ព័ត៌មានជាតិ
អ្នកនាំពាក្យថា ភាគីពាក់ព័ន្ធបានអនុវត្តគ្រប់នីតិវិធីអស់ហើយ នៅឡើយតែខាងអតីតបុគ្គលិកក្រុមហ៊ុនណាហ្គាវើលដ៍
ឆ្លើយតបចំពោះការលើកឡើងរបស់តំណាងអតីតបុគ្គលិកក្រុមហ៊ុនណាហ្គាវើលដ៍ ក៏ដូចជាក្រុមអង្គការសង្គមស៊ីវិលមួយចំនួន ដែលបានរិៈគន់ចំពោះនីតិវិធីរបស់ស្ថាប័នពាក់ព័ន្ធក្នុងការដោះស្រាយបញ្ហារបស់អតីតបុគ្គលិកក្រុមហ៊ុនណាហ្គាវើលដ៍នោះ មន្ត្រីជាន់ខ្ពស់ក្រសួងការងារបានអះអាងថា ភាគីពាក់ព័ន្ធបានបំពេញនីតិវិធីក្នុងការដោះស្រាយគ្រប់គ្រាន់អស់ហើយ នៅឡើយតែភាគីខាងអតីតបុគ្គលិកក្រុមហ៊ុនណាហ្គាវើលដ៍ប៉ុណ្ណោះ ដែលមិនព្រមអនុវត្តច្បាប់។
លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ប្រាប់កម្ពុជាថ្មីថា ក្រសួង ស្ថាប័នពាក់ព័ន្ធ ក៏ដូចជាក្រុមប្រឹក្សាអាជ្ញាកណ្ដាល ដោយយោងតាមលិខិតបទដ្ឋាន ស្ដីពីវិវាទការងារនៅកម្ពុជា គឺបានបំពេញគ្រប់នីតិវិធីអស់ហើយ នៅឡើយតែភាគីខាងបុគ្គលិកក្រុមហ៊ុនណាហ្គាវើលដ៍តែប៉ុណ្ណោះ ដែលមិនព្រមទទួល ហើយមិនអនុវត្តច្បាប់។ ប្រសិនបើគាត់មើលលើមាត្រា៣៨៥ និងលិខិតបទដ្ឋានផ្សេងទៀត នៅពេលវិវាទមួយកើតឡើង បើផ្សះផ្សានៅក្រុមហ៊ុន នៅក្រសួងការងារ នៅអាជ្ញាកណ្ដាល តែមិនទទួលយកអ្វីដែលជាដំណោះស្រាយនោះទេ គាត់ត្រូវប្ដឹងទៅតុលាការ។
លោក ហេង សួរ បញ្ជាក់ទៀតថា “ខ្ញុំក៏មិនយល់ដែរនៅពេលគាត់ទាមទារឲ្យអនុវត្តច្បាប់អនុវត្តច្បាប់ យើងកំពុងតែអនុវត្តច្បាប់ហើយ គឺដោះស្រាយទៅតាមច្បាប់ ហើយបំពេញគ្រប់នីតិវិធី នៅឡើយតែនីតិវិធីមួយទេ គឺនីតិវិធីដែលគាត់ត្រូវប្ដឹងបន្តទៅតុលាការ តែគាត់មិនព្រមដឹងហើយនៅតែបន្តការតវ៉ា។ បាននៅក្នុងច្បាប់ស្តីពីការងារ ក៏ដូចជាលិខិតបទដ្ឋាននានា គឺវិវាទមិនអាចបន្តអូសបន្លាយបានទេ គឺចេញពីមួយដំណាក់ ត្រូវទៅមួយដំណាក់ទៀត ហើយប្រសិនបើគាត់នៅតែបកស្រាយដោយខ្លួនគាត់ ដោយមិនជឿទៅលើស្ថាប័នមានសមត្ថកិច្ច ដែលមានសិទ្ធិក្នុងការដោះស្រាយច្បាប់នោះទេ ទោះបីជាគាត់ទៅកន្លែងណាក៏គ្មានដំណោះស្រាយដែរ”។
លោកថា ដំណោះស្រាយដែលគាត់ចង់បាន គឺធ្វើយ៉ាងម៉េចឱ្យគាត់ឈ្នះ តែនៅក្នុងច្បាប់មានអ្នកខុស មានអ្នកត្រូវ។ ក្រសួងមិនមែនតុលាការទេ ហើយទាំងក្រុមប្រឹក្សាអាជ្ញាកណ្ដាល ក៏មិនមែនតុលាការដែរ តួនាទីគឺជាអ្នកផ្សះផ្សា ហើយពន្យល់ភាគីពាក់ព័ន្ធឲ្យយល់ពីច្បាប់ ហើយបើអ្នកណាយល់ខុសពីក្រសួងបកស្រាយ គឺមានតែទៅតុលាការប៉ុណ្ណោះ ដើម្បីបិទបញ្ចប់សំណុំរឿងនោះ។
សូមបញ្ជាក់ថា កាលពីថ្ងៃសៅរ៍ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសពីអតីតបុគ្គលិកក្រុមហ៊ុនណាហ្គាវើលដ៍ចំនួន២០៥ ក្នុងចំណោម៣៧៣រូប បានយល់ព្រមទទួលយកការទូទាត់នូវប្រាក់បំណាច់បញ្ចប់កិច្ចសន្យាការងារជាមួយក្រុមហ៊ុន ហើយនៅសល់ត្រឹម១៦៨រូបប៉ុណ្ណោះ។
ក្រោយពីការផ្សព្វផ្សាយរបស់ក្រសួងការងារបែបនេះ កញ្ញា ឈឹម ស៊ីថរ, លោក ឃុន ថារ៉ូ ក៏ដូចជាលោក នី សុខា បានលើកឡើងតាមវិទ្យុមួយថា ការពន្យារពេលដោះស្រាយវិវាទការងាររបស់បុគ្គលិកក្រុមហ៊ុនណាហ្គាវើលដ៍នោះ គឺជាយុទ្ធសាស្ត្រ ដើម្បីដាក់សម្ពាធផ្នែកសេដ្ឋកិច្ចលើក្រុមអ្នកតវ៉ា ហើយនឹងធ្វើឲ្យប៉ះពាល់ដល់មុខមាត់របស់រាជរដ្ឋាភិបាល៕
ដោយ ៖ កោះកែវ
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ