សុខសន្តិភាព បានផ្តល់​ឱកាស​ដល់​ព​ល​រដ្ឋ​គ្រប់រូប មាន​សិទ្ធ​ធ្វើបុណ្យ គោរព​ប្រតិបត្តិ ជំនឿរ សាសនា​រៀងៗ​ខ្លួន​​
Connect with us
Helistar Cambodia - Helicopter Charter Services

ព័ត៌មានជាតិ

សុខសន្តិភាព បានផ្តល់​ឱកាស​ដល់​ព​ល​រដ្ឋ​គ្រប់រូប មាន​សិទ្ធ​ធ្វើបុណ្យ គោរព​ប្រតិបត្តិ ជំនឿរ សាសនា​រៀងៗ​ខ្លួន​​

Published

on

​លោកជំទាវ​កិត្តិសង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង​ទំនាក់ទំនង​ជាមួយ​-​រដ្ឋសភា ព្រឹទ្ធសភា និង​អធិការកិច្ច បាន​ថ្លែងថា​សុខសន្តិភាព បានផ្តល់​ឱកាស​ដល់​ព​ល​រដ្ឋ​គ្រប់រូប មាន​សិទ្ធ​ធ្វើបុណ្យ គោរព​ប្រតិបត្តិ ជំនឿរ សាសនារៀងៗ​ខ្លួន​។

លោកជំទាវ​កិត្តិសង្គហ​បណ្ឌិត​ថ្លែង​បែបនេះ​ខណៈ​អញ្ជើញ និង​ថ្វាយបង្គំ​ព្រះ​បា​រម​សារីរិកធាតុ និង​ពិធីរាប់បាត្រ​ព្រះសង្ឃចំនួន១១៨​អង្គ និងយាយជី តាជី៣០០​នាក់ ពុទ្ធ​មណ្ឌល​វិប្បសនាធុរៈ នៃ​ព្រះរា ជាណាចក្រ​កម្ពុជា ស្ថិតនៅក្នុង ឃុំ​ផ្សារ​ដែក ស្រុក​ពញ្ញាឮ ខេត្តកណ្តាល​ម្សិល​ម៉ិ​ញ​នេះ​។​

​លោកជំទាវ​កិត្តិ​សង្គហ​បណ្ឌិត ម៉ែន សំអន បានថ្លែងថា ក្រោម​ការដឹកនាំ​ប្រកបដោយ​កិត្តិ​បណ្ឌិត​របស់​សម្តេច​តេ​ជោ ហ៊ុន សែន បាន​ដឹកនាំឱ្យ​ប្រទេស​កម្ពុជា មាននូវ​ឯករាជ អធិបតេយ្យភាព និង​បូរណភាព​ទឹកដី ដែល​ធ្វើ​ឲ្យ​ប្រជាជន​កម្ពុជា​ទូទាំងប្រទេស បាននឹង​កំពុង​រស់នៅ​ក្នុង​សុខសន្តិភាព សុខដុមរមនា សំបូរ​សប្បាយ និង​ពោរពេញ​ទៅដោយ​មោទនភាព ចំពោះ​សមិទ្ធផល​យ៉ាងច្រើន​សន្ធឹក​សន្ធាប់ ដែល​សម្រេចបាន​ក្នុង​រយៈពេល​កន្លងមក​នេះ​។ ឈរលើ​មូលដ្ឋាន​នៃ​សុខសន្តិភាព កម្ពុជា​កំពុងមាន​ការអភិវឌ្ឍន៍​លើ​គ្រប់​វិស័យ និង​កំណើនសេដ្ឋកិច្ច​ខ្ពស់ ហើយ​ជីវភាព​រស់នៅ​របស់​ប្រជាជន​កម្ពុជា កាន់​តែមាន​ភាពប្រសើរ​ឡើងជា​លំដាប់ ក្នុងនោះ​វិស័យ​ព្រះពុទ្ធសាសនា​ក៏មាន​ការ​រីក​ចម្រើន​គួរ​ឲ្យ​កត់សម្គាល់​ផងដែរ ដែល​បានផ្តល់​ឱកាស​ដល់​ពល​រដ្ឋ​គ្រប់រូប មាន​សិទ្ធ​ធ្វើបុណ្យ គោ​រព​ប្រតិបត្តិ ទៅតាម​ជំនឿ​រៀងៗ​ខ្លួន តាម​បែ​ប្រពៃណី​ខ្មែរ ។

​តាមរយៈការចូលរួម​របស់លោកជំទាវ ឯកឧត្តម ឧកញ៉ា លោក លោកស្រី មន្ត្រីរាជការ និង​ពុទ្ធ​បរិ​ស័ទ​ជិត​ឆ្ងាយ ក្នុងថ្ងៃនេះ បានបង្ហាញ​ឲ្យ​ឃើញ​អំពី​ទឹកចិត្ត សទ្ធា​ជ្រះថ្លា​របស់​ប្រជាពលរដ្ឋ​ខ្មែរ​ទូទៅ ក្នុងការ​ជ្រោមជ្រែង​វិស័យ​ព្រះពុទ្ធសាសនា​ឲ្យ​កាន់តែ​មាន​ភាព​រីកចម្រើន​ថែម​មួយកម្រិត​ទៀត ស្រប​តាម​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា ដែល​ចែងថា ព្រះពុទ្ធសាសនា គឺជា​សាសនា​របស់​រដ្ឋ​៕

អត្ថបទ ៖ វិមាន​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ8 mins ago

ពិធីអាពាហ៍ពិពាហ៍​ជាង​៥០​រោងនៅខណ្ឌទួលគោក​ត្រូវបាន​ពន្យា​ពេល ដើម្បី​ទប់ស្កាត់​ការឆ្លង​ជំងឺ​កូ​វីដ​-១៩ ក្នុង​ព្រឹត្តិការ​សហគមន៍​២០​កុម្ភៈ​​

ព័ត៌មានជាតិ27 mins ago

អាជ្ញាធរក្នុងសង្កាត់ចំនួន​បី ក្នុងខណ្ឌច្បារអំពៅ អះអាង​ថា ម្ចាស់​ដើម​ការ​ពន្យា​ពេល​រៀបពិធី​មង្គលការកូន​របស់​ខ្លួន​

ព័ត៌មានអន្ដរជាតិ1 hour ago

គណៈកម្មការរៀបចំការបោះឆ្នោតថ្មីមីយ៉ាន់ម៉ាពិនិត្យលទ្ធផលឆ្នាំមុន

ព័ត៌មានជាតិ1 hour ago

ផ្ទុះគ្រាប់បែកទាំងកណ្តាលថ្ងៃត្រង់ បុរសម្នាក់រងរបួសធ្ងន់

ព័ត៌មានជាតិ2 hours ago

ផ្សារ​ព្រំដែន​កម្ពុជា​ព្រែក​ចាក​ជា​កន្លែង​ដោះដូរ​និង​តាំង​លក់ទំនិញ​បី​ប្រទេស​រួមគ្នា

Sokha Hotels

ព័ត៌មានពេញនិយម

Helistar Cambodia - Helicopter Charter Services