ព័ត៌មានជាតិ
ក្រសួងសុខាភិបាល បង្ហាញពីវិធីការពារសុខភាព និងរក្សាសុវត្ថិភាព អំឡុងទស្សនាការប្រកួតកីឡាស៊ីហ្គេម
ក្រសួងសុខាភិបាល បានបង្ហាញពីវិធីការពារសុខភាព និងរក្សាសុវត្ថិភាព អំឡុងពេលទស្សនាការប្រកួតកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះ។
នៅក្នុងសេចក្ដីណែនាំរបស់ក្រសួងសុខាភិបាល ចុះថ្ងៃទី ២៧ មេសា លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំដល់ប្រជាពលរដ្ឋ ត្រូវចេះរក្សាសុខភាពផ្ទាល់ខ្លួនឲ្យបានល្អ ដោយចូលរួមការពារទប់ស្កាត់ការចម្លងរោគនានា និងការពាររាករូស ឬពុលចំណីអាហារ ដោយអនុវត្តវិធានការថែរក្សាអនាម័យស្អាត ធានានូវសុវត្ថិភាព ចំណីអាហារ បរិភោគចំណីអាហារឆ្អិនល្អ និងពិសាទឹកស្អាត ឬទឹកដាំពុះ ជាពិសេស សូមកុំច្រាន ឬប្រជ្រៀតគ្នា ដើម្បីទប់ស្កាត់នូវការដួលសន្លប់ដែលអាចកើតមានជាយថាហេតុ ហើយបើបងប្អូនវិលមុខ ឬស្រវាំងភ្នែក សុំអង្គុយចុះ និង ហៅរកអ្នកជួយសង្គ្រោះ។
លោករដ្ឋមន្ត្រី បានក្រើនរំលឹកដល់ពលរដ្ឋទាំងអស់ បន្តចូលរួមការពារការចម្លងរោគដូចជា ជំងឺអេដស៍ ជំងឺផ្ដាសាយ រលាកបំពង់ក រលាកផ្លូវដង្ហើម ជាពិសេសត្រូវចេះការពារខ្លួនពីការចម្លងវីរុសកូវីដ-១៩ និងវីរុសផ្តាសាយបក្សីជាដើម ដែល ក្រសួងសុខាភិបាល តែងតែបានចេញផ្សាយជាហូរហែរួចមកហើយ។
លោករដ្ឋមន្ត្រី បានពន្យល់ថា ការរាករូស រាកមូល ចុកពោះ ចង្អោរក្អួត ភាគច្រើនបណ្ដាលមកពីការបរិភោគចំណីអាហារ ការពិសាម្ហូបអាហារមិនស្អាត ដោយមានមេរោគ ចំណីអាហារមិនមានសុវត្ថិភាពល្អ ឬអាចធ្វើឲ្យពុលចំណីអាហារតែម្ដង ឬ ដោយសារអាហារ ស្រា ភេសជ្ជៈណាមួយមានសារជាតិពុល។
លោករដ្ឋមន្ត្រី បានណែនាំដល់អ្នកមានជំងឺឡើងសម្ពាធឈាម ត្រូវប្រុងប្រយ័ត្នផ្ទាល់ខ្លួន កុំនៅកន្លែងចង្អៀត ឬប្រជ្រៀតនៅកន្លែងចង្អៀត អាចធ្វើឲ្យសម្ពាធឈាមឡើង។ ត្រូវចេះអធ្យាស្រ័យឲ្យគ្នាទៅវិញទៅមក ប្រសិនបើមានការប៉ះទង្គិចគ្នាបន្តិចបន្តួច ហើយចៀសវាងការប្រើអំពើហិង្សា បាញ់បោះ ឬ វាយប្រតប់គ្នា ជាដើម។
លោករដ្ឋមន្ត្រី បានបញ្ជាក់ថា ប្រសិនបើមានបញ្ហាសុខភាព អាចស្វែងរកសេវារថយន្ត គិលានសង្គ្រោះ និងការពិនិត្យព្យាបាលនៅតាមទីតាំងដូចបានផ្សព្វផ្សាយរួចហើយ។
លោករដ្ឋមន្ត្រីក្រសួងសុខាភិបាល សង្ឃឹមថា ប្រជាពលរដ្ឋទាំងអស់ នឹងចូលរួមអនុវត្តតាមការណែនាំដោយស្មារតីទទួលខុសត្រូវខ្ពស់ និងសូមសប្បាយរីករាយមានសុខសុវត្ថិភាពក្នុងការទស្សនាកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ នាពេលខាងមុខនេះ។
គួរបញ្ជាក់ថា សម្រាប់ព្រឹត្តិការណ៍កីឡាស៊ីហ្គេម ក្រសួងសុខាភិបាល បានត្រៀមរថយន្តគិលានសង្គ្រោះចំនួន ១១៤ គ្រឿង ក្នុងនោះមានរថយន្ត ៧២ គ្រឿង សម្រាប់រាជធានីភ្នំពេញ និង ៤២ គ្រឿងទៀត នៅខេត្តព្រះសីហនុ កំពត កែប និងខេត្តសៀមរាប។ រថយន្តគ្លីនិកចល័ត ៩ គ្រឿង មាន ៦ គ្រឿង នៅរាជធានីភ្នំពេញ និង ២ គ្រឿងទៀត នៅតាមខេត្ត។ ត្រៀមមន្ទីរពេទ្យរដ្ឋចំនួន ៧ ក្នុងរាជធានីភ្នំពេញ និងនៅមន្ទីរពេទ្យបង្អែកខេត្តសៀមរាប ព្រះសីហនុ កំពត និងកែប ព្រមទាំងត្រៀមបុគ្គលិកពេទ្យ ៨៣៣ នាក់ ក្នុងនោះនៅរាជធានីភ្នំពេញ ៤៥៧ នាក់៕
អត្ថបទ ៖ សំអឿន
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?