គម្រោង​ភ្ជាប់ជើងហោះហើរកម្ពុជា​-ឥណ្ឌា កាន់​តែ​លេច​ពន្លឺ​ ក្រោយ​មន្រ្តី​​ជាន់ខ្ពស់​ជួប​ប្រជុំ​គ្នា
Connect with us
Helistar Cambodia - Helicopter Charter Services

ព័ត៌មានជាតិ

គម្រោង​ភ្ជាប់ជើងហោះហើរកម្ពុជា​-ឥណ្ឌា កាន់​តែ​លេច​ពន្លឺ​ ក្រោយ​មន្រ្តី​​ជាន់ខ្ពស់​ជួប​ប្រជុំ​គ្នា

Published

on

(ភ្នំពេញ)៖ ភាគីកម្ពុជាបានឯកភាពជាមួយភាគីឥណ្ឌាថា នឹងរៀបចំដំណើរការតភ្ជាប់ជើងហោះហើរត្រង់ ក្រោយពេលវិបត្តិជំងឺកូវីដ-១៩ ត្រូវបានបញ្ចប់ ដើម្បីជំរុញសកម្មភាពទេសចរណ៍ឡើងវិញ និងជំរុញកិច្ចសហប្រតិបត្តិការរវាងប្រទេសទាំងពីរ ឱ្យកាន់តែជិតស្និទ្ធថែមទៀត។

ការឯកភាពនេះ ធ្វើឡើងក្នុងជំនួបពិភាក្សាការងាររវាង ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍កម្ពុជា ជាមួយលោកជំទាវ ទេវ្យានី ឧត្តម ខូប្រាហ្កាដេ (Devyani Uttam Khobragade) ឯកអគ្គរដ្ឋទូតឥណ្ឌាប្រចាំកម្ពុជា នៅទីស្ដីការក្រសួងទេសចរណ៍ នាថ្ងៃទី២០ ខែមករា ឆ្នាំ២០២១។

ទាក់ទងនឹងកិច្ចសហប្រតិបត្តិការលើវិស័យទេសចរណ៍ លោករដ្ឋមន្ត្រី ថោង ខុន បានលើកឡើងអំពីសំណើឱ្យមានការតភ្ជាប់ជើងហោះហើរត្រង់រវាងកម្ពុជា-ឥណ្ឌា ក្រោយពន្យារពេលអស់មួយរយៈដោយសារការរំខានពីការរីករាលដាលនៃជំងឺកូវីដ-១៩។

លោកជំទាវ ទេវ្យានី បានអះអាងថា ការងារនេះក៏ជាការងារអាទិភាពក្នុងបេសកកម្មជាឯកអគ្គរដ្ឋទូតរបស់លោកស្រីផងដែរ។

បើតាមលោកជំទាវ ឥណ្ឌា​មានគម្រោង​សហការ​ជាមួយ​កម្ពុជា​ជា​ច្រើន ដូចជា​ការ​បន្ត​រៀបចំទិវាយោគៈអន្តរជាតិ (International Yuga Day) នៅរាជធានីភ្នំពេញ ខេត្តសៀមរាប ខេត្តព្រះសីហនុ និងខេត្តបាត់ដំបងជាដើម។ គម្រោងអភិវឌ្ឍន៍តំបន់ឆ្នេរសមុទ្រកម្ពុជា ដោយ​លោកស្រីសន្យាថា នឹងសម្របសម្រួលដល់ការបណ្ដុះបណ្ដាលអ្នកជំនាញទេសចរណ៍តាមរយៈប្រព័ន្ធវីដេអូអនឡាញ។

ក្រៅពីនេះ ស្ថានទូតឥណ្ឌាប្រចាំកម្ពុជា ក៏នឹងជួយកែលម្អប្រព័ន្ធហេដ្ឋារចនាសម្ព័ន្ធតាមតំបន់អេកូទេសចរណ៍ ទេសចរណ៍វប្បធម៌ ដូចជាការកែលម្អផ្លូវចូល ផ្លាកសញ្ញា ការបណ្ដុះបណ្ដាលប្រជាពលរដ្ឋនៅតាមមូលដ្ឋាន ឱ្យទទួលជំនាញក្នុងការស្វាគមន៍ភ្ញៀវទេសចរកាន់តែល្អប្រសើរ៕

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 seconds ago

រដ្ឋបាលខេត្ត​ព្រះសីហនុ​ ស្នើ​ផ្អាក​សណ្ឋាគារយៀ​កឡាយ (YUELAI HOTEL)​ និង​ដាក់​ជាមណ្ឌល​ចត្តាឡីស័ក​

ព័ត៌មានជាតិ6 mins ago

សហរដ្ឋអាមេរិក​​​ អបអរ​កម្ពុជា​ដែល​ទទួល​បាន​វ៉ាក់សាំង AstraZeneca

ព័ត៌មានជាតិ1 hour ago

ស្ថានទូត​កម្ពុជា ប្រាប់​ឲ្យ​ប្រជាពលរដ្ឋ​ខ្មែរ​រស់នៅ​វៀតណាម ប្រុងប្រយ័ត្ន​ពី​ខ្យល់ពុល ដែល​គ្រោះថ្នាក់​ដល់​សុខភាព

ព័ត៌មានជាតិ2 hours ago

កម្លាំងអាវុធហត្ថខេត្តតាកែវបង្ក្រាបជនសង្ស័យជួញដូរគ្រឿងញៀនជាមួយវត្ថុតាង១៤កញ្ចប់

ព័ត៌មានជាតិ2 hours ago

អភិបាល​រាជធានី​ទទួល​អំណោយ​​សប្បុរសជន​និង​ចែក​ម៉ាស៊ីន​វាស់​កម្ដៅ បាញ់​អាកុល​និង​បដា​អប់រំ​ជូន​ផ្សា​រទាំង​២៥​

Sokha Hotels

ព័ត៌មានពេញនិយម

Helistar Cambodia - Helicopter Charter Services