ព័ត៌មានជាតិ

ឆេះរោងស្តុកអេតចាយមួយកន្លែង ខូចខាតសម្ភារៈគិតជាទឹកប្រាក់ប្រហែល៣០០០ដុល្លារ

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

តាមរបាយការណ៍ពីសមត្ថកិច្ចបានឲ្យដឹងថា នៅថ្ងៃទី២១ខែមករាឆ្នាំ២០២១វេលាម៉ោង១២:០០នាទីរំលងអធ្រាត្រ នៅចំណុចក្រុមទី០៦ ភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបងមានករណីអគ្គិភ័យមួយបានកើតឡើង បណ្តាលឲ្យឆេះរោងស្តុកអេតចាយ០១ខ្នងទាំងស្រុងមានទំហំ៤មx២០ម របស់ម្ចាស់ឈ្មោះអៃ ចក់ ភេទប្រុសអាយុ៦៣ឆ្នាំ មុខរបរលក់ទិញអេតចាយនិងប្រពន្ធឈ្មោះ វ៉ាន់ លាភ អាយុ៥៩ឆ្នាំមុខរបរមេផ្ទះរស់នៅកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលបញ្ជាក់ថា ករណីអគ្គិភ័យឆាបឆេះនេះ បានបង្កឲ្យខូចខាតសម្ភារមួយចំនួនធំសរុបគិតជាទឹកប្រាក់អស់ប្រហែល៣.០០០ដុល្លារ។

សមត្ថកិច្ចបានប្រាប់ឲ្យដឹងដែរថា ពេលដែលករណីអគ្គិភ័យនេះ បានកើឡើងភ្លាមៗ កម្លាំងសមត្ថកិច្ចបានចេញរថយន្តពន្លត់អគ្គិភ័យចំនួន០៤គ្រឿង ក្នុងនោះរថយន្តរបស់ក្រុមហ៊ុនសូគីមិច០១គ្រឿងនិងរថយន្តរបស់ស្នងការខេត្តចំនួន០៣គ្រឿង និងប្រើប្រាស់ទឹកអស់ចំនួន០៣ឡាន ទើបអាចទប់ស្កាត់បានមិនឲ្យឆ្លងបន្តដល់ផ្ទះប្រជាពលរដ្ឋជិតខាង ដោយកិច្ចប្រតិបត្តិការនេះ បានបញ្ចប់នៅវេលាម៉ោង០២:៣០នាទីយប់ហើយមូលហេតុនៃការឆេះនេះ បង្កដោយឆ្លងចរន្តអគ្គិសនី៕

អត្ថបទ ៖ សៅ សារិទ្ធ