កីឡា
ជិតដល់ថ្ងៃឡើងការពារខ្សែក្រវាត់! Pacio បានបង្ហើបអំពីការជួបគ្នាលើកទី៣ទល់នឹង Saruta
ម្ចាស់ខ្សែក្រវាត់ ONE Strawweight World Champion កីឡាករ Joshua “The Passion” Pacio នឹងឡើងការពារខ្សែក្រវាត់ទល់នឹងជើងខ្លាំងជប៉ុន Yosuke “The Ninja” Saruta លើកទី៣ នៅក្នុងព្រឹត្តិការណ៍ ONE: REVOLUTION នាថ្ងៃសុក្រទី ២៤ កញ្ញាខាងមុខ។
មុននឹងឡើងទៅការពារខ្សែក្រវាត់នេះ Pacio បានថ្លែងថា «ខ្ញុំនៅតែចង់ប្រកួតនឹង Saruta ព្រោះ នេះជាអ្វីដែលយើងបានគិត។ មួយទៀត យើងត្រូវតែបញ្ចប់ការប្រកួតលើកទី៣នេះ ព្រោះ រូបគេក៏ជាកីឡាករលំដាប់លេខ១ដែរ។ ខ្ញុំត្រូវតែប្រកួតជាមួយគេ ព្រោះគេស្ថិតក្នុងតំណែងនេះជាយូរមកហើយ។ Saruta សមនឹងទទួលឱកាសនៃការប្រកួតនេះ»។
ដ្បិតប្រកួតជាមួយគ្នា ២ លើកកន្លងមក ម្ចាស់ខ្សែក្រវាត់មកពីហ្វីលីពីនតែម្នាក់គត់រូបនេះក៏បង្ហាញអំពីភាពព្រួយបារម្ភផងដែរ។
គេបញ្ជាក់ថា «Saruta មានភាពគឃ្លើន និងភាពជាអ្នកប្រកួតអាជីពដែលអាចផ្ដល់បញ្ហាដល់ខ្ញុំ។ គេជាអ្នកកាយសម្ព័ន្ធ ដូច្នេះ គេមានភាពបត់បែនល្អ។ ប៉ុន្តែ ចុងបញ្ចប់នៃថ្ងៃប្រកួត ដែលខ្ញុំតស៊ូជាមួយរូបគេ គឺ ខ្ញុំមានទំនុកចិត្ត។ ខ្ញុំគិតថា ខ្ញុំអាចធ្វើបានល្អឆ្ងាយជាងការប្រកួតលើកទី២»។
«យើងស្គាល់គ្នាល្អទៅវិញទៅមក។ យើងបានតតាំងដាក់គ្នា ២ លើករួចហើយ។ សម្រាប់ខ្ញុំ ខ្ញុំផ្ដោតអារម្មណ៍ខ្លាំង។ ខ្ញុំខុសប្លែកគ្នាពេលនេះ។ ការប្រកួតមិនទាន់ដឹងត្រូវប្រកួតលើក្តាររេញ, ឬ ប្រកួតឈរនោះទេ។ ខ្ញុំគ្រាន់តែដឹងថា ខ្ញុំមានទំនុកចិត្តខ្លាំងនាពេលនេះ។ អ្នកអាចមើលការប្រកួតលើកដំបូងរបស់ខ្ញុំបាន។ ខ្ញុំគិតថាការប្រកួតនេះមិនដូចមុនទេ»។
កីឡាករវ័យ ២៥ ឆ្នាំបានឲ្យដឹងថា គេបានទស្សនាវីដេអូនោះរួចហើយ គេបានមើលឡើងវិញនាពេលថ្មីៗនេះ។ ការប្រកួតនោះល្អណាស់
ម្ចាស់ខ្សែក្រវាត់គូសបញ្ជាក់ថា «ខ្ញុំគិតថា ស្ទិលប្រកួតរបស់ Naito មិនដែលផ្លាស់ប្ដូរនោះទេ។ ខ្ញុំដឹងថា អ្នករាល់គ្នាក្នុងទម្ងន់ strawweight បានដឹងអំពីការប្រកួតរបស់ Naito។ ខ្ញុំគិតថា Saruta ពិបាកដាក់សម្ពាធ។ Naito បានដាក់សម្ពាធតាំងពីចាប់ផ្ដើម។ អ្វីដែលខ្ញុំទទួលបានពីការប្រកួតនេះ គឺ Saruta ពិបាកគាបសង្កត់»។
តារាហ្វីលីពីនសង្កត់ធ្ងន់បែបនេះ «សម្រាប់ខ្ញុំ ខ្ញុំអាចប្រើផែនការរបស់ខ្ញុំ។ មនុស្សជាច្រើនប្រាប់ខ្ញុំថា គួរចូលទៅផ្ដួលឲ្យសន្លប់ដូចកាលប្រកួតសងសឹក។ ប៉ុន្តែ បើរក្សាធ្វើបែបនេះ ច្បាស់ជាគ្រោះថ្នាក់មិនខាន។ តើនរណាជាអ្នកសន្លប់។ ពេលខ្ញុំធ្វើតាមផែនការ មិនថាឈ្នះដោយពិន្ទុ, ការបញ្ចប់គូប្រកួត ឬ ផ្ដួលឲ្យសន្លប់នោះទេ។ វិធីដែលខ្ញុំអាចធ្វើ ខ្ញុំនឹងធ្វើ»។
គួរដឹងថា ជើងខ្លាំង Pacio ដណ្ដើមខ្សែក្រវាត់បានពី Saruta ក្នុងឆ្នាំ ២០១៩ និងឡើងការពារខ្សែក្រវាត់បានពីរលើករួចមកហើយ។ គេឡើងការពារខ្សែក្រវាត់បានសម្រេចលើ Rene Catalan កាលខែវិច្ឆិកា ឆ្នាំ២០១៩ និង ឈ្នះ Alex Silva កាលខែ មករា ឆ្នាំ ២០២០៕
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល