ព័ត៌មានជាតិ
លោកហេងសួរ អំពាវនាវដល់ពលករខ្មែរនៅកូរ៉េកុំជឿទៅលើ «អប្បិយជំនឿ» ដែលមិនសមហេតុផល
លោក ហេង សួរ រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈបានធ្វើការអំពាវនាវដល់បងប្អូនពលករខ្មែរធ្វើការនៅកូរ៉េកុំជឿទៅលើអប្បិយជំនឿដែលមិនសមហេតុផល ដែលបានប្រឌិតឡើងដោយបុគ្គលម្នាក់នោះ ព្រោះវានឹងធ្វើឱ្យបងប្អូននឹងបាត់បង់ប្រាក់ចំណូលនិងឱកាសត្រឡប់ទៅធ្វើការនៅប្រទេសកូរ៉េវិញ។
ការអំពាវនាវនេះបានធ្វើឡើងបន្ទាប់ពីមានពលករខ្មែរនៅកូរ៉េមួយចំនួនដោយមានអ្នកខ្លះទើបចូលធ្វើការនិងខ្លះទៀតមិនទាន់ដាច់កិច្ចសន្យាការងារបាននាំគ្នាសម្រុកទិញសំបុត្រយន្តហោះត្រឡប់មកប្រទេសវិញដោយសារតែមានបុគ្គលមេដឹកនាំរបស់ខ្លួនបានទស្សន៍ទាយថា មានបាតុភូតប្រហោងលូខ្មៅផែនដីបង្កើតជាមហន្តរាយធ្វើឱ្យក្រិនផែនដីហើយមានតែប្រទេសកម្ពុជាទេដែលមានសុវត្ថិភាពនិងសុខសាន្ត។
តាមរយៈសារសំឡេងនៅក្នុងតេឡេក្រាមនៅល្ងាចថ្ងៃទី២៥សីហានេះ លោកហេងសួរបានមានប្រសាសន៍ថា ក្រសួងការងារក៏ដូចជាស្ថានទូតកម្ពុជាប្រចាំប្រទេសកូរ៉េបានសហការជាមួយសមាគមគាំពារពលករដើម្បីធ្វើការពន្យល់ដល់បងប្អូនពលករខ្មែរយើងដែលចង់វិលត្រឡប់មកស្រុកវិញតាមការអំពាវនាវរបស់បុគ្គលមួយរូបដែលជឿលើអបិយជំនឿបានឃោសនាឱ្យបងប្អូនវិលត្រឡប់មកស្រុកវិញដើម្បីនៅក្បែរគាត់។
លោកហេងសួរបានបន្តថា « នេះជាអប្បិយជំនឿមួយដែលមិនសមហេតុមិនសមផលដែលធ្វើឱ្យប៉ះពាល់ដល់ផលប្រយោជន៍របស់បងប្អូនមិនថា ទាំងជនជាតិខ្មែរឬជនជាតិផ្សេងទេ ភាគច្រើនចង់បានទៅធ្វើការនៅកូរ៉េឬជប៉ុន។ ប៉ុន្តែពេលដែលយើងទៅដល់ទីនោះហើយ ស្រាប់តែវិលត្រឡប់មកវិញដោយឈរលើអប្បិយជំនឿមិនសមហេតុផលនេះ គឺវាជាការសោកស្តាយ»។
លោក ហេង សួរបានបន្តទៀតថា « ដូច្នេះខ្ញុំសូមអំពាវនាវដល់បងប្អូនពលករខ្មែរយើងសូមយកលក្ខណៈវិទ្យាសាស្ត្រជាគោលហើយសូមគិតពីផលប្រយោជន៍របស់ខ្លួនផងដែរ។ បើបងប្អូនចេញមកទាំងបង្ខំបែបនេះមិនមានច្បាប់វិលត្រឡប់ទៅកូរ៉េវិញបានទេ ដែលធ្វើឱ្យបងប្អូនបាត់បង់ឱកាសល្អនិងបាត់បង់ប្រាក់ចំណូលសម្រាប់ទ្រទ្រង់គ្រួសារផងដែរ។ដូច្នេះសូមគិតបញ្ហារបស់ខ្លួន»៕
ដោយ ៖ សំអឿន
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
ព័ត៌មានអន្ដរជាតិ១ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត