សន្តិសុខសង្គម
ស្រវឹងរាល់ថ្ងៃ អត់ដឹងគេចាប់រំលោភកូនសម្រេច១០ដង
កម្លាំងនគរបាលនៃអធិការដ្ឋាននគរបាលស្រុកក្រគរ បានធ្វើការឃាត់ខ្លួនជនសង្ស័យម្នាក់ពាក់ព័ន្ធករណីរំលោភសេពសន្ថវៈលើក្មេងស្រីអាយុ៩ឆ្នាំម្នាក់សម្រេចរហូត១០លើក។

ជនសង្ស័យឈ្មោះ ផាត់ វ៉ិត ភេទប្រុស អាយុ៣១ឆ្នាំ ជនជាតិខ្មែរ មុខរបរ កសិករ មានលំនៅភូមិភូមិទួលត្បែង ឃុំឈើតុំ ស្រុកក្រគរ ខេត្តពោធិ៍សាត់។ ចំណែកជនរងគ្រោះឈ្មោះ ខ ស ខ អាយុ៩ឆ្នាំ ភេទស្រី ជនជាតិខ្មែរ មុខរបរ សិស្ស មានលំនៅភូមិឃុំកើតហេតុ។ ការឃាត់ខ្លួននេះធ្វើឡើងនៅចំណុចផ្ទះជនសង្ស័យកាលវេលាម៉ោង១៣និង០០នាទី ថ្ងៃទី០៤ ខែមីនា ឆ្នាំ២០២៣។
យោងតាមកំណត់ហេតុបណ្តឹងរបស់ម្តាយជនរងគ្រោះបានបញ្ជាក់ថា អស់រយៈពេល២ ទៅ៣ ខែហើយដែលខ្លួនទុកកូនស្រីអោយប្តីមើលថែហើយខ្លួនទៅធ្វើការនៅទីក្រុងភ្នំពេញ តែប្ដីខ្លួននោះស្រវឹងស្រារាល់ថ្ងៃពុំដឹងអ្វីឡើយ។ លុះដល់ថ្ងៃទី ០៤ ខែមីនា ឆ្នាំ២០២៣ ខ្លួនបានទទួលទូរស័ព្ទពីលោកនាយប៉ុស្តិ៍នគរបាលរដ្ឋបាលឈើតុំ ថាកូនស្រីខ្លួនត្រូវគេចាប់រំលោភពេលបានដំណឹងភ្លាមខ្លួនបានសុំថៅកែមកផ្ទះ លុះដល់ថ្ងៃទី០៥ ខែមីនា ឆ្នាំ២០២៣ ខ្លួនមកដល់ផ្ទះសួរកូនថានរណាចាប់រំលោភកូន ពេលនោះកូនខ្លួនប្រាប់ថា ឈ្មោះ ផាត់ វ៉ិត បានចាប់កូនរំលោភ១១ដងហើយ ដឹងដូចនេះខ្លួនក៏នាំកូនមកប្តឹងសមត្ថកិច្ចតែម្តង។

តាមកំណត់ហេតុស្ដាប់ការបំភ្លឺរបស់ជនរងគ្រោះបានរៀបរាប់អោយដឹងថា អស់រយៈពេល២ខែហើយដែលឈ្មោះ ផាត់ វ៉ិត ចាប់រំលោភខ្លួនបានសម្រេចចំនួន១១ដង ដោយចាប់នៅផ្ទះគាត់ក្នុងផ្ទះបាយបានសម្រេច០៦ដង ពេលគាត់រំលោភហើយម្តងៗ គាត់តែងតែគំរាមសម្លាប់ខ្លួនបើហ៊ានតែប្រាប់ម៉ែឪ។ ចំណែក៤ដងទៀតចាប់រំលោភនៅផ្ទះរបស់ជនរងគ្រោះ ដោយចាប់ក្នុងបន្ទប់ទឹកបានសម្រេចទាំង៤ដង និងចាប់នៅផ្ទះបាយអ៊ុំម៉ៅបានសម្រេចម្តង។ លុៈដល់ថ្ងៃទី០៤ ខែមីនា ឆ្នាំ២០២៣ ម៉ោង១៣និង០០នាទី ខ្លួនបានទៅហៅប្អូននៅផ្ទះអ៊ុំក៏ត្រូវឈ្មោះ វ៉ិត ចាប់ម្តងទៀតតែខ្លួនបានរត់រួចហើយមកប្រាប់អ៊ុំមុំតែម្តងថា ពូវ៉ិត ចាប់រំលោភខ្លួន ដឹងដូចនេះឈ្មោះ មុំ ក៏នាំខ្លួនមកប្តឹងឃុំ និងមកប្តឹងសមត្ថកិច្ចតែម្តង។
ចំពោះចម្លើយរបស់ជនសង្ស័យរៀបរាប់អោយដឹងថា អស់រយៈពេល២ទៅ៣ខែហើយដែលជនរងគ្រោះតែងតែមកដេកផ្ទះខ្លួនជារៀងរាល់យប់ ហើយខ្លួនក៏បានចាប់រំលោភរហូតបានសម្រេច១០ដង លុះដល់ថ្ងៃទី០៤ ខែមីនា ឆ្នាំ២០២៣ វេលាម៉ោង១៣និង០០នាទី ខ្លួនបម្រុងចាប់រំលោភម្តងទៀតតែត្រូវជនរងគ្រោះរត់រួចហើយមកប្រាប់បងប្អូនតែម្តង។ ជនសង្ស័យបានសារភាពថា ខ្លួនពិតជាបានចាប់ជនរងគ្រោះរំលោភចំនួន១០ដងពិតប្រាកដមែន។

លោកវរសេនីយ៍ឯក មោក ភារម្យ អធិការនៃអធិការដ្ឋាននគរបាលស្រុកក្រគរ បានបញ្ជាក់ឲ្យដឹងថា មូលហេតុជនសង្ស័យចាប់រំលោភទៅលើជនរងគ្រោះ ព្រោះគេផឹកស៊ីស្រវឹង និងមានចំណង់ផ្លូវភេទ បច្ចុប្បន្នជនសង្ស័យត្រូវបានសមត្ថកិច្ចធ្វើការឃាត់ខ្លួនកសាងសំណុំរឿងចាត់ការតាមនីតិវិធីច្បាប់តាមបញ្ជារបស់ឯកឧត្តម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ ៕
អត្ថបទ៖ លាន គ្រន

-
សន្តិសុខសង្គម៣ ថ្ងៃ ago
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ២៤ ម៉ោង ago
មណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ៦ ថ្ងៃ ago
បន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម១ សប្តាហ៍ ago
ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
សន្តិសុខសង្គម៣ ថ្ងៃ ago
ថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ២ ថ្ងៃ ago
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
សេចក្ដីជូនដំណឹង១ សប្តាហ៍ ago
ក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”
-
ព័ត៌មានជាតិ២ ថ្ងៃ ago
សមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ