ព័ត៌មានអន្ដរជាតិ
យោធាមីយ៉ាន់ម៉ាចោទអនុប្រធានាធិបតីជាគូប្រជែងពីបទក្បត់ជាតិ ប្រឈមទោសប្រហារជីវិត
របបយោធាមីយ៉ាន់ម៉ាបានចោទប្រកាន់សមាជិកសភាជាប់ឆ្នាំឆ្នោតលោក Mahn Win Khaing Than ដែលត្រូវបានតែងតាំងជាអនុប្រធាធិបតីពីបទក្បត់ជាតិកម្រិតខ្ពស់។
លោកជាបុគ្គលទី៣ដែលត្រូវបានចោទប្រកាន់ពីបទក្បត់ជាតិកម្រិតខ្ពស់។
នៅថ្ងៃពុធ ប៉ូលិសបាននិយាយថា លោក Mahn Win Khaing Than ប្រឈមនឹងការចោទប្រកាន់ពីការទទួលយកការតែងតាំងរបស់គណកម្មាធិការតំណាងសមាភាសហភាព (CRPH)ដែលត្រូវបានបង្កើតឡើងដោយសមាជិកសភាគណបក្សសម្ព័ន្ធជាតិដើម្បីប្រជាធិបតេយ្យដែលត្រូវបានបណ្តេញចេញ។
លោក Mahn Win Khaing Than ជាអតីតវាគ្មិនម្នាក់បានជាប់ឆ្នោតនៅទីក្រុង Myawaddy ក្នុងរដ្ឋ Karen State ក្នុងការបោះឆ្នោតសកលកាលពីខែវិច្ឆិកា។
គណកម្មាធិការ CRPH ត្រូវបានបង្កើតឡើង បន្ទាប់ពីរដ្ឋប្រហារថ្ងៃទី១ កុម្ភៈ ដើម្បីប្រឆាំងនឹងរបបយោធាទាំងនៅក្នុងប្រទេស និងក្រៅប្រទេស។
រហូតដល់ពេលនេះ មេដឹកនាំរដ្ឋប្រហារបានឃុំខ្លួនមេដឹកនាំស៊ីវិលជាច្រើននាក់ក្នុងនោះមានទាំងទីប្រឹក្សារដ្ឋលោកស្រី អ៊ុងសាន ស៊ូជី និងលោកប្រធានាធិបតី U Win Myint។
យោងតាមព័ត៌មានដែលគ្រប់គ្រងដោយយោធាថា រឿងក្តីនេះត្រូវបានបើកសវនាការកាលលើរូបលោកកាលពីថ្ងៃពុធ នៅតុលាការក្រុង Myawaddy ស្ថិតក្រោមមាត្រា ១២២ (១) នៃក្រមព្រហ្មទណ្ឌសម្រាប់ការថ្លែងសុន្ទរកថាក្នុងនាមជារដ្ឋាភិបាលដែលជាគូប្រជែងនៅក្នុងប្រទេស និងការអំពាវនាវឲ្យផ្តួលរំលំស្ថាប័នដែលគ្រប់គ្រងរបស់របបយោធា (SAC)។
បើតាម មាត្រាទី១២២ (១))នៃក្រមព្រហ្មទណ្ឌចែងថា អនុវត្តទោសប្រហារជីវិត ឬដាក់ពន្ធនាគារអស់មួយជីវិត។
លោក Mahn Win Khaing Than បានជំរុញឲ្យកម្លាំងសន្តិសុខ និងមន្ត្រីរាជការដែលមិនទាន់ចូលរួមចលនាស៊ីវិលប្រឆាំងយោធាបង្ហាញភាពស្មោះត្រង់ចំពោះប្រជាពលរដ្ឋ សូមកុំគិតដល់ផលប្រយោជន៍ដល់មនុស្សមួយក្រុម កំឡុងពេលលោកថ្លែងសុន្ទរកថាលើកដំបូងទៅកាន់ប្រទេសជាតិកាលពីថ្ងៃសៅរ៍។
គិតត្រឹមថ្ងៃពុធ ហោចណាស់មនុស្ស២១៦នាក់ត្រូវបានសម្លាប់ដោយកម្លាំងសន្តិសុខនៅក្នុងការបង្ក្រាបលើបាតុករ និងធ្វើទារុណ្ឌកម្មជនស៊ីវិលដែលជាប់ឃុំ។
នៅថ្ងៃពុធ របបយោធាក៏បានចេញដីការចាប់ខ្លួនលោក U Kyaw Moe Tun ដែលតំណាងអចិន្ត្រៃយ៍របស់អង្គការសហប្រជាជាតិប្រចាំនៅប្រទេសមីយ៉ាន់ម៉ាដោយបានចោទប្រកាន់ពីក្បត់ជាតិជាន់ខ្ពស់សម្រាប់សុន្ទរកថារបស់លោកទៅកាន់អង្គមហាសន្និបាតអង្គការសហប្រជាជាតិកាលពីថ្ងៃទី២៦ ខែកុម្ភៈ។
នៅសប្តាហ៍នេះ របបយោធាក៏បានចេញដីការចាប់ខ្លួនលោក Sasa ជាប្រេសិតអន្តរជាតិដែលត្រូវបានតែងតាំងដោយ CRPH ពីបទក្បត់ជាតិជាន់ខ្ពស់សម្រាប់ការប៉ុនប៉ងផ្តួលរំលំមេដឹកនាំរដ្ឋប្រហារដែរ៕
ប្រែសម្រួល៖ វីរបុត្រ
ប្រភព៖ Irrawaddy
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៦ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ