បន្ថែមពីលើការខិតខំប្រឹងប្រែង ជំនឿអរូបិយ​ គួរត្រូវប្រណិប័ត និងប្រយ័ត្នប្រយែងផងដែរ ទើបឆាកជីវិតរីកចម្រើនទៅមុខទាំងព្រម។ ជោគវាសនារបស់យើង មិនពឹងផ្អែកលើហោរាសាស្ត្រទាំងស្រុងពិតមែន ប៉ុន្តែក៏ពុំគួរបោះបង់ចោលទាំងស្រុងដូចគ្នា។

ប្រសិនបើរាសីស្រុតចុះ សូមឱ្យយើងបានដឹងមុន និងត្រៀមដោះស្រាយបញ្ហាឱ្យនៅតិចបំផុត។ ដូច្នេះហើយ មនុស្សដែលកើតក្នុងខែទាំង ៤ខាងក្រោម ត្រូវប្រយ័ត្នឱ្យមែនទែន​ ព្រោះអ្នកមានរាសីមិនល្អប៉ុន្មានទេ។

ក្រុមអ្នកកើតខែ មេសា និង ឧសភា

នាចុងខែកុម្ភៈនេះ សម្រាប់មនុស្សកើតក្នុងខែមេសា និងឧសភា រាសីហាក់ធ្លាក់ចុះជាងខែណាទាំងអស់ ដោយសារតែភាពជោគជ័យលើអាជីព ឬរបរជំនួញ មិនងាយកើតមានទាល់តែសោះ ឬបើកើតមានហើយ វាបានត្រឹមពេលខ្លីប៉ុណ្ណោះ។

ក្រៅពីនោះ គួរប្រយ័ត្នចំពោះមនុស្សធ្វើការជាមួយ ឬអ្នកទើបស្គាល់គ្នាថ្មី។ មិត្តរួមការងាររបស់អ្នកកំពុងច្រណែន និន្ទា និងរកវិធីផ្ដួលជើងអ្នកឱ្យដួល តាមដែលគេអាចធ្វើបាន។ យ៉ាងណាមិញ ក្នុង​រយៈពេល​នេះ ​បើ​ត្រូវ​ធ្វើការ​ជាមួយ​មនុស្ស​អ្នកទាំងនោះ ឬមួយក្រុម​ធំ ត្រូវរៀន​ធ្វើចិត្តឱ្យស្ងប់ កុំជះកំហឹងតាមកំហល់ ទើបបញ្ហាមិនរីកធំ។

ក្រុមអ្នកកើតខែ វិច្ឆិកា និង ធ្នូ

រាសីរបស់អ្នក មិនសមប្រកបនោះទេ ក្នុងកំលុងពេលនេះ ព្រោះអ្នកទទួលរងសម្ពាធច្រើនមិនថា ការរកស៊ីជួញដូរ អាជីព ឬជីវភាពឡើយ។ ប្រាក់កាស ត្រូវចំណាយច្រើនជាងចំណូល ឯបំណុលក៏ជំពាក់ជំពិនមិនទាន់ចប់។ ​នៅកន្លែងធ្វើការ​ ហាក់ទទួលភាពឯកា ព្រោះតែមិត្តរួមការងារ មិនសហការ។ ចំណែកការលក់ដូរតូចធំ មិនសូវមានចំណូលនោះទេ។

ដោយឡែកជីវិតគ្រួសារ ជួបជុំគ្នាល្អហើយ ប៉ុន្តែបែរជាមិនសូវជិតស្និទ្ធគ្នាទៅវិញ។ ឯរឿងស្នេហា ត្រជាក់មិនត្រជាក់ ​ក្ដៅមិនក្ដៅ ឬហៅបានថា ស្នេហាគ្មានរសជាតិ។

វិធីកាត់គ្រោះ

ចូរ​ទៅធ្វើ​បុណ្យ ចែកទាន ​ជាមួយ​ក្រុមការងារ ឬ​មិត្តភក្តិ ឬសមាជិក​គ្រួសារ នៅមណ្ឌលកុមារកំព្រា នោះទើបបង្កើនសំណាង និងកាត់គ្រោះអាក្រក់ បន្ថែមសិរីសួស្ដីទ្វេដង៕

អត្ថបទ៖ សន្យា

ចុចអាន៖ កំពូលតារានិករទាំង ៣ សំណាងបំផុត អំឡុងខែកុម្ភៈ