ព័ត៌មានជាតិ
លោក ជា សុមេធី អញ្ជើញសំណេះសំណាលអតីតយុទ្ធជនចំនួន ៥៤ គ្រួសារ ដែលត្រៀមផ្ទេរទៅរស់នៅខេត្តឧត្តរមានជ័យ
ព្រៃវែង ៖ នៅថ្ងៃទី ២៤ ខែវិច្ឆិកា ឆ្នាំ ២០២២ លោក ជា សុមេធី អភិបាលខេត្តព្រៃវែង រួមនឹងមន្ទីរអង្គភាពនានាជុំវិញខេត្តបានអញ្ជើញជួបសំណេះសំណាលដល់បងប្អូនយុទ្ធជនចំនួន ៥៤ គ្រួសារ ដែលនឹងត្រៀមខ្លួនផ្ទេរ ទៅរស់នៅ ស្រុកចុងកាល់ ខេត្តឧត្តរមានជ័យ។
លោក ជា សុមេធី អភិបាលខេត្ត បានមានប្រសាសន៍ផ្តាំផ្ញើ ចំពោះការស្ម័គ្រចិត្តរបស់បងប្អូនយុទ្ធជនចំនួន ៥៤ គ្រួសារ ទៅរស់នៅក្នុងស្រុកចុងកាល់ ខេត្តឧត្តរមានជ័យនោះ សូមគោរពនូវគោលនយោបាយភូមិ ឃុំ មានសុវត្ថិភាពមិនលេងល្បែង មិនផ្តល់ ឬជួលទីតាំងផ្ទះស្នាក់នៅប្រព្រឹត្តអំពើមិនល្អ ប្រើប្រាស់ឬជួញដូរគ្រឿងញៀន។
ផ្ទះ និងដីសម្បទានសង្គមកិច្ច ដែលសម្តេចអគ្គមហាសេនាបតីតេជោ ហ៊ុន សែន បានធ្វើប្រគល់ជូននេះ មិនមានសិទ្ធលក់ ឬជួលបានទេ រស់នៅរយៈពេល៥ឆ្នាំទើបមានកម្មសិទ្ធស្រប់ច្បាប់ផ្តល់ប្លង់ជូន។ មិនត្រូវឈ្មោះប្រកែកគ្នា រហូតប្រើអំពើហិង្សាដាក់គ្នានៅក្នុងសហគមន៍ថ្មីឡើយ អ្នកទៅពីព្រៃវែងទាំង អស់ត្រូវចេះរាប់អានស្រឡាញ់គ្នា មានបញ្ហាអ្វីត្រូវប្រាប់អាជ្ញាធរមូលដ្ឋាន។ ពីព្រោះនៅតំបន់នោះគឺមាន អតីតយុទ្ធជនទៅពី ក្រុងភ្នំពេញ ខេត្តកណ្តាល និងខេត្តសៀមរាប បានទៅចូលរស់នៅបានជាង ១០០ គ្រួសារហើយ។ បងប្អូនយុទ្ធជនដែលទៅរស់នៅសហគមន៍ថ្មីនេះ សុំទៅចុះឈ្មោះបោះឆ្នោត ដើម្បីបោះឆ្នោតនៅទីនោះ ឲ្យបានគ្រប់ៗគ្នា។
លោក បានមានប្រសាសន៍បន្តថា កាលពីកន្លងមកបងប្អូនយុទ្ធជន បានខិតខំទាំងកម្លាំងកាយ កម្លាំងចិត្ត បម្រើជាតិ មាតុភូមិ រក្សាសន្តិភាពសង្គម និងធ្វើឱ្យប្រទេសជាតិមានសុខសន្តិភាពរហូតបច្ចុប្បន្ននេះ។ ជាការពិតណាស់ ការផ្ដល់ដីសម្បទានសង្គមកិច្ចនេះ ជាការគិតគូរខ្លាំងណាស់របស់ប្រមុខរាជរដ្ឋាភិបាល ចំពោះបងប្អូនអតីតយុទ្ធជនយើងដែលបានលះបង់សាច់ស្រស់ឈាមស្រស់ ដើម្បីបូរណភាពទឹកដី រហូតអ្នកខ្លះបាត់បង់ជីវិតក្នុងសមរភូមិប្រយុទ្ធ និងអ្នកខ្លះរបួស ពិការរហូតមកដល់សព្វថ្ងៃនេះ។
លោកអភិបាលខេត្ត សូមឱ្យអតីតយុទ្ធជនទាំងអស់ បានទៅដល់ទឹកដីថ្មី ត្រូវខិតខំចិញ្ចឹមសត្វ ដាំដុះដំណាំរួមផ្សំផ្សេងៗ ថែមទាំងត្រូវថែទាំសុខភាព តាមរយៈការរស់នៅស្អាត ហូបស្អាត និងផឹកស្អាត ឲ្យបានជាប់ជាប្រចាំ៕
ដោយ ៖ សៅគ្រី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង