Rodtang ប្រតិកម្មរឿងដណ្ដើមខ្សែក្រវាត់ប៉ុន្តែ Mongkolpetch វាយបកមិនសំចៃមាត់
Connect with us
Helistar Cambodia - Helicopter Charter Services

កីឡា

Rodtang ប្រតិកម្មរឿងដណ្ដើមខ្សែក្រវាត់ប៉ុន្តែ Mongkolpetch វាយបកមិនសំចៃមាត់

បានផុស

នៅ

មានកីឡាករជាច្រើនចង់សាកល្បងដណ្ដើមខ្សែក្រវាត់ពិភពលោកមួយថៃ ONE Flyweight ពី Rodtang “The Iron Man” Jitmuangnon ប៉ុន្តែថ្មីៗលេចលឺការបោះពាក់្យសម្ដីដាក់គ្នាយ៉ាងចាស់ដៃជាមួយរៀមច្បង Mongkolpetch Petchyindee Academy។ កីឡាកររហស្សនាមមនុស្សដែកក៏ឆ្លើយតបមិននឹកស្មាន តែ Mongkolpetch វាយបកមិនសំចៃមាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីឈ្នះពិន្ទុជាឯកច្ឆន្ទលើកីឡាករលំដាប់ទី៤ទម្ងន់ flyweight , Elias “The Sniper” Mahmoudi នៅកម្មវិធី ONE: FULL BLAST II កាលខែមិថុនា មានមនុស្សជាច្រើនដាក់ចម្ងល់ថា តើ Mongkolpetch មានសមត្ថភាពគ្រប់គ្រាន់អាចឡើងទៅដណ្ដើមខ្សែក្រវាត់ពីមិត្តរួមជាតិ Rodtang ឬ ទេ? បច្ចុប្បន្ននេះសិស្សគុនមកពីក្លិប Petchyindee Academy មិនទាន់ចាញ់ទាល់តែសោះពោលឈ្នះ ៤-០ នៅសង្វៀន ONE Super Series និងស្ថិតក្នុងក្រសែភ្នែកកម្រិតកំពូលដែលអាចឡើងទៅដណ្ដើមខ្សែក្រវាត់ម្នាក់។

ទន្ទឹមគ្នានោះ Rodtang បានកោតសរសើរចំពោះលទ្ធផលកន្លងទៅរបស់ជនរួមជាតិ ប៉ុន្តែ គេណែនាំឲ្យរៀមច្បងជួបកីឡាករលំដាប់ទី២ Jonathan “The General” Haggerty, ជួបតារាលំដាប់ទី៣ “The Angel Warrior” Panpayak Jitmuangnon ឬ ប៉ះ Mahmoudi ម្ដងទៀតសិនទៅ មុនឡើងដណ្ដើមខ្សែក្រវាត់មាស។
បែបណាក្ដី Mongkolpetch មានអារម្មណ៍ឈឺចាប់ណាស់ពេលដឹងការអធិប្បាយរបស់ម្ចាស់ខ្សែក្រវាត់ទម្ងន់ flyweight និង ឆ្លើយវាយបកវិញថា ៖«ពេលខ្ញុំក្លាយជាតារាល្បីមួយរូប អ្នកឯងគ្រាន់តែជាសំរាមនៅជាយក្រុងប៉ុណ្ណោះ»។ ពាក្យទាំងនោះធ្វើឲ្យ “The Iron Man” ឆ្អែតចិត្តកាន់តែខ្លាំង ទោះពីមុនធ្លាប់ហ្វឹកហាត់ជាមួយគ្នា និងធ្លាប់លេងបាល់ទាត់ជាមួយគ្នាក៏ដោយ។


Rodtang បានរំលឹកថា៖«ខ្ញុំមិនធ្លាប់គិតទេថា អ្នកដែលខ្ញុំគោរពបំផុតបានធ្វើឲ្យខ្ញុំឈឺចាប់តាមរយៈការអធិប្បាយបែបនេះសោះចំពោះអ្វីដែលខ្ញុំផ្ដល់ការណែនាំ។ [ការឈ្នះរបស់គាត់ថ្មីៗនេះ] គឺល្អសម្រាប់គាត់។ ខ្ញុំគ្មានយោបល់ទេ»។
Rodtang ទទួលស្គាល់អំពីកំណត់ត្រាប្រកួតរបស់ Mongkolpetch ព្រោះឈ្នះដល់ ១១៥ ដង ចាញ់ ៤០ ដង និង ស្មើ ២ ដង និងជាម្ចាស់ខ្សែក្រវាត់ Lumpinee Stadium Muay Thai World Championship ម្ដងទៀតផង។ បែបណាក៏ដោយ គេនៅមានអារម្មណ៍ថាសិស្សគុនក្លិប Petchyindee Academy ត្រូវការពេលវេលាបន្តិចទៀតដើម្បីរៀបចំខ្លួន។
ម្ចាស់ខ្សែក្រវាត់ទម្ងន់ Flyweight គូសបញ្ជាក់ថា ៖«ពិតណាស់! ខ្ញុំគិតថា Mongkolpetch ត្រៀមរួចហើយ ព្រោះគាត់មានបទពិសោធន៍ច្រើន។ គាត់មានការប្រកួតច្រើនរួចរាល់ហើយ។ ប៉ុន្តែ ខ្ញុំនៅតែគិតថា គាត់ត្រូវកសាងកេរ្តិ៍ឈ្មោះមួយចំនួនទៀតដើម្បីក្លាយជាងអ្នកប្រជែងខ្សែក្រវាត់ដ៏ល្អម្នាក់»។


គិតត្រឹមពេលនេះ Rodtang ជឿថាគេនៅតែអាចផ្ដួលកូនសិស្ស Petchyindee Academy ដើម្បីរក្សាខ្សែក្រវាត់បាន។
ម្ចាស់ខ្សែក្រវាត់សង្កត់ធ្ងន់ថា ៖«នៅប្រទេសថៃ កណ្ដាប់ដៃរបស់ខ្ញុំបានផ្ដួលគូប្រកួតបន្តបន្ទាប់។ ប៉ុន្តែ Mongkolpetch តែងតែដួលច្រើនដងនៅពេលគេទទួលរងកណ្ដាប់ដៃ»។ អ្នកគាំទ្រកំពុងរង់ចាំមើលថា Rodtang នឹងត្រូវឡើងការពារខ្សែក្រវាត់ទល់នឹង Mongkolpetch នៅពេលណា?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

ក្រសួងអប់រំ ផ្អាកថ្នាក់រៀន ១៥ ថ្នាក់ នៅវិទ្យា​ល័យចំនួន ៥ ពាក់ព័ន្ធនឹងជំងឺកូវីដ១៩

ព័ត៌មានជាតិ២៧ នាទី មុន

ផ្លូវថ្មីទទឹង៣០ម៉ែត្រ នឹងត្រូវស្ថាបនានៅ សង្កាត់ព្រែកប្រា

ព័ត៌មានជាតិ២៩ នាទី មុន

រដ្ឋបាលខេត្តព្រះសីហនុ បើកការដ្ឋានសាងសង់អាងប្រព្រឹត្តកម្មទឹកកខ្វក់ទី៣ នៅមាត់ព្រែកចុងអូរឈើទាល

ព័ត៌មានអន្ដរជាតិ២៩ នាទី មុន

បារាំង​ថា​ កិច្ច​ព្រម​ព្រៀង​ការពារជាតិ​អាមេរិក​ អង់គ្លេស​ និងអូស្ត្រាលី​ដូច​ចាក់​ពី​ក្រោយ​ខ្នង

ព័ត៌មានជាតិ៣៣ នាទី មុន

ផ្ទុះកូវីដក្នុងថ្នាក់រៀន ក្រសួងអប់រំប្រកាសផ្អាកដំណើរការថ្នាក់រៀនសាលាចំនួន៥នៅភ្នំពេញ​

Sokha Hotels

ព័ត៌មានពេញនិយម

Helistar Cambodia - Helicopter Charter Services