កីឡា

ជប៉ុន ឈ្នះមេដាយច្រើនជាងគេក្នុងព្រឹត្តិការណ៍ការប្រកួត Freestyle អាស៊ីនៅកម្ពុជា

បានផុស

១ ខែ មុន

នៅ

ថ្ងៃចន្ទ ៨ មិថុនា ២០២៦

ដោយ

កីឡាករ កីឡាការិនីជប៉ុនទទួលបានមេដាយច្រើនជាងសម្រាប់ការប្រកួតកីឡាបាល់ទាត់ហ្វ្រៃស្តាល៍អាស៊ី WFFA Pulse Phnom Penh 2026 នៅរាជធានីភ្នំពេញ ប្រទេសកម្ពុជាដែលបានបញ្ចប់កាលពីថ្ងៃអាទិត្យ ទី៧ ខែមិថុនា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍ប្រកួតកីឡាបាល់ទាត់ Freestyle អាស៊ី WFFA Pulse Phnom Penh ឆ្នាំ ២០២៦ មានកីឡាករ កីឡាការិនីមកពីជាង ១០ ប្រទេសដែលសុទ្ធតែអ្នកមានបច្ចេកទេសល្អៗ។ ការប្រកួតមានតែ ២ វិញ្ញាសាប៉ុណ្ណោះ គឺវិញ្ញាសាឯកត្តជនបុរស និង វិញ្ញាសាឯកត្តជននារី ដែលការប្រកួតអ្នកចាញ់ ធ្លាក់ ហើយអ្នកឈ្នះឡើងតាំងពីជុំដំបូងរហូតដល់វគ្គផ្តាច់ព្រ័ត្រ។

បន្ទាប់ពីដំណើរការប្រកួតពីរថ្ងៃពេញស្ថិតនៅទីតាំង The King’s School Vattanacville ក្រោមការដាក់ពិន្ទុប្រកបដោយសុក្រិត្យ និងយុត្តិធម៌ពីចៅក្រមបរទេសទាំងអស់គឺកីឡាករ កីឡាការីជប៉ុនចំនួន ៤ នាក់ទទួលបានមេដាយ ក្នុងចំណោមមេដាយសរុបចំនួន ៦ ខណៈមេដាយ ២ ផ្សេងទៀតបានទៅអូស្ត្រាលី និងឥណ្ឌា។

កីឡាករ Jay និងកីឡាការិនី Moeka ជាម្ចាស់មេដាយមាស

សម្រាប់វិញ្ញាសាឯកត្តជនបុរស មេដាយមាសបានទៅកីឡាករអូស្ត្រាលី Jay Hennicke ខណៈមេដាយប្រាក់ និងសំរិទ្ធ បានទៅកីឡាករជប៉ុន Akinobu Kamine និង Hiroyuki Kaneko។ ចំណែក វិញ្ញាសាឯកត្តជននារី មេដាយមាស បានទៅកីឡាការិនីជប៉ុន Moeka Ribeiro, មេដាយប្រាក់បានទៅកីឡាការិនីឥណ្ឌា Estela Ribeiro និងមេដាយសំរិទ្ធបានទៅកីឡាការិនីជប៉ុន Mai Sasutake។ កម្ពុជាក្នុងនាមជាម្ចាស់ មានកីឡាការិនីម្នាក់គឺ និរតី បានឈានដល់វគ្គ ៤ នាក់ចុងក្រោយ។