ព្រឹទ្ធសមាជិកអាមេរិក បំបែកកំណត់ត្រា និយាយអត់ឈប់ ២៥ម៉ោងនិង៥នាទី

ព្រឹទ្ធសមាជិកអាមេរិកមកពីខាងគណបក្សប្រជាធិបតេយ្យលោក Cory Booker បានបំបែកកំណត់ត្រាក្លាយជាបុគ្គលនិយាយយូរជាងគេបំផុតក្នុងប្រវត្តិសាស្រ្តព្រឹទ្ធសភាអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមនុស្សម្នាក់ដែលចូលចិត្តការនិយាយ, លោក Booker បានចាយពេលរហូតដល់ទៅ២៥ម៉ោងនិង៥នាទី ដើម្បីថ្លែងប្រឆាំងនឹងគោលនយោបាយរបស់លោកប្រធានាធិបតី ដូណាល់ ត្រាំ។

លោកអះអាងថា លោកនឹងនិយាយហើយនិយាយរហូតមិនព្រមឈប់ឡើយ លុះត្រាតែពេលលោកអស់កម្លាំង ទៅមុខលែងរួច ដើម្បីប្រឆាំងនឹងគោលនយោបាយរបស់លោក ត្រាំ ដែលធ្វើឲ្យអន្តរាយដល់សហរដ្ឋអាមេរិក។

តាមសេចក្តីរាយការណ៍របស់ BBC, ព្រឹទ្ធសមាជិកវ័យ៥៥ឆ្នាំរូបនេះ ចាប់ផ្តើមនិយាយនៅម៉ោង៧:០០នាទីយប់ថ្ងៃទី៣១ខែមីនា ហើយបញ្ចប់នៅម៉ោង៨:០៥នាទីយប់ថ្ងៃទី១ខែមេសា។

រយៈពេលដ៏យូរនេះគឺបំបែកកំណត់ត្រាចាស់របស់អតីតព្រឹទ្ធសមាជិក Strom Thurmond ដែលចំណាយពេលថ្លែងប្រឆាំងច្បាប់ស្តីពីសិទ្ធិស៊ីវិលអស់ ២៤ម៉ោងនិង១៨នាទី កាលពីឆ្នាំ១៩៥៧៕

អត្ថបទ៖ សុខ សុវណ្ណ

ចុចអាន៖ ព្រឹទ្ធសមាជិកកំពូលអាមេរិក រកឃើញ មានទោសពីបទពុករលួយ ប្រឈមជាប់ពន្ធនាគារ ២២២ឆ្នាំ