាយទៅលើបញ្ហាកង្វះអាហារូបត្ថម្ភមានបរិមាណពី ២៥០ ទៅ​ ៤០០លានដុល្លារក្នុងមួយ​ឆ្នាំ ដែលក្នុងនោះជាង ​១៣៤លានដុល្លារ បានខាតបង់ដោយសារបញ្ហាកង្វះមីក្រូសារជាតិ។

ចំណែក ម៉ម បូរ៉ាត ប្រធាននាយកដ្ឋានលើកកម្ពស់អាហារូបត្ថម្ភ នៃក្រសួងផែនការលើកឡើងថា «ការបន្ថែមវីតាមីន ឬសារធាតុរ៉ែទៅក្នុងអង្ករប្រកបដោយសុវត្ថិភាព បង្កើនគុណភាពអាហារូបត្ថម្ភរបស់អង្ករ និងអាចជាមធ្យោបាយដ៏មានប្រសិទ្ធភាព ក្នុងការទប់ទល់ជាមួយនឹងបញ្ហាកង្វះមីក្រូសារជាតិ របស់ប្រជាពលរដ្ឋក្រីក្រ ដោយ​មិនចាំបាច់ផ្លាស់ប្តូរទម្លាប់ និងរសជាតិអាហាររបស់ពួកគាត់។​ តាមរយៈការដកស្រង់ការសិក្សាឆ្នាំ ២០១៧ របស់កម្មវិធីស្បៀងអាហារពិភពលោក មួយភាគប្រាំនៃក្រុមគ្រួសារនៅកម្ពុជា ខ្វះខាតលទ្ធភាពទិញរបបអាហារ ដែលមានជីវ​ជាតិគ្រប់គ្រាន់ ក្នុងតម្លៃទាបបំផុត»។

ចាប់តាំងពីឆ្នាំ ២០១០ កម្មវិធីស្បៀងអាហារពិភពលោក គឺជាដៃគូឈានមុខរបស់រាជរដ្ឋាភិបាល ក្នុងកិច្ចការបញ្ចូលមីក្រូសារជាតិទៅក្នុងអង្ករ។ ការ​សិក្សានៅក្នុង​ដំណាក់កាលដំបូង បានបង្ហាញថា អង្ករដែលមានបញ្ចូលមីក្រូសារជាតិ ទទួលបានការចូលចិត្តខ្លាំងពីសំណាក់គ្រូបង្រៀន ឪពុកម្តាយ និងកុមារជាសិស្ស នៅទូទាំងប្រទេស។ ក្រោយមក ការសិក្សាមួយដែលធ្វើឡើងជាមួយសិស្សជាង​ ៩.០០០នាក់ បានបញ្ជាក់​ពីផលវិជ្ជមាន នៃអង្ករមីក្រូសារជាតិ ក្នុងការ​លើកកម្ពស់សុខភាព និងសមត្ថភាពក្នុងការគិតរបស់កុមារនៅតាមទីជនបទ។

ជាលទ្ធផល រាជរដ្ឋាភិបាលបានអនុម័តយល់ព្រម លើការប្រើប្រាស់អង្ករមីក្រូសារជាតិ នៅក្នុងកម្មវិធីផ្ដល់ស្បៀងអាហារ តាមសាលារៀនក្នុងឆ្នាំ ២០១៦។ បី​ឆ្នាំបន្ទាប់មក កម្មវិធីស្បៀងអាហារពិភពលោក និងក្រុមហ៊ុនហ្គ្រីនត្រេដ បានលាយអង្ករមីក្រូសារជាតិជាលើកដំបូង នៅក្នុង​ប្រទេស ដែលបង្ហាញនូវជោគជ័យមួយ ក៏ដូចជាការត្រួសត្រាយផ្លូវសម្រាប់កិច្ចការបច្ចុប្បន្ន ដែលគាំទ្រដល់រោងម៉ាស៊ីនកិនស្រូវក្នុងស្រុក ដើម្បីអនុវត្តកិច្ចការលាយបញ្ចូលអង្កមីក្រូសារជាតិនេះ។

លោកស្រី គ្លែរ កូណាន់ តំណាង និងជានាយកប្រចាំប្រទេស នៃកម្មវិធីស្បៀងអាហារពិភពលោក បាន​អបអរសាទរដល់រាជរដ្ឋាភិបាល ចំពោះភាពជាដៃគូ និងការគាំទ្រដល់ការច្នៃប្រឌិតនេះ ហើយពេលនេះ កំពុងស្ថិតក្នុងដំណាក់កាលមួយដែល​អាចពង្រីក ដើម្បីធានាការផ្គត់ផ្គង់អង្ករមីក្រូសារជាតិ ដោយនិរន្តរភាពនៅក្នុងប្រទេស​។​​

លោកស្រីអះអាងថា ​ការជំរុញការប្រើប្រាស់អង្ករមីក្រូសារជាតិ អាចជួយឲ្យយើងធានាបាន​ថា ប្រជាពលរដ្ឋគ្រប់រូប ជាពិសេសជនក្រីក្រ និងជនងាយរងគ្រោះ មាន​លទ្ធភាពទិញអាហារ ដែលមានជីវជាតិ និងអាចជម្នះលើបញ្ហាអាហារូបត្ថម្ភនៅទូទាំងប្រទេស ជាពិសេសក្នុងចំណោមស្ត្រី កុមារ និងស្ត្រីបំបៅដោះកូន៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៤ នាទី មុន

បញ្ជីបេក្ខជន នៃគណបក្សចំនួន ៩ ទទួលបានអាសនៈក្រុមប្រឹក្សា សម្រាប់ការបោះឆ្នោតឃុំ-សង្កាត់អាណត្តិទី ៥

សន្តិសុខសង្គម១០ នាទី មុន

កូនប្រុសស្រី ​ស្រែកយំ​ឡូឡា​មុខរោងការ​ឪពុក​ សុំលុយ១ម៉ឺនដុល្លារ​សងធនាគារ

ព័ត៌មានអន្ដរជាតិ២៣ នាទី មុន

មេដឹកនាំប្រទេសមួយនៅ អាស៊ាន បញ្ជាក់ពេលវេលាជួបទាំងលោក Putin និង Zelensky

ព័ត៌មានជាតិ១ ម៉ោង មុន

មេសហជីពមួយរំពឹងថា ប្រាក់ឈ្នួលកម្មករឆ្នាំ២០២៣ នឹងបន្តកើនឡើង ជាងឆ្នាំ២០២២

ព័ត៌មានជាតិ២ ម៉ោង មុន

មន្ត្រីក្រសួងយុត្តិធម៌ ៖ ការអំពាវនាវឲ្យដោះលែង និងទម្លាក់បទចោទលើអ្នកប្រព្រឹត្តខុសច្បាប់ មិនមែនជាការធានាលំហប្រជាធិបតេយ្យទេ  

Sokha Hotels

ព័ត៌មានពេញនិយម