ព័ត៌មានជាតិ
សាលារៀនដែលប្រើជាមណ្ឌលចត្តាឡីស័កបានប្រគល់ឲ្យសាលាបើកដំណើរការចូលរៀនឡើងវិញជាបណ្តើរៗហើយ
លោក ងួន រតនៈ អភិបាលខេត្តបាត់ដំបងបានមានប្រសាសន៍ថា សាលារៀនដែលជាមណ្ឌលចត្តាឡីស័កត្រូវលាងសម្អាត រួចប្រគល់ជូនលោកគ្រូ អ្នកគ្រូដើម្បីបើកដំណើរការសិក្សាឡើងវិញ។
ថ្លែងក្នុងឱកាសដឹកនាំកិច្ចប្រជុំបូកសរុបកិច្ចការងារធ្វើចត្តាឡីស័ក និងផែនការបន្ត សម្រាប់មណ្ឌលចត្តាឡីស័កក្នុងខេត្ត កាលពីថ្ងៃទី២១ ខែមករា លោកអភិបាលខេត្តបានបន្តថា រដ្ឋបាលស្រុកទាំង ៣ ជាប់ព្រំដែនរួមមាន ស្រុកកំរៀង ស្រុកភ្នំព្រឹក និងស្រុកសំពៅលូន ត្រូវពិនិត្យទីតាំងសាលារៀនដែលជាមណ្ឌលចត្តាឡីស័ក ហើយត្រូវយកទីតាំងមណ្ឌលចត្តាឡីស័កណាមួយច្របាច់បញ្ចូលគ្នា និងត្រូវលាងសម្អាត រួចប្រគល់ជូនលោកគ្រូ អ្នកគ្រូ ដើម្បីបើកដំណើរការសិក្សាឡើងវិញ។
ខេត្តបាត់ដំបងមានមណ្ឌលចត្តឡីស័កក្រុង ស្រុកមួយចំនួនបានធ្វើការលាងសម្អាត បាញ់ថ្នាំសម្លាប់មេរោគ រួចប្រគល់ជូនលោកគ្រូ អ្នកគ្រូ និងបានបើកដំណើរការឱ្យសិស្សានុសិស្សចូលរៀនវិញហើយរួមមាន មណ្ឌលចត្តាឡីស័កក្រុងបាត់ដំបង( វិទ្យាល័យព្រះមុន្នីវង្ស) មណ្ឌលចត្តាឡីស័កស្រុកថ្មគោល (វិទ្យាល័យជ្រៃ) និងមណ្ឌលចត្តាឡីស័កស្រុកសង្កែ(វិទ្យាល័យអន្លង់វិ)។
លោកបណ្ឌិតសភា ចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានលើកឡើងកាលពីពេលថ្មីៗនេះថាមានសាលារៀនប្រមាណ៦៧សាលាហើយត្រូវបានប្រើប្រាស់ជាមណ្ឌលចត្តាឡីស័កពិសេសសាលារៀននៅតាមបណ្តាខេត្តជាប់ព្រំដែនដូចជាខេត្តឧត្តរមានជ័យ បន្ទាយមានជ័យ និងបាត់ដំបងដោយសារពលករខ្មែរមកពីថៃមានចំនួនកាន់តែច្រើនឡើងៗ។
គូសបញ្ជាក់ថា គិតត្រឹមថ្ងៃទី២០ ខែមករា ឆ្នាំ២០២១ មានពលករខ្មែរដែលវិលត្រឡប់ពីប្រទេសថៃ ដែលកំពុងធ្វើចត្តាឡីស័កសរុបប្រមាណ ៣០៧៩នាក់ បានបញ្ចប់ចត្តាឡីស័កប្រមាណ ១៧១០នាក់ បញ្ជូនទៅបណ្តាខេត្តផ្សេងៗ ៣១៩នាក់ នៅសល់ក្នុងមណ្ឌលចត្តាឡីស័ក ១០៥០នាក់ ហើយករណីកើតថ្មីចំពោះពលករមានផ្ទុកជំងឺកូវិដ ១៩ សរុប ១៧នាក់ ជាសះស្បើយចំនួន ៧ នាក់ និងកំពុងសម្រាកព្យាបាលនៅមន្ទីរបង្អែកខេត្ត ចំនួន ១០ នាក់ផងដែរ៕
ដោយ ៖ សំអឿន
ក្រោយឈ្នះឆ្នោត តើលោក ពូទីន នឹងហោះទៅទស្សនកិច្ចប្រទេសមហាមិត្តណាមុនគេ?
អង្គការយូនីសេហ្វ បង្ហាញវិធីសាស្ត្រ៥ចំណុចដល់ឪពុកម្តាយ ដើម្បីឱ្យកូនៗស្រឡាញ់ការអាន
ក្រោយត្រូវមិត្តប្រុសស្គាល់គ្នា១០ឆ្នាំបោះបង់ចោល Fan Bingbing វិលមកវិញកាន់តែខ្លាំង
ចរាចរប្រាក់រៀលកើនឡើង ១៥ ភាគរយ ក្នុងមួយឆ្នាំ នាអំឡុង២ទសវត្សរ៍ចុងក្រោយ
អភិបាលរងខេត្តស្វាយរៀង២រូប ចុះធ្វើបច្ចុប្បន្នភាពការបង្ក្រាបល្បែងស៊ីសងខុសច្បាប់ នៅក្រុងបាវិត
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ