កីឡា
លើកនេះ Samy អះអាងថា ខ្លួននឹងមិនបរាជ័យខ្សែក្រវាត់ GP ដូចលើកទី១ដាក់ខាត
ជើងខ្លាំងឃីកបុកសីងលំដាប់ពិភពលោក Samy Sana ទទួលបានឱកាសប្រកួតកម្មវិធីខ្សែក្រវាត់ជាលើកទី២ បន្ទាប់ពីលើកទី១បានជោគជ័យគួរឲ្យកត់សំគាល់ គឺឈានដល់វគ្គផ្តាច់ព្រ័ត្រ ប៉ុន្តែទីបំផុតបានត្រឹមជើងឯករង។
លើកទី២នេះជើងខ្លាំងបារាំង-អាហ្សេរីត្រូវជួប Chingiz Allazov នៅវគ្គ៨នាក់ដំបូងនៃកម្មវិធីខ្សែក្រវាត់ ONE Featherweight Kickboxing World Grand Prix នៅសមរភូមិផ្សាយផ្ទាល់ ONE: FIRST STRIKE នាថ្ងៃសុក្រ ទី១៥ ខែតុលា ខាងមុខនេះនៅប្រទេសសិង្ហបុរី។
Sana អះអាងថា ខ្លួននឹងទទួលបានលទ្ធផលកាន់តែល្អប្រសើរជាងលើកមុន។ តាមរយៈបទពិសោធឡើងសង្វៀនប្រកួតឈ្នះ៥៦ដង និងចាញ់តែ១ដងប៉ុណ្ណោះ ហើយរំពឹងថា ដៃគូខាងមុខនេះនឹងក្លាយជាជនរងគ្រោះពាក់កណ្តាលទឹកលើកទី៣៤របស់ខ្លួន។
ទោះបីជាយ៉ាងណា រូបគេទទួលស្គាល់ថា ៖«ដៃគូ Chingiz ជាអ្នកប្រដាល់ឃីកបុកសីងច្បាស់ម្នាក់ដែលមានកណ្តាប់ដៃល្អ និងទាត់ដ៏ប្រសិទ្ធភាព។ តែខ្ញុំមិនគិតថា គាត់មិនសូវដាក់សម្ពាធដៃគូទេ ហើយគាត់ទាប ប្រៀបជាមួយខ្ញុំខ្ពស់ជាង»។
កាលពីឆ្នាំ២០០៩ កម្មវិធីខ្សែក្រវាត់ World Grand Prix រូបគេបានផ្តួលជើងខ្លាំងពីរនាក់ស្ទើរមិនគួរឲ្យជឿ។ ទី១ វគ្គ១/៤ រូបគេបានយកខ្លាកំណាចថៃរហស្សនាម«អ្នកប្រដាល់កុំព្យួទ័រ» Yodsanklai ដោយពិន្ទុ ហើយនៅវគ្គពាក់កណ្តាលផ្តាច់ព្រ័ត្ររូបគេបានយកឈ្នះជើងខ្លាំង Dzhabar Askerov ដោយពិន្ទុទៀតដើម្បីឡើងទៅកាន់វគ្គផ្តាច់ព្រ័ត្រ។
ទោះជាយ៉ាងណា រូបគេបានបរាជ័យនៅវគ្គផ្តាច់ព្រ័ត្រដោយពិន្ទុដែលខ្សែក្រវាត់ធ្លាក់ទៅជើងខ្លាំងគ្រប់សម័យកាល Giorgio Petrosyan ដោយទទួលបានប្រាក់រង្វាន់១លានដុល្លារអាមេរិក។
សម្រាប់ការត្រៀមខ្លួនលើកនេះ Sana និយាយថា ៖«ខ្ញុំមានស្មារតីរឹងមាំល្អ។ ចិត្តគំនិតខ្ញុំចាស់ទុំ។ អាចនិយាយបានថា កម្មវិធីខ្សែក្រវាត់លើកនេះ មិនអាចបរាជ័យទៀតទេ»។
Sana បានប្តេជ្ញាយកឈ្នះ Allazov ដើម្បីបានកៅអីទៅវគ្គពាក់កណ្តាលផ្តាច់ព្រ័ត្រ ប៉ុន្តែលោកមិនហ៊ានព្យាករពីលទ្ធផលក្នុងការប្រកួតនៅ ONE: FIRST STRIKE ទេ។ ផ្ទុយទៅវិញលោកបានត្រៀមខ្លួនល្អទាំងកាយ និងចិត្ត ដូច្នេះការប្រកួតនេះនឹងកក្រើកខ្លាំង។
Sana និយាយថា ៖«ខ្ញុំផ្តោតលើរឿងតែមួយគត់គឺឈ្នះ។ មិនខ្វះថាឈ្នះសន្លប់ ឬពិន្ទុ ឬក៏ទឹកទីប៉ុន្មានទេ ខ្ញុំអត់ខ្វល់។ ខ្ញុំខ្វះតែឈ្នះម្យ៉ាង»។
«គ្មាននរណាម្នាក់លើកលែងតែខ្ញុំម្នាក់គត់ដែលបានប្រកួតចាញ់ក្នុងកម្មវិធីខ្សែក្រវាត់ប្រាក់រង្វាន់១លានដុល្លារអាមេរិកកាលពីមុន»។ កីឡាករដដែលបានបញ្ជាក់បន្ថែមថា៖«សាកស្រមៃមើលទៅ ថាតើការប្តេជ្ញាចិត្តរបស់ខ្ញុំយ៉ាងណាសម្រាប់លើកនេះ»៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?