Messi បំបែកកំណត់ត្រាមួយ នៅជម្រើសជាតិ អាហ្សង់ទីន

កីឡាករ Lionel Messi បានបំបែកកំណត់ត្រារបស់ក្រុមបាល់ទាត់ អាហ្សង់ទីន សម្រាប់ការបង្ហាញខ្លួនឲ្យក្រុមជម្រើសជាតិបានច្រើនជាងគេបំផុត។

សម្រាប់ការប្រកួតទល់នឹងក្រុមជម្រើសជាតិ បូលីវី ក្នុងពានរង្វាន់ Copa America កាលពីព្រឹកមិញនេះ, Messi បានបង្ហាញខ្លួនជាលើកទី១៤៨ ក្នុងអាជីពរបស់គាត់ បំបែកកំណត់ត្រាដែលកាន់កាប់ដោយ Javier Mascherano។ 

នៅតង់ទី១ក្នុងការប្រកួតនេះដែរ, Messi បានបញ្ជូនបាល់ឲ្យមិត្តរួមក្រុមមួយលើក និងស៊ុតខ្លួនឯងបាន២គ្រាប់ ដោយធ្វើឲ្យគ្រាប់បាល់សរុបរបស់ Messi នៅជម្រើសជាតិ អាហ្សង់ទីនកើនដល់ ៧៥គ្រាប់។

គួរបញ្ជាក់ថា អាហ្សង់ទីន កំពុងឈរនៅលើកំពូលតារាងពូល A បន្ទាប់ពីឈ្នះ បូលីវី ៤-១ ហើយនឹងត្រូវជួបជាមួយ អេក្វាទ័រ នៅវគ្គ ១/៤ ផ្តាច់ព្រ័ត្រ៕

ប្រែសម្រួល៖ Vann Vann

ប្រភព៖ Goal

ចុចអាន៖ បារាំង ហាល អាវវគ្គ ១៦ក្រុម តារា ឆ្នើម Mbappé ស៊ុត ប៉េណាល់ទី អត់ចូល