ព័ត៌មានជាតិ
មន្ត្រីជាន់ខ្ពស់ថា គ.ជ.ប ប្ដេជ្ញាការពារឲ្យបាននូវវិជ្ជាជីវៈ និងអនុវត្តការងារ ដោយគោរពតាមរដ្ឋធម្មនុញ្ញ
ការបញ្ជាក់របស់ លោក ម៉ុក ដារ៉ា អគ្គលេខាធិការរងគណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើឡើងនៅក្នុងពិធីបិទវគ្គបណ្ដុះបណ្ដាល ស្ដីពី “ប្រសិទ្ធភាព នៃការបណ្ដុះបណ្ដាល ការអប់រំ ការផ្សព្វផ្សាយព័ត៌មាន ការដាក់ ការទទួល និងការដោះស្រាយពាក្យបណ្ដឹងក្នុងដំណើរការបោះឆ្នោត” ជូនមន្ត្រីរាជការ គ.ជ.ប ក្រុងព្រៃវែង ខេត្តព្រៃវែង កាលពីរសៀលថ្ងៃទី២៩ ខែតុលា ឆ្នាំ២០២០។
ថ្លែងក្នុងពិធីនោះ លោក ម៉ុក ដារ៉ា លើកឡើងថា នេះជាព្រឹត្តិការណ៍មួយដ៏សំខាន់ និងជាឱកាសមួយសម្រាប់មន្ត្រីរាជការ គ.ជ.ប ទាំងអស់ ទទួលបាននូវចំណេះដឹងបន្ថែមទៀត ពាក់ព័ន្ធនឹងជំនាញរបស់ខ្លួន ដើម្បីធ្វើជាមូលដ្ឋានក្នុងការអនុវត្តការងារឲ្យកាន់តែមានប្រសិទ្ធភាព និងមានគុណភាពខ្ពស់។
លោកបានវាយតម្លៃខ្ពស់ និងកោតសរសើរយ៉ាងខ្លាំង ដល់មន្ត្រីរាជការ គ.ជ.ប ទាំងអស់ ដែលបានខិតខំក្រេបយកចំណេះដឹងក្នុងរយៈពេល៤ថ្ងៃនេះប្រកបដោយភាពជោគជ័យ។ លោកបន្តថា គ្រប់ការបោះឆ្នោត គ្រប់ការពិនិត្យបញ្ជីឈ្មោះ និងការចុះឈ្មោះបោះឆ្នោត គ.ជ.ប តែងតែបើកវគ្គបណ្ដុះបណ្ដាលដល់មន្ត្រីរបស់ខ្លួនគ្រប់លំដាប់ថ្នាក់ អំពីច្បាប់ បទបញ្ជា និងនីតិវិធី ក្រមសីលធម៌ និងសេចក្ដីណែនាំផ្សេងៗដែលពាក់ព័ន្ធនឹងជំនាញ ដើម្បីត្រៀមលក្ខណៈអនុវត្តការងារឲ្យកាន់តែមានប្រសិទ្ធភាព។
តាម លោក ម៉ុក ដារ៉ា គ.ជ.ប មិនមែនត្រឹមតែជាស្ថាប័នកំពូល ដែលមានចែងក្នុងរដ្ឋធម្មនុញ្ញតែប៉ុណ្ណោះទេ។ គ.ជ.ប ត្រូវការពារឲ្យខាងតែបាននូវអ្វីដែលជាវិជ្ជាជីវៈភាពជារបស់ខ្លួន ហើយគ្មានជម្រើសផ្សេងក្រៅតែពីអនុវត្តការងាររបស់ខ្លួន ដោយគោរពរដ្ឋធម្មនុញ្ញ គោរពច្បាប់ នោះទេ ពីព្រោះស្ថាប័ន គ.ជ.ប ជាស្ថាប័នបច្ចេកទេស។
សូមបញ្ជាក់ថា វគ្គបណ្ដុះបណ្ដាលនេះ ធ្វើឡើងភ្លាមៗបន្ទាប់ពីការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២០ រយៈពេល១៩ថ្ងៃ បានបញ្ចប់ទៅជាមួយនឹងលទ្ធផលល្អប្រសើរ។
ទន្ទឹមនឹងលទ្ធផលនេះ គ.ជ.ប បានសង្កេតឃើញថា ការអនុវត្តបទបញ្ជា និងនីតិវិធីនៅមានភាពខ្វះ ចន្លោះនៅឡើយ ទើប គ.ជ.ប បានចាត់ឲ្យរៀបចំវគ្គបណ្ដុះបណ្ដាលជូនដល់មន្ត្រីរាជការ គ.ជ.ប និងមន្ត្រីលេខាធិការដ្ឋានរាជធានី ខេត្តរៀបចំការបោះឆ្នោត។
នេះជាការពង្រឹងបន្ថែមសមត្ថភាពមន្ត្រីរាជការ គ.ជ.ប។ គ.ជ.ប នឹងប្រមូលរាល់អនុសាសន៍របស់លធ.ខប ទាំង ២៥ ចំពោះមេរៀន និងបទពិសោធន៍ ដែលបានជួបប្រទះក្នុងពេលថ្មីៗនេះ ដើម្បីស្នើសុំធ្វើវិសោធនកម្ម និងដាក់ជូនភាគីពាក់ព័ន្ធទាំង ១១ ពិនិត្យ មុននឹង គ.ជ.ប ចេញផ្សាយជាសាធារណៈ ។ បន្ថែមពីនោះ ដើម្បីឲ្យការពិនិត្យបញ្ជីឈ្មោះ និងការចុះឈ្មោះបោះឆ្នោត ក៏ដូចជាការបោះឆ្នោតនៅពេលខាងមុខ កាន់តែប្រសើរថែមទៀត។
នេះជាលើកទី២ផងដែរ ដែលនាយកដ្ឋានបណ្ដុះបណ្ដាល និងអប់រំអ្នកបោះឆ្នោត បានរៀបចំវគ្គបណ្ដុះបណ្ដាលនេះឡើង ដោយមានរយៈពេល៤ថ្ងៃ ចាប់ពីថ្ងៃទី២៦ ដល់ថ្ងៃទី២៩ ខែតុលា ឆ្នាំ២០២០ ដែលមានសិក្ខាកាមចូលរួមសរុបចំនួនប្រមាណ១៣១នាក់។ ក្នុងនោះមានស្រីចំនួន២៣នាក់ ដែលជាមន្ត្រី មកពីទីស្ដីការ គ.ជ.ប និងលេខាធិការដ្ឋានរាជធានី/ខេត្តរៀបចំការបោះឆ្នោត ទាំង២៥។
វគ្គបណ្ដុះបណ្ដាល បានបញ្ចប់ទៅដោយរលូន និងជោគជ័យ ហើយសិក្ខាកាមទាំងអស់ ក៏បានប្ដេជ្ញាថា នឹងនាំយកចំណេះដឹងដែលទទួលបានពីគ្រូឧទ្ទេសនីមួយៗ ទៅចែករំលែកទៅដល់មន្ត្រីបោះ ឆ្នោតផ្សេងទៀត ដែលមិនបានចូលរួមក្នុងវគ្គបណ្ដុះបណ្ដាលនេះ៕
អត្ថបទ ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង