ព័ត៌មានជាតិ
មន្ត្រីជាន់ខ្ពស់សុខាភិបាលជំរុញឱ្យក្រុមឆ្លើយតបបន្ទាន់បង្កើនការយកចិត្តទុកដាក់តាមដានរកករណីជំងឺអ៊ុតស្វា
មន្ត្រីជាន់ខ្ពស់ក្រសួងសុខាភិបាលបានជំរុញឱ្យក្រុមឆ្លើយតបបន្ទាន់នៅទូទាំងប្រទេសត្រូវបង្កើនការយកចិត្តទុកដាក់តាមដានជំងឺឆ្លងនានា ពិសេសជំងឺអ៊ុតស្វាដែលកំពុងឆ្លងនៅតាមបណ្តាប្រទេសមួយចំនួននៅលើសកលលោក។
លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង និងជាអ្នកនាំពាក្យក្រសួងសុខាភិបាលបានមាន
ប្រសាសន៍នៅព្រឹកថ្ងៃទី០៣ ខែមិថុនា នេះថា បើទោះបីជារហូតមកដល់ពេលនេះកម្ពុជានៅមិនទាន់មានករណីឆ្លងជំងឺអ៊ុតស្វាក៏ដោយ ក្រុមការងារឆ្លើយតបបន្ទាន់ដែលក្រសួងបានដាក់ពង្រាយនៅទូទាំងប្រទេសប្រមាណជាង៥ពាន់នាក់ ត្រូវបន្តយកចិត្តទុកដាក់តាមដានស្រាវជ្រាវរកជំងឺឆ្លងនេះឱ្យបានលឿន និងទាន់ពេលវេលាដើម្បីទប់ស្កាត់កុំឱ្យមានការឆ្លងរាលដាលលក្ខណៈទ្រង់ទ្រាយធំ។
លោកវេជ្ជបណ្ឌិតបានបន្តថា កន្លងមកយើងបានរកឃើញករណីសង្ស័យជំងឺអ៊ុតស្វានេះនៅក្នុងស្រុកចំនួន៦ករណី ហើយបានយកវត្ថុវិភាគទៅធ្វើតេស្តនៅវិទ្យាស្ថានប៉ាស្ទ័រកម្ពុជាលទ្ធផលបង្ហាញថា អវិជ្ជមានទាំងអស់។ យ៉ាងណាក៏ដោយ លោកវេជ្ជបណ្ឌិតបានណែនាំដល់មន្ត្រីឆ្លើយតបបន្ទាន់នៅទូទាំងប្រទេសបន្តរុករកជំងឺនេះជាបន្តទៀតទាំងនៅតាមព្រំដែននិងនៅក្នុងសហគមន៍នៅពេលឃើញរោគសញ្ញាដូចជាក្តៅខ្លួនឈឺក្បាលខ្លាំងហើមកូនកណ្ដុរឈឺសាច់ដុំនិងចេញកន្ទួលដែលមានពងបែកកន្តួលមានទំនោរប្រមូលផ្ដុំនៅលើមុខបាតដៃនិងបាតជើងមាត់ត្រូវរាយការណ៍ជាបន្ទាន់ននិងដាក់អ្នកសង្ស័យដាច់ដោយឡែកនិងយកវត្ថុសំណាកទៅវិភាគនៅវិទ្យាស្ថានប៉ាស្ទ័រដើម្បីពិនិត្យរកជំងឺអ៊ុតស្វា។
ជាមួយគ្នានេះដែរលោកវេជ្ជបណ្ឌិតបានលើកទឹកចិត្តដល់បងប្អូនប្រជាពលរដ្ឋដែលឃើញករណីសង្ស័យមានជំងឺអ៊ុតស្វាត្រូវប្រញាប់រាយការណ៍ទៅអាជ្ញាធរសុខាភិបាលឬតេទៅលេខ១១៥ជាបន្ទាន់ដើម្បីយកវត្ថុវិភាគទៅធ្វើរោគវិនិច្ឆ័យរកជំងឺអ៊ុតស្វាឱ្យបានទាន់ពេលវេលា។
លោកវេជ្ជបណ្ឌិតបានបន្ថែមទៀតថា ក្នុងការទប់ស្កាត់ជំងឺឆ្លងនានាយើងពង្រឹងសមត្ថភាពដល់ក្រុមឆ្លើយតបបន្ទាន់ដែលកំពុងដាក់ពង្រាយនៅតាមខេត្តស្រុក និងមណ្ឌលសុខភាពព្រមទាំងនៅតាមបណ្តាព្រំដែននានាឱ្យកាន់តែមានសមត្ថភាពខ្ពស់ថែមទៀតក្នុងការរករកជំងឺឆ្លងថ្មីៗព្រោះថា ពួកគាត់មានពហុជំនាញ។
លោកវេជ្ជបណ្ឌិតបានឱ្យដឹងបន្ថែមទៀតថា ក្រៅពីមានតួនាទីតាមដានជំងឺឆ្លងជារៀងរាល់ថ្ងៃហើយពួកគាត់ក៏មានចំណេះដឹងផ្សេងៗទៀតដូចជាអប់រំសុខភាពពីជំងឺឆ្លងនានា ចេះយកវត្ថុវិភាគចេះវិភាគអេពីដេមីសាស្ត្រនិងការបញ្ជួនជំងឺផងដែរហើយពួកគាត់ធ្វើការទាំងយប់ថ្ងៃដោយមិនមានថ្ងៃឈប់សម្រាកទេ ។
លោកវេជ្ជបណ្ឌិតបានលើកឡើងទៀតថា ជំងឺអ៊ុតស្វានេះត្រូវបានគេរកឃើញនៅប្រទេសអាហ្វ្រិកខាងលិចនិងអាហ្វ្រិកកណ្តាលដែលបច្ចុប្បន្ននេះបានឆ្លងនៅក្នុងសហគមន៍នៃបណ្តាប្រទេសអឺរ៉ុបមួយចំនួន កាណាដា អង់គ្លេសអូស្ត្រាលី និងអាមេរិកដោយអ្នកជំងឺទាំងនោះមិនបានធ្វើដំណើរទៅអាហ្វ្រិកនោះទេ។ ថ្មីៗនេះប្រទេសថៃជាប់ប្រទេសកម្ពុជាក៏បានរកឃើករណីជំងឺអ៊ុតស្វា១ករណីនិងសង្ស័យ១២ករណីដែលអ្នកឆ្លងបានធ្វើដំណើរមកពីអឺរ៉ុបដែលត្រូវធ្វើចត្តាឡីស័ក៧ថ្ងៃក្នុងករណីអត់ចេញរោគសញ្ញាតែបើចេញរោគសញ្ញាឬវិជ្ជមានត្រូវព្យាបាលជំងឺប្រើរយៈពេល២១ថ្ងៃ។
គួរបញ្ជាក់ថា គិតត្រឹមថ្ងៃទី៣១ ខែឧសភា ឆ្នាំ២០២២មាននៅលើពិភពលោកមានអ្នកឆ្លងជំងឺអ៊ុតស្វានេះចំនួន៦០០ករណីនិងសង្ស័យ៩ករណីនៅតាមបណ្តាប្រទេសចំនួន២៤ដែលភាគច្រើននៅទ្វីអឺរ៉ុប៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ