ព័ត៌មានជាតិ

រដ្ឋាភិបាលចែកពូជស្រូវជូនពលរដ្ឋជាងមួយពាន់គ្រួសារដែលរងគ្រោះដោយសារជំនន់ទឹកភ្លៀងលិចដំណាំ

បានផុស

២ years មុន

នៅ

ថ្ងៃសុក្រ ១០ កុម្ភៈ ២០២៣

ដោយ

ពោធិ៍សាត់ ៖ ប្រជាពលរដ្ឋដែលរងគ្រោះដោយសារជំនន់ទឹកភ្លៀងលិចខូចខាតដំណាំស្រូវជាលើកទី២ប្រមាណ៩៩៥គ្រួសារ នៅស្រុកកណ្ដៀត ខេត្តពោធិ៍សាត់ ត្រូវបានលោក ឡាំ ហេងហួត រដ្ឋមន្ត្រីប្រតិភូអមនាយករដ្ឋមន្ត្រី និងជាអនុប្រធានគណៈកម្មាធិការជាតិគ្រប់គ្រងគ្រោះមហន្តរាយតំណាងដ៏ខ្ពង់ខ្ពស់លោកបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី១ គណៈកម្មាជាតិគ្រប់គ្រងគ្រោះមហន្តរាយនិងរដ្ឋលេខាធិការក្រសួងកសិកម្ម អភិបាលខេត្ត គណៈប្រតិភូអមដំណើរ ចុះចែកស្រូវពូជស្ដារឡើងវិញជាលើកទី២ចំនួន៩៩៥គ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះធ្វើឡើងនៅព្រឹកថ្ងៃទី១០ ខែកុម្ភៈ ឆ្នាំ២០២៣ ក្នុងសាលាបឋមសិក្សា១០មករា ឃុំកញ្ជរ ស្រុកកណ្ដៀង ខេត្តពោធិ៍សាត់។

ថ្លែងទៅកាន់ប្រជាពលរដ្ឋទាំង៩៩៥គ្រួសារ លោក ឡាំ ហេងហួត បានកោតសរសើរដល់លោក ខូយ រីដា អភិបាលនៃគណៈអភិបាលខេត្តពោធិ៍សាត់ ដែលបានខិតខំចុះវាយតម្លៃផលខូចខាតស្រូវដំណាំរបស់ប្រជាពលរដ្ឋរងគ្រោះដោយសារជំនន់ទឹកភ្លៀងក្នុងរដូវប្រាំងជាលើទី២ ហើយបានឯកភាពធ្វើការស្នើសុំប្រមុខដឹកនាំរាជរដ្ឋាភិបាលដែលមានសម្តេច តេជោ ហ៊ុនសែន ជាប្រមុខដឹកនាំដ៏ឆ្នើម បានប្រគល់ស្រូវពូជជូនកសិកររងគ្រោះភ្លាមៗដោយមិនបង្អង់យូរឡើយ។

លោកបានបន្តថា ជាមួយនឹងការផ្ដល់ស្រូវពូជជូនដើម្បីបង្កបង្កើនផលស្ដារឡើងនេះប្រជាពលរដ្ឋទាំង៩៩៥គ្រួសារដែលរងគ្រោះនេះ សម្ដេច តេជោ ហ៊ុន សែន និង សម្ដេចកិត្តិបណ្ឌិត ប៊ុន រ៉ានី ហ៊ុន សែន ក៏បានផ្ដាំផ្ញើសួរសុខទុកដល់បងប្អូនទាំងអស់ ត្រូវចូលរួមថែទាំសុខភាពឲ្យបានល្អ តាមរយៈហូបស្អាត ផឹកស្អាត រស់នៅស្អាត និងប្រកបដោយអនាម័យខ្ពស់។

សូមបញ្ជាក់ផងដែរថា ស្រូវពូជដែលបងប្អូនប្រជាពលរដ្ឋទទួលបានទាំង៩៩៥គ្រួសារ គឺក្នុង១គ្រួសារទទួលបានចំនួន១០០គីឡូក្រាម ស្មើៗគ្នា ហើយលោក ខូយ រីដា អភិបាលខេត្តក៏បានដឹកនាំប្រតិភូចុះពិនិត្យផលដំណាំស្រូវជាក់ស្ដែងរបស់ប្រជាកសិករផងដែរ៕

ដោយ ៖ លាន គ្រន