សម្តេច​ក្រឡាហោម ស ខេង បញ្ជា​ឲ្យ​អាជ្ញាធរ​គ្រប់​ថ្នាក់ លុបបំបាត់​យានយន្ត ដែល​បង្ក​សម្លេង​រំខាន​ដល់​ប្រជាពលរដ្ឋ
Connect with us
Helistar Cambodia - Helicopter Charter Services

ព័ត៌មានជាតិ

សម្តេច​ក្រឡាហោម ស ខេង បញ្ជា​ឲ្យ​អាជ្ញាធរ​គ្រប់​ថ្នាក់ លុបបំបាត់​យានយន្ត ដែល​បង្ក​សម្លេង​រំខាន​ដល់​ប្រជាពលរដ្ឋ

Published

on

សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បាន​ប្រាប់​ឲ្យ​គណៈបញ្ជាការ​ឯកភាពរ​ដ្ឋ​បាល​គ្រប់​ថ្នាក់ យកចិត្តទុកដាក់​ធ្វើការ​អប់រំ ណែនាំ ផ្សព្វផ្សាយ និង​លុបបំបាត់​រាល់​ការកែច្នៃ​បំពង់​ស៊ី​ម៉ាំង​មូ​តូ ឬ​រថយន្ត ដែល​នាំ​ឲ្យ​បង្ក​សម្លេង​រំខាន​ដល់​អារម្មណ៍​ប្រជាពលរដ្ឋ នេះ​បើ​យោងតាម​សេចក្តីណែនាំ​ចុះ​ថ្ងៃទី​១៥ ខែមករា​។

សម្តេច​ក្រឡាហោម ស ខេង បញ្ជាក់ថា អនុវត្តតាម​ច្បាប់​ស្តីពី​ចរាចរណ៍​ផ្លូវគោក និង​អនុក្រឹត្យ​លេខ​៤២ អនក្រ​.​បក ចុះ​ថ្ងៃទី​១០ ខែកក្កដា ឆ្នាំ​២០០០ ស្តីពី​ការត្រួតពិនិត្យ​ការបំពុល​ខ្យល់ និង​ការរំខាន​ដោយ​សម្លេង និង​ដើម្បី​ពង្រឹង​ការអនុវត្ត​ច្បាប់ និង​លិខិតបទដ្ឋាន​ជា​ធរមាន សំដៅ​លុបបំបាត់​រាល់​សកម្មភាព បែប​អនាធិបតេយ្យ​ក្នុងការ​បញ្ហា​យានយន្ត​គ្រប់​ប្រភេទ ដែល​បង្ក​សម្លេង​រំខាន​លើស​កម្រិត​កំណត់ និង​ដើម្បី​លើកកម្ពស់​សេចក្តីថ្លៃថ្នូរ​ក្នុងសង្គម គណៈបញ្ជាការ​ឯកភាព​រដ្ឋបាល​គ្រប់​ថ្នាក់ និង​រដ្ឋបាល​ឃុំ សង្កាត់ ត្រូវ​យកចិត្តទុកដាក់​ធ្វើការ អប់រំ​ណែនាំ និង​ផ្សព្វផ្សាយ​ឲ្យ​បាន​ទូលំទូលាយ​ចំពោះ​អ្នកប្រើប្រាស់​យានយន្ត​កែច្នៃ​បំពង់​ស៊ី​ម៉ាំង ឬ​ដោះ​បំពង់​ស៊ី​ម៉ាំង ឲ្យ​បញ្ឈប់​សកម្មភាព​បង្ក​សម្លេង​រំខាន​ដល់​អារម្មណ៍​ប្រជាពលរដ្ឋ ដោយ​ត្រូវ​យក​យានយន្ត​ទៅ​បំពាក់​បំពង់​ស៊ី​ម៉ាំង ឲ្យ​បាន​ត្រឹមត្រូវ​តាម​លក្ខណៈ​បច្ចេកទេស ដើម្បី​ធានា​កម្រិត​សម្លេង​មិន​ឲ្យ​លើស​ពី​ការកំណត់​។

ទន្ទឹម​នោះ ត្រូវ​អប់រំ​សីលធម៌ សុជីវធម៌​ក្នុងការ​បញ្ហា​យានយន្ត​ចំពោះ​អ្នកប្រើប្រាស់​យានយន្ត ដែលមាន​កម្រិត​សម្លេង​ខ្លាំង ដើម្បី​ជៀសវាង​ការ​ធ្វើ​ឲ្យ​ប៉ះពាល់​ដល់​អារម្មណ៍ និង​សិទ្ធិ​រស់នៅ​របស់​ប្រជាពលរដ្ឋ ព្រមទាំង​រក្សាបាន​នូវ​សេចក្តី​ថ្លៃថ្នូរ ក្នុងសង្គម​។

បើតាម​សម្តេច​ក្រឡាហោម ស ខេង កម្រិត​សម្លេង​ដែល​បាន​កំណត់​ដោយ​ច្បាប់ និង​លិខិត​បទដ្ឋាន​ជា​ធរមាន ស្តីពី​ចរាចរណ៍​ផ្លូវគោក និង​អនុក្រឹត្យ​ស្តីពី​ការ​ត្រួតពិនិត្យ​ការ​បំពុល​ខ្យល់ និង​ការ​រំខាន​ដោយ​សម្លេង​រួមមាន​៖ ចំពោះ​ទោចក្រយានយន្ត ចំណុះ​ស៊ីឡាំង (CC)< 125cm (​តូច​ជាង​១២៥​សម​៣) មិនត្រូវ​ឲ្យ​លើសពី 85dB(A), ចំណុះ​ស៊ីឡាំង (CC) > 125cm3 (​ចាប់ពី ១២៥​សម​៣ ឡើង​) មិនត្រូវ​ឲ្យ​លើសពី 90dB (A)​។

ចំពោះ​រថយន្ត រថយន្ត​គ្រួសារ និង​រថយន្ត ដែលមាន​ទម្ងន់​សរុប​អតិបរមា​មិន​លើស​៣,៥​តោន មិន​ត្រូវ​ឲ្យ​លើសពី 03dB(A), រថយន្ត​ដែលមាន​ទម្ងន់​សរុប​អតិបរមា​លើស​ពី​៣,៥​តោន និង​មាន​កម្លាំង​ម៉ាស៊ីន​មិន​លើស​១៥០Kw មិនត្រូវ​ឲ្យ​លើសពី​105dB(A), រថយន្ត​ដែលមាន​ទម្ងន់​សរុប​អតិបរមា​លើសពី​៣,៥​តោន និង​មាន​កម្លាំង​ស៊ីន​ពី​១៥០KW មិនត្រូវ​ឲ្យ​លើសពី 107dB(A) ។ ចំណែក​រថយន្ត​ស្ទួ​ច និង​រថយន្ត​បំពាក់​ឧបករណ៍​ពិសេស មិនត្រូវ​ឲ្យ​លើសពី​110dB(A)​។

សម្តេច​ក្រឡាហោម ស ខេង បញ្ជាក់ថា គណៈ​បញ្ជាការ​ឯកភាព​រដ្ឋបាល​រាជធានី ខេត្ត ក្រុង ស្រុក ខណ្ឌ ដែលមាន​ស្នងការដ្ឋាន នគរបាល​រាជធានី ខេត្ត អធិការដ្ឋាន​នគរបាល​ក្រុង ស្រុក ខណ្ឌ ជា​សេនាធិការ ត្រូវ​ចុះ​ត្រួត ពិនិត្យ និង​ធ្វើ​ការអប់រំ​ណែនាំ​ដល់​ម្ចាស់​ទីតាំង​កែច្នៃ​យានយន្ត​ឲ្យ​បញ្ឈប់​រាល់​ការកែច្នៃ​យានយន្ត​ខុស​បច្ចេកទេស​។ ក្នុង​ករ​ណ៏​បន្ត​លបលួច​កែច្នៃ ត្រូវ​ចាត់វិធានការ​រដ្ឋបាល និង​វិធានការ​ច្បាប់​ឲ្យ​បាន​ម៉ឺងម៉ាត់​។

កងកម្លាំង​មាន​សមត្ថកិច្ច​ពាក់ព័ន្ធ​គ្រប់​ថ្នាក់ ពិសេស​ស្នងការដ្ឋាន​នគរបាល​រាជធានី ខេត្ត ត្រូវ​ចាត់វិធានការ​បន្ទាន់ ណែនាំ​ដល់​កម្លាំង ដែលមាន​សមត្ថកិច្ច​ក្រោម​ឱវាទ​ទាំងអស់ ធ្វើការ​ត្រួតពិនិត្យ និង​លុបបំបាត់​ឲ្យ​បាន​រាល់​ការប្រើប្រាស់​យានយន្ត​កែច្នៃ​បំពង់​ស៊ី​ម៉ាំង ឬ​រដោះ​បំពង់​ស៊ី​ម៉ាំង និង​ណែនាំ​ដល់​អ្នក​បញ្ហា​យានយន្ត​បង្ក​សម្លេង​រំខាន​ដល់​ប្រជាពលរដ្ឋ ដោយ​ត្រូវ​យកចិត្តទុកដាក់​ត្រួតពិនិត្យ​លើ​ដងផ្លូវ ទីប្រជុំជន និង​ធ្វើ​ការឃាត់​អប់រំ​ជាបឋម​ឲ្យ​បញ្ឈប់​សកម្មភាព ព្រមទាំង​ធ្វើ​កិច្ចសន្យា​យក​យានយន្ត​ទៅ​បំពាក់​បំពង់​ស៊ី​ម៉ាំង​តាម​លក្ខណៈ បច្ចេកទេស​ឲ្យ​បាន​ត្រឹមត្រូវ​។ ទន្ទឹម​នោះ ត្រូវ​ណែនាំ​អំពី​សីលធម៌ សុជីវធម៌​ក្នុងការ​បញ្ហា​យានយន្ត​ចំពោះ​អ្នកប្រើប្រាស់​យានយន្ត ដែលមាន​កម្រិត​សម្លេង​ខ្លាំង ដើម្បី​ជៀសវាង​ធ្វើ​ឲ្យ​ប៉ះពាល់​ដល់​អារម្មណ៍ និង​សិទ្ធិ​រស់នៅ​របស់​ប្រជាពលរដ្ឋ​ទូទៅ និង​រក្សា​បាន​ភាព​ថ្លៃថ្នូ​រ​ក្នុង​សង្គម និង​ណែនាំ​ដល់​កម្លាំង​មាន​សមត្ថកិច្ច ត្រូវបំពេញ​តាម​តួនាទី ភារកិច្ច​របស់​ខ្លួន​ឲ្យ​បាន​ម៉ឺងម៉ាត់ ហ្មត់ចត់​ប្រកបដោយ​ក្រមសីលធម៌​វិជ្ជាជីវៈ និង​គ្មាន​ការលើកលែង​៕
ដោយ ៖ កោះ​កែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ51 mins ago

យុវជន​ម្នាក់​ទៅ​ស៊ី​ឈ្នួល​កាប់​ដើម​កៅស៊ូ​ ដែល​ប៉ះ​និង​ខ្សែកាប​ភ្លើង​ឆក់​ស្លាប់​មួយ​រំពេច

ព័ត៌មានជាតិ59 mins ago

ឧ​ត្ត​ម​មន្ត្រី​គាំទ្រ ឲ្យ​កម្ពុជា​លើក​ពេល​កិច្ចប្រជុំ​កំពូល​អាស៊ី​-​អឺរ៉ុប លើក​ទី​១៣ ទៅ​ចុង​ឆ្នាំនេះ​វិញ​

ព័ត៌មានជាតិ59 mins ago

ក្រសួង​ប្រកាសថា បុរស​ជនជាតិចិនម្នាក់ ស្លាប់​ដោយ​សារ​ថ្នាំញៀន មិន​​ស្លាប់​ដោយសារ​ជំងឺកូវីដ១៩ ទេ

ជីវិតកម្សាន្ដ1 hour ago

អាការៈ​លោកស្រី ច័ន្ទ​ធី បាន​ធូរ​ស្រាល​ក្រោយ​ធ្លាក់ ខ្លួន​ឈឺ​ដោយសារ​ជំងឺ​សម្ពាធ​ឈាម​

ព័ត៌មានជាតិ1 hour ago

បិទហាងហ្វឺជាបណ្តោះអាសន្នមួយកន្លែងនៅកណ្តាលក្រុងសៀមរាប បន្ទាប់ពីអ្នករត់ចេញ​ពី​កន្លែងចក្តាឡីស័ក ហើយចូលទៅញ៉ាំអាហារនៅទីនោះ

Sokha Hotels

ព័ត៌មានពេញនិយម

Helistar Cambodia - Helicopter Charter Services