ព្រឹកនេះ តុលាការកំពូល នឹងជំនុំជម្រះបណ្តឹងសាទុក្ខ របស់អតីតអភិបាលខេត្តតាកែវ

តាមការគ្រោងទុក នៅព្រឹកថ្ងៃទី២៥ ខែធ្នូ ឆ្នាំ២០២០ នេះ ចៅក្រមតុលាការកំពូល នឹងជំនុំជម្រះលើបណ្ដឹងប្តឹងសារទុក្ខ របស់ជនជាប់ចោទ ឡាយ វណ្ណៈ អតីតចៅហ្វាយខេត្តតាកែវ និងជនជាប់ចោទ ឡាយ ណារិទ្ធ អតីតស្នងការរង នគរបាល ខេត្តតាកែវ ពាក់ព័ន្ឋករណីឃាតកម្មលើស្រ្តីម្នាក់។

សូមបញ្ជាក់ថា ជនជាប់ចោទ ត្រូវបានសាលាដំបូងរាជធានីភំពេញ និងសាលាឧទ្ធរណ៍ សម្រេចផ្តន្ទាទោសម្នាក់១០ឆ្នាំ និងម្នាក់១៣ឆ្នាំ ពីបទ ឃាតកម្ម តាមមាត្រា១៩៩ នៃក្រមព្រហ្មទណ្ឌ ពាក់ព័ន្ធការសម្លាប់អ្នកស្រី ចេវ សុវឌ្ឍនា នឹងសម្រេចផ្ដន្ទាទោសលោក ឡាយ ណារិទ្ធ អតីតស្នងការរងនគរបាលខេត្តតាកែវ ជាបងបង្កើតរបស់លោក ឡាយ វណ្ណៈ ដាក់ពន្ធនាគារ១០ឆ្នាំ ។

ចំណែកឈ្មោះ ជឹម វុធ និង ឈ្មោះ ម៉េន សាម៉ៃ ត្រូវដាក់ពន្ធនាគារកំណត់ ម្នាក់ៗ២ឆ្នាំ ក្រោមការចោទប្រកាន់ពីបទ លាក់កំបាំងតម្រុយ តាមមាត្រា៥៣២ នៃក្រមព្រហ្មទណ្ឌ ៕