ព័ត៌មានជាតិ
អង្គការយូនីសេហ្វ ផ្សព្វផ្សាយយុទ្ធនាការឌីជីថលដើម្បីការពារកុមារពីការរំលោភបំពានផ្លូវភេទតាមអនឡាញ
អង្គការយូនីសេហ្វ បានចាប់ផ្តើមផ្សព្វផ្សាយយុទ្ធនាការឌីជីថល ដោយមានការគាំទ្រពីក្រសួងសង្គមកិច្ច អតីតយុទ្ធជន និងយុវនីសម្បទា ដើម្បីការពារកុមារ និងក្មេងជំទង់ពីការកេងប្រវ័ញ្ច និងរំលោភបំពានផ្លូវភេទតាមអនឡាញ។
អង្គការយូនីសេហ្វ បានលើកឡើងពីរបាយការណ៍ឆ្នាំ២០២២ ស្តីពីការបញ្ឈប់គ្រោះថ្នាក់នៅក្នុងប្រទេសកម្ពុជា ដែលចេញផ្សាយដោយក្រុមប្រឹក្សាជាតិកម្ពុជាដើម្បីកុមារ និងដៃគូ ដែលរួមទាំងយូនីសេហ្វ ថា ១១ ភាគរយនៃកុមារដែលប្រើអ៊ីនធឺណិត អាយុពី ១២ ទៅ ១៧ ឆ្នាំ នៅក្នុងប្រទេសកម្ពុជា បានទទួលរងការកេងប្រវ័ញ្ច និងការបំពានផ្លូវភេទលើប្រព័ន្ធអ៊ីនធឺណិតកាលពីមួយឆ្នាំមុន។ មានន័យថា កុមារប្រមាណ ១៦០.០០០ នាក់ ត្រូវបានគេគំរាមឱ្យចូលរួមពាក់ព័ន្ធនឹងសកម្មភាពផ្លូវភេទ មានការចែករំលែករូបភាពអាសអាភាសដោយគ្មានការយល់ព្រមពីពួកគេ ឬប្រឈមមុខនឹងការបំពានតាមអ៊ីនធឺណិតតាមរូបភាពផ្សេងៗទៀត។
តាមរបាយការណ៍ដដែល កុមារ១៦% ទទួលបានប្រធានបទទាក់ទងនឹងផ្លូវភេទក្នុងបណ្តាញសង្គមដែលធ្វើឱ្យពួកគេមានអារម្មណ៍មិនស្រួលជាមួយប្រធានបទទាំងនេះ ដូចជា ការផ្ញើរូបភាពផ្លូវភេទមកកាន់ពួកគេ ទាំងដែលពួកគេមិនចង់ឃើញ។ មិនតែប៉ុណ្ណោះ មានកុមារ ៩% នៃកុមារទាំងនេះ ទទួលរងសម្ពាធឱ្យចែករំលែករូបភាពផ្លូវភេទផ្ទាល់ខ្លួនរបស់ពួកគេថែមទៀតផង។
ដោយសារតែមានបច្ចុប្បន្នជាសម័យឌីជីថល ធ្វើឱ្យកុមារងាយរងគ្រោះបំផុត ទើបអង្គការយូនីសេហ្វ និងក្រសួងសង្គមកិច្ច អតីតយុទ្ធជន និងយុវនីសម្បទា រៀបចំយុទ្ធនាការនេះឡើងមក ដោយមានវីដេអូពណ៌នាពីសាច់រឿងចំនួន៤ ទាក់ទងនឹងកុមារ និងក្មេងជំទង់រងការគំរាមកំហែងផ្លូវភេទ ដំណោះស្រាយ និងការជួយទៅកាន់ពួកគេ។ បន្ថែមពីនេះ យុទ្ធនាការនេះ ក៏អាចឱ្យកុមារ និងក្មេងជំទង់មានការយល់ដឹងកាន់តែច្រើនទៀតពីផលប៉ះពាល់ ក៏ដូចជាអាចឱ្យពួកគេស្វែងរកជំនួយបាននៅពេលដែលជួបបញ្ហាទាំងអស់នេះ។
តាមរយៈយុទ្ធនាការនេះ យូនីសេហ្វ រំពឹងថា នឹងផ្សាយទៅដល់កុមារ ក្មេងវ័យជំទង់ និងឪពុកម្តាយ ចំនួនជាងពីរលាននាក់ ក្នុងរយៈពេលបីខែខាងមុខនូវសារដ៏មានឥទ្ធិពលមួយ៖ អ្នកអាចការពារខ្លួនអ្នក និងស្វែងរកជំនួយបាន។ ដោយឡែក នៅក្នុងឆ្នាំ ២០២៣ យូនីសេហ្វ និងក្រសួងសង្គមកិច្ច អតីតយុទ្ធជន និងយុវនីសម្បទា បានអនុវត្តយុទ្ធនាការដែលមានឈ្មោះថា “តោះ ឆាតលេង” អំពីការលួងលោមតាមអនឡាញ ដែលបានផ្សាយទៅដល់ប្រជាជនចំនួន ២លាននាក់ តាមប្រព័ន្ធផ្សព្វផ្សាយសង្គមផងដែរ៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ