ព័ត៌មានជាតិ
៥ ឆ្នាំទៀត រដ្ឋាភិបាលជំរុញប្រើប្រាស់យានយន្តអគ្គិសនីឲ្យបាន ៣ ម៉ឺនគ្រឿង
ថ្លែងនៅក្នុងកិច្ចប្រជុំលើកទី៣ នៃគណៈកម្មាធិការបច្ចេកទេសអន្តរក្រសួង ដើម្បីតាក់តែងលិខិតបទដ្ឋានគតិយុត្តិ គោលនយោបាយ និងយុទ្ធសាស្ត្រជាតិសម្រាប់គ្រប់គ្រង និងអភិវឌ្ឍយានយន្តអគ្គិសនី (គ.ល.គ.យ.អ) និងពិព័រណ៍យានយន្តអគ្គិសនី នៅព្រឹកថ្ងៃទី ២៨ វិច្ឆិកា ឆ្នាំ២០២៤ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូនបានថ្លែងថា ការប្រើប្រាស់យានយន្តអគ្គិសនីនៅកម្ពុជាមានកំណើនយ៉ាងខ្លាំង។ ប្រៀបធៀបរយៈពេលពីរឆ្នាំចុងក្រោយនេះ ការប្រើប្រាស់យានយន្តអគ្គិសនីបានកើនឡើងប្រមាណ ២៩០%។
ខណៈដែលពិភពលោកកំពុងប្រឈមមុខនិងក្តីបារម្ភពីការបំភាយឧស្ម័នកាបូនឌីអុកស៊ីតពីយានយន្តប្រើចំហេះឥន្ធនៈ ដែលបណ្តាលកើនឡើងកម្តៅផែនដី ការប្រែប្រួលអាកាសធាតុ ការធ្លាក់ចុះគុណភាពខ្យល់់ និងការបំពុលបរិស្ថានទាំងមូល លោករដ្ឋមន្រ្តីបានគូសបញ្ជាក់ថា រដ្ឋាភិបាលបានដាក់ផែនការជំរុញការប្រើប្រាស់យានយន្តអគ្គិសនីក្នុងចំណោមមន្រ្តីរាជការ និងប្រជាពលរដ្ឋទូទៅសម្រេចឲ្យបាន ៣ ម៉ឺនគ្រឿងនៅត្រឹមឆ្នាំ ២០៣០។
លោកអះអាងថា នៅលើពិភពលោកការប្រើប្រាស់យានយន្តអគ្គិសនី មានការកើនឡើងពីមួយថ្ងៃទៅមួយថ្ងៃ ដោយផ្លាស់ប្តូរជំនួសពីការប្រើប្រាស់រថយន្តដុតដោយចំហេះឥន្ធនៈ។
ដោយសារមើលឃើញវិស័យយានយន្តអគ្គិសនី មិនត្រឹមចូលរួមលើកកម្ពស់តម្លៃបរិស្ថាននិងសុខភាពសាធារណៈ រួមទាំងពង្រឹងសន្តិសុខថាមពល រដ្ឋាភិបាលកម្ពុជាបានដាក់ចេញគោលនយោបាយជាតិស្តីពីយានយន្តអគ្គិសនី ដើម្បីបន្ស៊ីសម្តៅចាប់យកឱកាសទាំងផ្នែកបច្ចេកវិទ្យានិងនវានុវត្តន៍ថ្មី និងឈានសម្រេចប្រទេសកម្ពុជាជាប្រទេសអព្យាក្រឹត្យកាបូននៅឆ្នាំ ២០៥០។
ពាក់ព័ន្ធវិស័យយានយន្តអគ្គិសនី លោក ប៉េង ពោធិ៍នា បានគូសបញ្ជាក់ថា ក្រុមការងារអន្តរក្រសួងកំពុងពិនិត្យយន្តការលើកទឹកចិត្តក្នុងការប្រើប្រាស់យានយន្តអគ្គិសនីនៅកម្ពុជា ក្នុងនោះមានក្រសួងសេដ្ឋកិច្ចនិងហិរញ្ញវត្ថុ ក៏ដូចជាក្រសួងសាធារណការដែលជាក្រសួងជំនាញបានគិតគូរពីការប្រើប្រាស់គ្រឿងបន្លាស់ និងបទដ្ឋានបច្ចេកទេសផ្សេងៗ រួមទាំងក្រសួងរ៉ែ និងថាមពល ដែលកំពុងរៀបចំផែនទីក្នុងការអភិវឌ្ឍស្ថានីយបញ្ចូលអគ្គិសនីបន្ថែម ខណៈដែលបច្ចុប្បន្នមានចំនួន ២១ កន្លែង។
ក្នុងគោលដៅដល់ឆ្នាំ ២០៣០ ជំរុញសន្ទុះការប្រើប្រាស់យានយន្តអគ្គិសនីឈានឲ្យបាន ៣ ម៉ឺនគ្រឿង លោក ប៉េង ពោធិ៍នា បានគូសបញ្ជាក់ថា ការបង្កើតទីតាំងស្ថានីយបញ្ចូលអគ្គិសនីបន្ថែមគឺចាំបាច់ណាស់ ដើម្បីឆ្លើយតបកំណើនការប្រើប្រាស់យានយន្តអគ្គិសនីនៅកម្ពុជា។
រាជរដ្ឋាភិបាលបានដាក់ចេញគោលនយោបាយជាតិស្តីពីការអភិវឌ្ឍវិស័យយានយន្តអគ្គិសនី ២០២៤-២០៣០ ដែលជាត្រីវិស័យនិងជាឧបករណ៍គោលនយោបាយរបស់រាជរដ្ឋាភិបាល ក្នុងការតម្រង់ទិសនិងជំរុញការអភិវឌ្ឍវិស័យយានយន្តអគ្គិសនីនៅកម្ពុជា។
លោក ផន រឹម មន្រ្តីអ្នកនាំពាក្យក្រសួងសាធារណការនិងដឹកជញ្ជូនបានឲ្យដឹងថា មកទល់ពេលនេះមានរថយន្តអគ្គិសនីចុះបញ្ជីនៅក្រសួងសាធារណការ និងដឹកជញ្ជូនមានចំនួន ២ ៣២៧ គ្រឿង។
លោកបន្តថា រាជរដ្ឋាភិបាលផ្តល់សេរីភាព និងជម្រើសសម្រាប់ការប្រើប្រាស់យានយន្ត ដើម្បីសម្រួលការធ្វើដំណើរ ដឹកជញ្ជូនទំនិញ និងសេវាកម្មផ្សេងៗ។ យ៉ាងណាមិញ ជាក់ស្តែង អត្រានៃការប្រើប្រាស់យានយអគ្គិសនីមានការកើនឡើងហក់ស្ទុះឡើងខ្លាំង ក្នុងរយៈកាលប៉ុន្មានឆ្នាំចុងក្រោយនេះ។
លោកបានប្រៀបធៀប ក្នុងរយៈពេល ៩ ខែឆ្នាំ២០២៣ មានរថយន្តអគ្គិសនីចុះបញ្ជីចំនួន ២០៣ គ្រឿង ខណៈដែលរយៈពេលដូចគ្នានៅឆ្នាំ ២០២៤ មានរថយន្តអគ្គិសនីចុះបញ្ជីចំនួន ១ ៦៤៤ គ្រឿង ដែលមានន័យថា រថយន្តអគ្គិសនីមានសន្ទុះកើនឡើង ៧១០% ខណៈដែលទោចក្រយានកើនឡើង ៣៦៨%៕
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
មន្ទីរទេសចរណ៍ខេត្តស្ទឹងត្រែង នឹងរៀបចំព្រឹតិ្តការណ៍អុំទូកកៃយ៉ាក់ទស្សនាតំបន់រ៉ាមសារ
ជើងហោះហើរនិងខ្សែរថភ្លើងរាប់សិបនៅឥណ្ឌាពន្យាពេល ព្រោះអ័ព្ទដ៏ក្រាស់
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
គិតគួរដល់សុវត្ថិភាពសិស្ស សាលាបឋមសិក្សាអញ្ចាញ ទប់ស្កាត់ការលក់ចំណីអាហារ ភេសជ្ជៈផ្អែមប៉ះពាល់សុខភាព
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
លើកដំបូង! អ៊ុយក្រែនបើកការវាយប្រហារទ្រង់ទ្រាយធំបំផុតលើរុស្ស៊ី
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៧ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ២៣ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ចរាចរណ៍២ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ