Connect with us

ព័ត៌មានជាតិ

រដ្ឋបាល​រាជធានី​បង្ហាញ​ពី​លទ្ធផល​ជា​វិជ្ជមាន​មួយ​ចំនួន ជុំវិញដោះស្រាយ​នៃ ការតវ៉ា​របស់​បងប្អូន​អាជីវករ​ផ្សារ​អូរឫស្សី

បានផុស

នៅ

ភ្នំពេញ​ ៖ ប្រជុំពិភាក្សា​ស្តីពី​សំណើ​របស់​បងប្អូន​អាជីវករ​ផ្សារ​អូរឫស្សី ក្រោម​អធិបតីភាព​លោក​កើត ឆែ អភិបាលរង និង លោក​នួន ផា​រ័ត្ន អភិបាលរង នៃ​គណៈ​អភិបាល​រាជធានី​ភ្នំពេញ ជាមួយ​តំណាង​​អាជីវករ​ផ្សារ​អូរឫស្សី​ចំនួន ០៥​រូប ទទួល​បាន​លទ្ធផល​ជា​វិជ្ជមាន​មួយចំនួន។ នេះ​បើ​យោងតាម​សេចក្តីប្រកាស​ព័ត៌មាន​របស់​រដ្ឋបាល​រាជធានី​ភ្នំពេញ នៅ​ល្ងាច​នៅ​ថ្ងៃ​ចន្ទ ទី​០៨ ខែសីហា ឆ្នាំ​២០២២​នេះ។

ក្នុង​សេចក្តីប្រកាស​ព័ត៌មាន​នេះ​មានន័យថា រដ្ឋបាល​រាជធានី​ភ្នំពេញ មាន​កិត្តិយស​សូម​ជម្រាបជូន​ដល់​បងប្អូន​អាជីវករ​ផ្សារ​អូរឫស្សី​ទាំងអស់ មេត្តា​ជ្រាបថា នា​វេលា​ម៉ោង​១៤និង៣០​នាទី នៅ​ថ្ងៃ​ចន្ទ ទី​០៨ ខែសីហា ឆ្នាំ​២០២២ រដ្ឋបាល​រាជធានី​ភ្នំពេញ បានធ្វើការ​ប្រជុំពិភាក្សា​ស្តីពី​សំណើ​របស់​បងប្អូន​អាជីវករ​ផ្សារ​អូរឫស្សី ក្រោម​អធិបតីភាព ឯកឧត្ដម កើត ឆែ អភិបាលរង និង លោក​នួន ផា​រ័ត្ន អភិបាលរង នៃ​គណៈ​អភិបាល​រាជធានី​ភ្នំពេញ ជាមួយ​តំណាងអាជីវករ​ផ្សារ​អូរឫស្សី​ចំនួន ០៥​រូប​។

ជា​កិច្ច​ចាប់ផ្តើម អង្គ​ប្រជុំបាន​ស្វាគមន៍ និង​អនុញ្ញាតឱ្យ​តំណាង​អាជីវករ​លើកឡើង​នូវ​សំណូមពរ ផ្ទាល់មាត់​បន្ថែម​លើ​សំណើ​ដែល​បានដាក់​ស្នើសុំ​មក​រដ្ឋបាល​រាជធានី​ភ្នំពេញ ដើម្បី​យកមក​ពិភាក្សាគ្នា​។

ចំពោះ​សំណើសុំ​ទាំង​មុន​ទាំងក្រោយ​មាន​ចំនួន ០៤ ចំណុច​ដូចខាងក្រោម​៖

​កំណត់​អាណត្តិ ២០​ឆ្នាំ​បន្តទៀត​

ផ្តល់​ប័ណ្ណ​តូប​កម្មសិទ្ធិ​ផ្ទាល់ខ្លួន​ដូច​មុន​

​ស្នើសុំ​បង់​ត្រឹម ៥០% នៃ​តម្លៃ​អាណត្តិ​ចាស់​

​សូមឱ្យ​មានការ​ជួសជុល​ផ្សារ​នា​ឆ្នាំ​២០២៣​ខាងមុខ (​ជួសជុល​តាម​ប្លុក​) បន្ទាប់ពី បង់​អាណត្តិ​ថ្មី​រួច​។​

​តំណាង​អាជីវករ​ផ្សារ​អូរឫស្សី​បាន​លើក​បន្ថែម​ឡើង​ថា ដោយសារ​ស្ថានភាព​នៃ​ការរីក​រាលដាល ជំងឺ​កូ​វីដ​-១៩ ជាស​កល បានធ្វើឱ្យ​ប៉ះពាល់​ដល់​សេដ្ឋកិច្ច ការប្រកប​របរ​អាជីវ​កម្ម​ផ្សេងៗ បណ្តាលឱ្យ ការលក់ដូរ​ក្នុង​ផ្សារ​អូរឫស្សី​មានការ​ធ្លាក់ចុះ ទើប​បងប្អូន​អាជីវករ​មាន​សំណូមពរ​ដូចខាងលើ ពិសេស ការស្នើសុំ​បង់​ត្រឹម​៥០%​នៃ​តម្លៃ​អាណត្តិ​ចាស់​។

រដ្ឋបាល​រាជធានី​ភ្នំពេញ​បាន​ជម្រាបជូន​តំណាង​អាជីវករ​ទាំងអស់ ចំពោះ​តម្លៃ​នៃ​ការបង់ រយៈពេល ២០​ឆ្នាំ គឺជា​តម្លៃ​កាលពី​២០​ឆ្នាំមុន ដែល​បងប្អូន​ធ្លាប់បាន​បង់​រួចហើយ​។ ចំពោះ​តម្លៃ ប្រសិនបើ​យើង​ចែកជា​ប្រចាំឆ្នាំ ខែ និង​ថ្ងៃ​ឃើញថា ចំពោះ​ប្រភេទ​តូប​/​ស្តង់​តម្លៃ​ខ្ពស់បំផុត មាន​ត​ម្លៃ ៣៣០០ ដុល្លារ ក្នុង​រយៈពេល ២០ ឆ្នាំ​, បើ​ចែកជា​ប្រចាំឆ្នាំ ទឹកប្រាក់​ដែល​ត្រូវ​បង់ គឺ​ចំនួន ១៦៥ ដុល្លារ​/​ឆ្នាំ​, បើ​ចែកជា​ខែ ត្រូវ​បង់ ១៣,៧៥ ដុល្លារ​ខែ​, បើ​ចែកជា​ថ្ងៃ ត្រូវ​បង់ ០,៤៥ ដុល្លារ​/​ថ្ងៃ ឬ​ស្មើ ១.៨០០ រៀល​/​ថ្ងៃ និង​តម្លៃ​ទាប​បំផុត​គឺ​ចំនួន ១,៩៨០ ដុល្លារ ក្នុង​រយៈពេល ២០​ឆ្នាំ​, បើ​ចែកជា​ប្រចាំឆ្នាំ ទឹកប្រាក់​ដែល​បង់​គឺ​ចំនួន ៩៩ ដុល្លារ​/​ឆ្នាំ​, បើ​ចែកជា​ខែ ត្រូវ​បង់ ៨,២៥ ដុល្លារ​/​ខែ​, បើ​ចែកជា​ថ្ងៃ ត្រូវ​បង់ ០,២៧ ដុល្លារ​/​ថ្ងៃ ឬ​ស្មើ ១០៨០ រៀល​/​ថ្ងៃ ដែល​នេះ​បង្ហាញថា​ជាត​ម្លៃ​ទាប​បំផុត ។ បងប្អូន​អាជីវករ​អាច​បន្ត ការលក់ដូរ​រហូត​តកូនតចៅ​ក្នុងអំឡុងពេល​អាណត្តិ​នៃ​កិច្ចសន្យា ហើយ​បងប្អូន​អាជីវករ​អាច​ផ្ទេរសិទ្ធិ កាន់កាប់ ប្រើប្រាស់ និង​អាស្រ័យ​ផល ទៅ​កូនចៅ ឬ​អ្នកដទៃ​បាន​។

បន្ទាប់ពី​ពិភាក្សាគ្នា​យ៉ាង​ល្អិតល្អន់​នូវ​សារៈប្រយោជន៍​នៃ​ការបង់​តម្លៃ​តូប​នេះ គឺ​ដើម្បី​ធានា​នូវ អាជីវកម្មរ​បស់បង​ប្អូន​ឲ្យនៅ​ជា​ប្រក្រតី រយៈពេល ២០​ឆ្នាំ​បន្តទៀត ហើយ​រដ្ឋបាល​រាជធានី​ភ្នំពេញ​ស្នើ តំណាង​បងប្អូន​អាជីវករ​យក​លទ្ធផល​នៃ​កិច្ចប្រជុំ ទៅ​ជម្រាបជូន​បងប្អូន​អាជីវករ​អូរឫស្សី​ទាំងអស់ ដូច ខាងក្រោម​៖

១- ចំពោះ​អាណត្តិ​ថ្មី នៃ​កិច្ចសន្យា គិត​ចាប់ពី​ថ្ងៃទី​៣១ ខែធ្នូ ឆ្នាំ​២០២២ រហូតដល់​ថ្ងៃទី​៣១ ខែធ្នូ ឆ្នាំ ២០៤២​។ ២- ចំពោះ​ការបង់ប្រាក់​សម្រាប់​អាណត្តិ​ថ្មី នៃ​កិច្ចសន្យា បងប្អូន​អាជីវករ​អាចធ្វើ​ការបង់​ទៅតាម​លទ្ធភាព​ជាក់ស្តែង ដូចខាងក្រោម​៖

​ជម្រើស​ទី​១ ៖ បង់ប្រាក់ ០១ លើក សម្រាប់​អាណត្តិ​រយៈពេល ២០ ឆ្នាំ​

​ជម្រើស​ទី​២ ៖ បង់ប្រាក់ ០២​លើក សម្រាប់​អាណត្តិ​រយៈពេល ២០ ឆ្នាំ ដោយ​បង់ ១០ ឆ្នាំ ម្តង ជម្រើស​ទី​៣៖ បង់ប្រាក់ ០៤ លើក សម្រាប់​អាណត្តិ​រយៈពេល ២០​ឆ្នាំ ដោយ​បង់​០៥ ឆ្នាំ ម្តង​។​

​អង្គប្រជុំ​បានបញ្ចប់​នា​វេលា​ម៉ោង ១៦:៣០ នាទី នា​ថ្ងៃខែ​ឆ្នាំ​ដដែល ក្រោម​បរិយាកាស​រីករាយ ស្និត​ស្នាល​ក្រៃលែង​។​

​អាស្រ័យ​ដូច​បាន​ជម្រាបជូន​ខាងលើ សូម​បងប្អូន​អាជីវករ​ផ្សារ​អូរឫស្សី​ទាំងអស់​មេត្តា​ជ្រាប​ជា​

​ព័ត៌មាន​៕

ដោយ ៖ ស្រីរ័ត្ន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៧ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៤ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម