Connect with us

ព័ត៌មានជាតិ

អ្វីទៅជាក្រុមប្រឹក្សាអភិវឌ្ឍន៍កម្ពុជា CDC ?

បានផុស

នៅ

ក្រោយការបោះឆ្នោតជ្រើសតាំងតំណាងរាស្ត្រ អាណត្តិទី១ ឆ្នាំ១៩៩៣ រាជរដ្ឋាភិបាលកម្ពុជា បានសម្រេចបង្កើតនូវក្រុមប្រឹក្សាអភិវឌ្ឍន៍កម្ពុជា (ក.អ.ក)។ ក្រុមប្រឹក្សាអភិវឌ្ឍន៍កម្ពុជា គឺជាសេនាធិការឲ្យរាជរដ្ឋាភិបាល ទទួលបន្ទុកលើការងារពិនិត្យ និងសម្រេចការងារនីតិសម្បទា អភិវឌ្ឍន៍ និងការវិនិយោគលើវិស័យឯកជន និងសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមប្រឹក្សាអភិវឌ្ឍន៍កម្ពុជា មានបេសកកម្មលើកកម្ពស់ និងសម្រួលដល់ការវិនិយោគបរទេស និងក្នុងស្រុក ដើម្បីសម្រេចបាននូវវិស័យឯកជនដែលមានស្ថិរភាព និងភាពរឹងមាំក្នុងការអភិវឌ្ឍរបស់ប្រទេសកម្ពុជា។ ទន្ទឹមនេះ ក្រុមប្រឹក្សាអភិវឌ្ឍន៍កម្ពុជា ជួយពន្លឿនការអនុម័តគម្រោងវិនិយោគថ្មីៗ និងផ្តល់នូវសេវាកម្មច្រកចេញចូលតែមួយ ប្រកបដោយប្រសិទ្ធភាពដល់វិនិយោគិន។

ក្រុមប្រឹក្សាអភិវឌ្ឍន៍កម្ពុជា ជាស្ថាប័នផ្តល់ព័ត៌មានដល់វិនិយោគិនដែលមានសក្តានុពល ពិនិត្យពាក្យសុំវិនិយោគ ផ្តល់ការលើកទឹកចិត្តដល់វិនិយោគិន ការតាមដានគម្រោងវិនិយោគក្រោយការអនុវត្ត ផ្តល់សេវាថែទាំដល់វិនិយោគិនក្នុងការអនុវត្តគម្រោងវិនិយោគ និងផ្តល់វេទិកាសម្រាប់វិស័យឯកជនចូលរួមក្នុងកិច្ចសន្ទនាជាមួយរាជរដ្ឋាភិបាល ជាដើម។

ជាមួយគ្នានេះ ក្រុមប្រឹក្សាអភិវឌ្ឍន៍កម្ពុជា បានធ្វើការយ៉ាងជិតស្និទ្ធិជាមួយស្ថាប័នរបស់រាជរដ្ឋាភិបាលផ្សេងទៀត និងចូលរួមប្រតិបត្តិយ៉ាងសកម្មតាមរយៈគណៈកម្មាធិការវិនិយោគកម្ពុជានៃក្រុមប្រឹក្សាវិនិយោគកម្ពុជា ដើម្បីធានាថា វិនិយោគិនត្រូវបានគាំទ្រដោយប្រសិទ្ធភាព។ ក្រុមប្រឹក្សាអភិវឌ្ឍន៍កម្ពុជា ក៏គ្រប់គ្រងលើគោលនយោបាយវិនិយោគរបស់វិស័យឯកជន ដោយទាក់ទាញការវិនិយោគបន្ថែម និងរក្សាបាននូវផលិតភាពនៃការវិនិយោគពីវិស័យឯកជនផងដែរ។

បច្ចុប្បន្ននេះ ក្រុមប្រឹក្សាអភិវឌ្ឍន៍កម្ពុជា ដឹកនាំដោយផ្ទាល់ដោយសម្ដេចតេជោ ហ៊ុន សែន ជាប្រធាន និងមានលោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី ជាអគ្គលេខាធិការទទួលខុសត្រូវទាំងស្រុងរាល់កិច្ចការទាំងឡាយរបស់ក្រុមប្រឹក្សាអភិវឌ្ឍន៍កម្ពុជា៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ស្ថាប័នបីចាប់ដៃបង្កើតឱកាសរួមគ្នារវាងកម្ពុជា-ជប៉ុន ផ្អែកលើទស្សនវិជ្ជាធុរកិច្ចរបស់លោក Inamori

ព័ត៌មានអន្ដរជាតិ១ ម៉ោង មុន

គណបក្សភឿថៃ បង្ហាញបេក្ខជនតំណាងរាស្ត្រថ្មីសម្រាប់ការបោះឆ្នោតសមាជិកសភាអាណត្តិក្រោយ

ព័ត៌មានជាតិ២ ម៉ោង មុន

លោក​ឡុង ឌី​ម៉​ង់ លើកឡើង​អំពី​សក្តានុពល ខេត្ត​ព្រះសីហនុ ក្នុង​វេទិកា​អភិបាលក្រុង​អាស៊ាន AMF និង​កិច្ចប្រជុំ​អភិបាល​រាជធានី រដ្ឋធានី​អាស៊ាន MGMAC ឆ្នាំ​២០២២

KPT+៣ ម៉ោង មុន

ទាយាទស្ថាបនិក Red Bull ក្លាយជាមហាសេដ្ឋីមានបំផុតនៅអឺរ៉ុប ក្រោយទទួលមរតកជិត ១៦ពាន់់លានដុល្លារ

សន្តិសុខសង្គម៣ ម៉ោង មុន

ស្នងការរាជធានីភ្នំពេញ​ ត្រៀមកម្លាំងជាង ៧០០នាក់ ដើម្បីការពារសន្តិសុខសណ្ដាប់​ធ្នាប់ សម្រាប់ការប្រឡងបាក់ឌុប

Sokha Hotels

ព័ត៌មានពេញនិយម