ព័ត៌មានជាតិ

ក្រសួងសុខាភិបាលនិងអភិបាលខេត្ត ចុះពិនិត្យអគារសាងសង់នៅមណ្ឌលសុខភាព ហ៊ុន សែន ថ្មដា

បានផុស

២ years មុន

នៅ

ថ្ងៃអង្គារ ២៩ វិច្ឆិកា ២០២២

ដោយ

ពោធិ៍សាត់ ៖ លោកខួយ រីដា អភិបាលនៃគណៈអភិបាលខេត្តពោធិ៍សាត់អមដំណើរដោយលោកសាស្ត្រាចារ្យ ម៉ម ប៊ុនហេង រដ្ឋមន្ត្រី ក្រសួងសុខាភិបាល និងប្រតិភូព្រមទាំងអាជ្ញាធរខេត្តស្រុកចុះពិនិត្យទីតាំងសាងសង់អគារសង្គ្រោះ នៅមណ្ឌលសុខភាព ហ៊ុន សែន ថ្មដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងដំណើរចុះត្រួតពិនិត្យនេះ គឺនាល្ងាចថ្ងៃទី២៩ ខែវិច្ឆិកា ឆ្នាំ២០២២ នៅមណ្ឌលសុខភាព ហ៊ុន សែន ថ្មដា ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់។

បើតាមលោក ខូយ រីដា អភិបាលនៃគណៈអភិបាលខេត្តពោធិ៍សាត់បានមានប្រសាសន៍ថា នេះជាអំណោយរបស់អ្នកឧកញ៉ា បណ្ឌិត ទ្រី ភាព អគ្គនាយកក្រុមហ៊ុន ទ្រី ភាព គ្រុប និង លោកជំទាវ អ្នកឧកញ៉ា គៀន ស្រីនាង បានផ្ដល់នូវអគារសង្គ្រោះសម្រាកព្យាបាលដល់អ្នកជំងឺ ០១ខ្នង ដំបូលប្រក់ក្បឿង មានទំហំ ២១ម x ១៥.៥ម ស្មើនឹង ០៩បន្ទប់ ក្នុងនោះមានបន្ទប់សម្រាកព្យាបាលជំងឺ ០៨បន្ទប់ ដែលអាចដាក់គ្រែបាន ២៤គ្រែ បន្ទប់សម្រាប់ក្រុមគ្រូពេទ្យ ០១បន្ទប់ និង បន្ទប់រង់ចាំ ០១បន្ទប់ ព្រមទាំងបន្ទប់ទឹក ០១ខ្នង ស្មើនឹង ០៦បន្ទប់ ដែលត្រូវចំណាយថវិកាអស់ជាង (៧ម៉ឺនដុល្លារអាមេរិក )។

ក្នុងខណៈនោះដែរ លោកសាស្ត្រាចារ្យ ម៉ម ប៊ុនហេង រដ្ឋមន្ត្រី ក្រសួងសុខាភិបាល បានបន្ថែមបញ្ជាក់ថា ដោយមើលឃើញជាក់ស្ដែងនៃការខ្វះខាតសេវាកម្មមធ្យោបាយដឹកអ្នកជំងឺ លោករដ្ឋមន្ត្រី បានផ្ដល់រថយន្តសង្គ្រោះបន្ទាន់មួយគ្រឿងជូនដល់មណ្ឌលសុខភាពបន្ថែមផងដែរ៕

ដោយ ៖ លាន គ្រន