កីឡា

កីឡាករ ប៉ឺត សង្ឃឹម គាំទ្រកូនប្រុសខ្លួនចាប់យកអាជីពប្រដាល់

បានផុស

២ years មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

អ្នកលេងចិត្តសាស្រ្ដ ប៉ឺត សង្ឃឹម ដែលជាកីឡាករប្រដាល់ដ៏ជោគជ័យមួយរូបនៅក្នុងប្រទេសកម្ពុជាបានគាំទ្រកូនប្រុសរបស់ខ្លួនចាប់អាជីពប្រដាល់ ប្រសិនបើកូនមានចំណងចំណូលចិត្តខាងប្រដាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ប៉ឺ សង្ឃឹម បានចាប់ផ្តើមអាជីពប្រដាល់គុនខ្មែរនៅឆ្នាំ២០១១ និងបានបន្ថែមអាជីពប្រដាល់ឃីកបុកស៊ីង នៅឆ្នាំ២០២១។ ក្រោយចំណាយក្នុងអាជីពប្រដាល់អស់រយៈពេល១៣ឆ្នាំ កីឡាករមានដើមកំណើតនៅភូមិតាគ្រាម ឃុំតាគ្រាម ស្រុកបាណន់ ខេត្តបាត់ដំបង សម្រេចបានសមិទ្ធផលជាច្រើនក្នុងអាជីព។ គិតត្រឹម៤ឆ្នាំចុងក្រោយនេះ រូបគេទទួលបានសមិទ្ធផលដ៏អស្ចារ្យគឺមេដាយមាសស៊ីហ្គេម២គ្រឿង ខ្សែក្រវាត់៣ខ្សែ និងរថយន្ត១គ្រឿង។

ស្ថានភាពគ្រួសារបច្ចុប្បន្នកីឡាករ ប៉ឺត សង្ឃឹម មានកូន២នាក់ ក្នុងនោះប្រុសមួយ និងស្រីមួយ។ កូនប្រុសច្បងមានចិត្តស្រឡាញ់ខាងប្រដាល់ដូចឪពុកខ្លួនដែរ។ ក្នុងនាមជាឪពុកមិនហាមឃាត់កូនទេមានតែជំរុញលើកទឹកចិត្តថែម ប្រសិនបើជាកូនចង់ចាប់យកអាជីពប្រដាល់។

កីឡាករ បឺត សង្ឃឹម បានប្រាប់«កម្ពុជាថ្មី»ថា ៖‍«ចំពោះកូនប្រុសខ្ញុំនៅតូច ហើយក៏មិនទាន់ដឹងថា គេចង់ធ្វើអ្វីដែរពេលធំឡើង។ ប៉ុន្តែបើគេស្រឡាញ់ចង់ចាប់អាជីពប្រដាល់ ខ្ញុំនឹងជំរុញគេបន្ថែម។ រាល់ថ្ងៃ ខ្ញុំបានបង្ហាត់កូនខ្ញុំខ្លះៗដែរ។ ថ្ងៃអនាគត ទោះបីរូបគេមិនបានធ្វើអ្នកប្រដាល់ ក៏គេអាចចេះក្បាច់ការពារខ្លួនខ្លះដែរ»។

វិស័យប្រដាល់ក្នុងប្រទេសកម្ពុជាពេលបច្ចុប្បន្នក៏មានត្រកូលអ្នកប្រដាល់តជំនាន់ជាច្រើន។ ជាក់ស្ដែងដូចជាគ្រួសារ លោក អេ ភូថង ជាមេគ្រួសារបានបណ្ដុះបណ្ដាលកូន៣នាក់ឲ្យក្លាយជាប្រដាល់ ហើយទទួលបានប្រជាប្រិយយ៉ាងខ្លាំង និងកីឡាករ ឈុត សេរីវ៉ាន់ថង មានឪពុកជាអតីតអ្នកប្រដាល់ ជាដើម៕