សេដ្ឋកិច្ច
អង្ករកម្ពុជាកំពុងទទួលបានការចាប់អារម្មណ៍កាន់តែខ្លាំងនៅទីផ្សារអឺរ៉ុប
ភ្នំពេញ៖ ក្រុមហ៊ុន Amru Rice (Cambodia) ដែលជាក្រុមហ៊ុននាំចេញអង្ករនិងរោងម៉ាស៊ីនកិនស្រូវដ៏ធំជាងគេមួយនៅក្នុងព្រះរាជាណាចក្រកម្ពុជាកំពុងធ្វើការបង្កើននិងពង្រីកការនាំចេញប្រភេទអង្ករប្រណិតទៅកាន់បណ្តាប្រទេសនានានៅក្នុងសហគមន៍អឺរ៉ុប ស្របពេលដែលតម្រូវកំពុងកើនឡើងខ្ពស់។ នេះបើយោងតាមការថ្លែងអះអាងរបស់ម្ចាស់ក្រុមហ៊ុនមួយនេះ។
ប្រធានអគ្គនាយកក្រុមហ៊ុនAmru Rice លោក សុង សារ៉ន បានថ្លែងមកកាន់កម្ពុជាថ្មីនៅព្រឹកថ្ងៃទី២៦ ខែមេសានេះថា បច្ចុប្បន្នក្រុមហ៊ុនកំពុងមមាញឹកក្នុងការវេចខ្ចប់តាមស្លាកយីហោតាមការបញ្ចាទិញនៅបណ្តាប្រទេសជាច្រើននៅសហគមន៍អឺរ៉ុបដែលកំពុងមានតម្រូវការខ្ពស់លើប្រភេទអង្ករក្រអូប។
លោកបានមានប្រសាសន៍ថា៖«ដោយសារតែក្រុមហ៊ុន Amru Rice (Cambodia) មានវិញ្ញាបនបត្រទទួលស្គាល់គុណភាពពីចក្រភពអង់គ្លេស ( British Retail Consortium Global Standard_ BRCGS) ចំនួនធំនៅសហគមន៍អឺរ៉ុប ដូច្នេះយើងអាចភ្ជាប់ស្លាកសញ្ញា( Label) ជូនបណ្តាអ្នកបញ្ជាទិញរបស់យើងនៅសហគមន៍អឺរ៉ុប។ ការណ៍នេះយើងអាចដាក់លក់តាមផ្សារទំនើបនៅសហគមន៍អឺរ៉ុប។ យើងមាន៣០ម៉ាក (brands) ដែលយើងកំពុងតែវេចខ្ចប់ជូនអតិថិជនរបស់យើងនៅតាមបណ្តាប្រទេសនៅសហគមន៍អឺរ៉ុប»។
ប្រធានសហព័ន្ធស្រូវអង្ករកម្ពុជា(CRF) លោក ចាន់ សុឃាំងបានកាលពីពេលកន្លងមកនេះថា ឆ្នាំ២០២៣ អាចចាត់ទុកជាពេលវេលាល្អសម្រាប់ទីផ្សារនាំចេញអង្ករកម្ពុជាដោយទទួលបានកំណើនទាំងបរិមាណប្រាក់ចំណូល និងទីផ្សារថ្មីៗ ជាពិសេសកំណើននៅសហគមន៍អឺរ៉ុប។
លោក សុឃាំងថ្លែងថា៖« ក្នុងឆ្នាំ២០២៣ កន្លងមកអង្ករកម្ពុជាទទួលបានការចាប់អារម្មណ៍ និងទទួលបានការបញ្ជាទិញពីទីផ្សារថ្មីៗជាបន្តបន្ទាប់ផងដែរ»។
លោកឡាយ ឈុនហួ អគ្គនាយកក្រុមហ៊ុន City Rice Import Export ដែលជាក្រុមហ៊ុននាំអង្ករ«អង្កររំដួល»របស់កម្ពុជាទៅចូលរួមប្រកួតក្នុងវេទិកា ស្រូវ-អង្ករពិភពលោក និងទទួលបានពានរង្វាន់លេខ១ ជា «អង្ករល្អដាច់គេ»ប្រចាំឆ្នាំ២០២២បាននិយាយថា កត្តាគុណភាព រសជាតិ ក្លិន តម្លៃ និងកេរ្តិ៍ឈ្មោះពីការឈ្នះពានរង្វាន់ក្នុងវេទិកាលំដាប់ពិភពលោកជាបន្តបន្ទាប់ បានជួយឱ្យអង្ករកម្ពុជាទទួលបានការពេញនិយមកាន់តែខ្លាំងជាពិសេសនៅសហគមន៍អឺរ៉ុប។
លោកបានអះអាងថា៖«គុណភាព រសជាតិ និងក្លិនអង្គរកម្ពុជាគឺត្រូវបានគេទទួលស្គាល់ជាអន្តរជាតិរួចហើយ ប៉ុន្តែសម្រាប់ស្ថានភាពនាំចេញអង្ករក្នុងឆ្នាំ២០២៤ នេះខ្ញុំមិនហ៊ានវាយតម្លៃបែបណានោះទេ ព្រោះនៅឆ្នាំនេះផលិតកម្មស្រូវត្រូវបានព្យារកណ៍ថានឹងរងផលប៉ះពាល់ពីកង្វះខាតទឹកសម្រាប់ធ្វើស្រែ ខណៈការកើនឡើងនៃតម្លៃដឹកជញ្ជូនទៅទីផ្សារអន្តរជាតិ ក៏កំពុងដាក់សម្ពាធលើវិស័យនេះជាបណ្តើរៗដែរ»។
បើតាមCRFបង្ហាញថាក្នុងឆ្នាំ២០២៣កម្ពុជាបាននាំចេញអង្ករទៅទីផ្សារអន្តរជាតិសរុប ៦៥៦ ៣២៣តោន កើនឡើង៣ភាគរយបើធៀបនឹងឆ្នាំ២០២២ ចំណែកទឹកប្រាក់ប្រមូលបានមានចំនួន ៤៦៦លានដុល្លារ កើនឡើង ១៣ភាគរយ។ អង្ករកម្ពុជាត្រូវបាននាំចេញទៅកាន់គោលដៅចំនួន ៦១ប្រទេស/ដែនដី តាមរយៈក្រុមហ៊ុននាំចេញចំនួន ៦៣។
ផ្អែកតាម CRFការនាំចេញអង្ករទៅប្រទេសចិន និងតំបន់រដ្ឋបាលស្វយ័តហុងកុង មានបរិមាណ ២១២ ៧៥៦តោន គិតជាប្រាក់១៣៨លានដុល្លារ,ប្រទេសនៅទ្វីបអឺរ៉ុប(២៦ប្រទេស)ចំនួន ២៦៤ ៦៨៣តោន ស្មើនឹង ១៩១លានដុល្លារ, ប្រទេសសមាជិកអាស៊ាន(៧ ប្រទេស) ៩៣ ៣៧៦តោន ស្មើនឹង ៦២លានដុល្លារ និងទៅគោលដៅផ្សេងទៀតនៅអាហ្វ្រិក មជ្ឈឹមបូព៌ា(២៦ ប្រទេស)បានចំនួន ៨៥៥០៨តោន ស្មើទឹកប្រាក់ ៧៦លានដុល្លារ៕
-
ជីវិតកម្សាន្ដ២ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម៧ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៣ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
សេចក្ដីជូនដំណឹង៣ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៤ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ