ជនសង្ស័យឈ្មោះ កាម៉ារូទីន ស៊ូហៃមី បានបញ្ជូនដល់តុលាការរាជធានីភ្នំពេញ ដើម្បីអនុវត្តនីតិវិធីច្បាប់

នៅព្រឹកថ្ងៃទី១៧ ខែតុលា ឆ្នាំ២០២៤ កម្លាំងសមត្ថកិច្ចនៃនាយកដ្ឋាននគរបាលប្រឆាំងការជួញដូរមនុស្ស និងការពារអនីតិជន ក្រសួងមហាផ្ទៃ បានបញ្ជូនជនសង្ស័យឈ្មោះ កាម៉ារូទីន ស៊ូហៃមី ដល់សាលាដំបូងរាជធានីភ្នំពេញហើយ ដើម្បីអនុវត្តនីតិវីធីច្បាប់ ពាក់ព័ន្ធករណីរំលោភបំពានសិស្សនៅសាលាខ្មែរឥស្លាមឬស្សីកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមរំលឹកថា ជនសង្ស័យឈ្លោះ កាម៉ារូទីន ស៊ូហៃមី អាយុ៣៣ឆ្នាំ មុខរបរជាអ្នកគ្រប់គ្រង អន្តេវាសិកដ្ឋានសិស្សនារី នៃសាលារៀន អាន់នៀកម៉ះ ភ្នំពេញ ស្ថិតនៅគីឡូម៉ែត្រលេខ៩ ក្នុងខណ្ឌឬស្សីកែវ រាជធានីភ្នំពេញ ត្រូវបានកម្លាំងនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជន ធ្វើការឃាត់ខ្លួនកាលពីថ្ងៃទី១៥ ខែតុលា ឆ្នាំ២០២៤ តាមការបង្គាប់របស់តំណាងអយ្យការអមសាលាដំបូងរាជធានីភ្នំពេញ ខណៈដែលនាំខ្លួនមកសាកសួរតែជនសង្ស័យមិនសារភាព ពោលគឺគេចវេសមិនទទួលខុសត្រូវ។

សូមបញ្ជាក់ថា តាមការស្រាវជ្រាវរបស់នាយកដ្ឋានប្រឆាំងការជួញដូរមនុស្ស និងការពារអនីតិជន បានរកឃើញកុមារីសិស្សសាលាខ្មែឥស្លាមរងគ្រោះ ចំនួន០៤នាក់ មានអាយុ១៣ឆ្នាំ១នាក់ អាយុ១៤ឆ្នាំ១នាក់ និងអាយុ១៥ឆ្នាំ២នាក់ ត្រូវបានជនសង្ស័យឈ្មោះ កាម៉ារូទីន ស៊ូហៃមី ប្រព្រឹត្តបទល្មើសប្រទូស្តកេរិ៍ និងរំលោភសេពសន្ថវ:។ ក្នុងចំណោម​ជនរងគ្រោះទាំង៤នាក់ មានជនរងគ្រោះមកដាក់បណ្តឹង២នាក់ និងមិនដាក់ពាក្យបណ្តឹង២នាក់ និងមានសាក្សី០៤នាក់ផ្សេងទៀតបានបំភ្លឺផ្តល់ព័ត៌មាន៕

អត្ថបទ៖ សំណាង