Connect with us

ព័ត៌មានជាតិ

ខេត្តបាត់ដំបង នឹងរៀបចំកែលម្អរង្វង់មូលលោក​តាដំបងក្រញូងឱ្យមានសោភណ្ឌភាពដើម្បីទាក់​ទាញ​ភ្ញៀវទេសចរ

បានផុស

នៅ

រដ្ឋបាលខេត្តបាត់ដំបង នឹងរៀបចំកែលម្អរង្វង់មូលលោកតាដំបងក្រញូងឱ្យមានសោភណ្ឌភាពឱ្យកាន់តែស្រស់ស្អាតបន្ថែមទៀត ដើម្បីទាក់ទាញភ្ញៀវទេសចរឱ្យមកកំសាន្តកាន់តែច្រើនបន្ថែមទៀត។​ជាងនេះទៀតការរៀចំកែលម្អនេះក៏រៀបចំសណ្តាប់ធ្នាប់នៅតំបន់នេះឱ្យបានល្អស័កសមជាទីកន្លែងសក្ការៈសម្រាប់ប្រជាពលរដ្ឋទាំងនៅក្នុងខេត្ត និងបងប្អូនមកពីតាមបណ្តាខេត្តផ្សេងៗដែលមកកំសាន្តផងដែរ ។​ចំពោះទីតាំងដែលត្រូវរៀបចំនៅរង្វង់មូលលោកតាដំបងក្រញូងរួមមានចំណតរថយន្តការរៀបចំសួនច្បារថ្មីកន្លែងលក់ដូរឱ្យមានសណ្តាប់ធ្នាប់ និងរបៀបរៀបរយនិងកន្លែងសម្រាប់ថតរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនេះ លោក សុខ លូ អភិបាល នៃគណៈអភិបាលខេត្តបាត់ដំបង បានណែនាំឱ្យអាជ្ញាធរត្រួតពិនិត្យតំបន់ផ្ទះអភិរក្សដូចជា ការតសំយ៉ាបតង់កៅស៊ូ ការដាក់លក់ទំនិញមុខផ្ទះបាំងជិតផ្លូវដើរការតំឡើង​ស្លាកយីហោបាំងតួអគារ និងបញ្ហាបណ្តាញខ្សែកាបរញេរញៃជាដើមដែលបានបង្កឱ្យមានភាពអសណ្តាប់ធ្នាប់ និងខូចសោភ័ណភាព។

លោកអភិបាលខេត្តបានបន្តទៀតថា ដើម្បីប្រែក្លាយតំបន់នេះឱ្យទៅជាតំបន់ផ្ទះអភិរក្សពេញលេញតម្រូវឱ្យមានការរុះរើសំយ៉ាប និងសា្លកយីហោចាស់ ដោយដាក់ជំនួសវិញនូវសំយ៉ាប​និងស្លាកយីហោថ្មីស្រប​ទៅតាមស្តង់ដាររួមមួយដែលបានកំណត់ច្បាស់លាស់ទៅតាមប្លង់គំរូ ។

លោកអភិបាលខេត្តក៏បានណែនាំដល់ក្រុមការងាររៀបចំសណ្ដាប់ធ្នាប់ក្រុងទាំងអស់ពន្លឿនក្នុងការរៀបចំការលាបពណ៌ផ្ទះ សម្រាប់ផ្ទះស្ថិតក្នុងតំបន់អភិរក្សដោយក្នុងនោះរដ្ឋបាលខេត្តបានធ្វើការកំណត់លេខកូដពណ៌​ដែលពណ៌នោះគឺជាពណ៌នៃទម្រង់ដើមនៃអគារនៅតំបន់អភិរក្សនោះតែម្ដង ដើម្បីឱ្យផ្ទះនៅតំបន់អភិរក្សនេះមានពណ៌ដូចគ្នាផង និងដើម្បីរក្សាអត្តសញ្ញាណដើមនៃអគារទាំងនោះផង​ក៏ដូចជាដើម្បីទាក់ទាញភ្ញៀវ​ទេសចរឱ្យមកចូលទស្សនាខេត្តបាត់ដំបងកាន់តែច្រើនឡើងៗ ។

លោកអភិបាលខេត្តក៏បានលើកឡើងអំពីការរៀបចំផ្លូវដើរចិញ្ចើមផ្លូវសម្រាប់អ្នកដំណើរងាយស្រួលក្នុងការដើរដោយមានកម្ពស់ស្មើៗគ្នា និងមានរូបរាងដូចៗគ្នា ដើម្បីមើលឃើញថាមានរបៀបរៀបរយ​និងមានសណ្ដាប់​ធ្នាប់ផងដែរ ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម