កូនទាំង៤របស់លោក ឡៅ វណ្ណា ដែល​ស្លាប់ដោយជំងឺ​កូ​វីដ​-១៩ ទទួលបាន​អាហារូបករណ៍​ពិសេស ពីសម្តេច​តេ​ជោ
Connect with us
Helistar Cambodia - Helicopter Charter Services

ព័ត៌មានជាតិ

កូនទាំង៤របស់លោក ឡៅ វណ្ណា ដែល​ស្លាប់ដោយជំងឺ​កូ​វីដ​-១៩ ទទួលបាន​អាហារូបករណ៍​ពិសេស ពីសម្តេច​តេ​ជោ

បានផុស

នៅ

នៅវេលា​ព្រឹក​ថ្ងៃទី​១៦ ខែមីនា ឆ្នាំ​២០២១នេះ ឯកឧត្តម​បណ្ឌិត លី ឆេង តំណាងរាស្ត្រ​មណ្ឌល​រាជ​ធានី​ភ្នំពេញ និង​ជា​អគ្គនាយក ប៊ែ​ល​ធី គ្រុប និងលោក ឌី រ័ត្ន​ខេ​ម​រុណ អភិបាលរង​ខណ្ឌមានជ័យ តំណាង ឯកឧត្តម ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ បាន​នាំយក​អាហា​រូប​ករណ៍​ពិសេស​សិក្សា​រយៈពេល១២​ឆ្នាំ របស់សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋ​មន្ត្រី នៃ​ព្រះរាជាណាចក្រ​កម្ពុជា និងសម្តេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុន សែន ប្រគល់ជូន​លោក​ស្រី វ៉េង សុ​ម៉ាលី ដែល​ត្រូវជា​ប្រពន្ធ​របស់លោក ឡៅ វណ្ណា ដែល​បានទទួល​មរណភាព ដោយសារ​ជំងឺ​កូ​វីដ​-១៩ កាលពី​ថ្ងៃទី​១១ ខែមីនា ឆ្នាំ​២០២១ សម្រាប់​ផ្តល់ជូន​កូនៗ​ក្នុងបន្ទុក​ទាំង៤​នាក់ ឲ្យ​មាន​ឱកាស​បាន​បន្ត​ការសិក្សា​នៅ​សាលា ប៊ែ​ល​ធី អន្តរជាតិ មួយ​ចប់​កម្មវិធីសិក្សា​ទាំង​ថ្នាក់​ចំណេះ​ទូទៅ (ថ្នាក់​ទី​១ ដល់ទី​១២) និង​ភាសា​អង់គ្លេស​ទូទៅ (Preschool ដល់ Level 12) ក្នុងនោះ​៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ឈ្មោះ ឡៅ លី​ម៉េង ភេទ​ប្រុស ត្រូវ​ចូលរៀន​ថ្នាក់​ចំណេះ​ទូទៅ ទី​១១ និង​ភាសា​អង់គ្លេស​ទូទៅ Level 9 ។ ២- ឈ្មោះ ឡៅ លី​ជីន ភេទ​ប្រុស ត្រូវ​ចូលរៀន​ថ្នាក់​ចំណេះ​ទូទៅ ទី​៦ និង​ភាសា​អង់គ្លេស​ទូទៅ Preschool 1។ ៣- ឈ្មោះ ឡៅ សុ​ម៉ា​លីន ភេទ​ស្រី ត្រូវ​ចូលរៀន​ថ្នាក់​ចំណេះ​ទូទៅ ទី​២ និង​ភាសា​អង់គ្លេស​ទូទៅ Preschool 1។ ៤- ឈ្មោះ ឡៅ លី​ហេង ភេទ​ប្រុស ត្រូវ​ចូលរៀន​ថ្នាក់​ចំណេះ​ទូទៅ ទី​១ និង​ភាសា​អង់គ្លេស​ទូទៅ Preschool 1 ។​

ចំពោះ អាហារូបករណ៍​ពិសេស​នេះ​រួមមាន​៖

១-​អាហារូបករណ៍ ១០០% សិក្សា​មួយ​ចប់​កម្មវិធី​ទាំង​ថ្នាក់​ចំណេះ​ទូទៅ និង​ភាសា​អង់គ្លេស​ទូទៅ​

២-​ឯកសណ្ឋាន ២​កំ​ប្លេ ជា​រៀងរាល់ឆ្នាំ ​

៣-​សៀវភៅ​ពុ​ម្ភ​សិក្សា​ទាំង​ថ្នាក់​ចំណេះ​ទូទៅ និង​ភាសា​អង់គ្លេស​ទូទៅ ១​ឈុត ជា​រៀងរាល់ឆ្នាំ និង​វគ្គ​។​

ក្នុងឱកាស​នេះដែរ លោក ឌី រ័ត្ន​ខេ​ម​រុណ អភិបាលរង ខណ្ឌមានជ័យ បាន​លើកឡើងថា សូម​ក្រុម​គ្រួសារ​នៃ​សព លោក ឡៅ វណ្ណា និង​កូនៗ កុំ​មាន​ក្តីបារម្ភ និង​អស់សង្ឃឹម អំពី​ជីវភាព​គ្រួសារ ក្នុង​នោះ ឯកឧត្ដម ឃួ​ង ស្រេង អភិបាល នៃ​គណៈ​អភិបាល​រាជធានី​ភ្នំពេញ បាន​ផ្តាំផ្ញើ លោក​អភិបាល​ខណ្ឌ​មានជ័យ ជួយ​ពិនិត្យ​ថែទាំ និង​សម្រួល​ដល់​ស្ថានភាព​ជីវភាព​គ្រួសារ​សព ឲ្យ​បាន​សមរម្យ​ផង​ដែរ ។​

ឯកឧត្តម​បណ្ឌិត លី ឆេង ក៏បាន​ពាំនាំ​នូវ​ការ​ផ្តាំផ្ញើសាកសួរ​សុខទុក្ខ ពី​សំណាក់ សម្តេច​អគ្គមហាសេនាបតី​តេ​ជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ដោយបាន​សម្តែង​នូវ​ការចូលរួម​រំលែក​ទុក្ខ​ដ៏​ក្រៀមក្រំ សោកស្តាយ និង អាឡោះអាល័យ​ជាទីបំផុត និង សូម​បួងសួង​ដល់​ដួង​វិញ្ញាណក្ខន្ធ​សព​ឲ្យ​បាន​សោយសុខ​ក្នុងឋាន​សុគតិភព កុំបី​ឃ្លៀងឃ្លាត​ឡើយ​។ ហើយ ឯកឧត្តម​បណ្ឌិត ក៏បាន​ចូល​បុណ្យសព​លោក ឡៅ វណ្ណា នូវ​ថវិកា​ចំនួន២,០០០,០០០៛ (​ពីរលាន​រៀល​) ផងដែរ ៕

អត្ថបទ ៖ តារ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩៤៨ នាទី មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ១ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

កីឡា២ ម៉ោង មុន

Capitan ប្រាប់​ថា​វ៉ៃ​មិនទាន់​ល្អ​ទេ​ទោះ​ការពារ​ខ្សែក្រវាត់​បានសម្រេច​ក្ដី

នយោបាយ២ ម៉ោង មុន

លោក ចាប ញ៉ាលីវុធ ចេញលិខិតបដិសេធ អំពីការបញ្ចប់​សមា​ជិកភាព មន្ត្រីជាន់ខ្ពស់ហ្វ៊ុនស៊ិនប៉ិច ៣រូប

ព័ត៌មានជាតិ២ ម៉ោង មុន

លោក​មេឃុំ​ពង្រ យក​បដិមា​ធ្វើ​អំពី​លោហៈ​ប្រគល់​ជូន​មន្ទីរ​វប្បធម៌​និង​វិចិត្រសិល្បៈ​ខេត្តកំពង់ឆ្នាំង

Sokha Hotels

ព័ត៌មានពេញនិយម

Helistar Cambodia - Helicopter Charter Services