សេដ្ឋកិច្ច

កម្ពុជា-ចិនដាក់ឱ្យប្រើប្រាស់ផ្លូវដឹកជញ្ជូនថ្មី កាត់បន្ថយការចំណាយ និងពន្លឿនពេលវេលា ៥០%

បានផុស

១ year មុន

នៅ

ថ្ងៃអង្គារ ១៨ មីនា ២០២៥

ដោយ

កំពង់ផែខេត្តកោះកុង និងកំពង់ផែ Fangchenggang របស់ប្រទេសចិន បានដាក់ឱ្យដំណើរការខ្សែសង្វាក់ត្រជាក់ និងទំនិញទូទៅ ដើម្បីសម្រួលការរក្សាគុណភាពទំនិញ និងជំរុញការធ្វើពាណិជ្ជកម្មរវាងប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡោ វិចិត្រ អនុប្រធានសមាគមពាណិជ្ជកម្មកម្ពុជា-ចិន ប្រាប់កម្ពុជាថ្មី នៅថ្ងៃទី ១៨ ខែមីនា ឆ្នាំ ២០២៥ នេះថា ទូត្រជាក់មានគោលដៅរក្សាទុកកសិផលមួយចំនួន ដែលត្រូវការសីតុណ្ហភាពថេរ គឺរក្សាគុណភាពដើមពេលដែលទៅដល់ទីផ្សារ។

លោក ឡោ វិចិត្រថ្លែងថា៖ «ឧទាហរណ៍ថា Strawberry វាងាយខូច បើសិនជាយើងអត់មានទូត្រជាក់ យើងប្រើទូធម្មតា ទម្រាំតែវាដឹកទៅដល់ប្រទេសចិន វាខូចគុណភាព និងបាត់គុណភាពដើម»។

លោក វ៉ាង វិនពីន (Wang Wenbin) ឯកអគ្គរដ្ឋទូតចិនប្រចាំកម្ពុជា បានអះអាងថា ផ្លូវខ្សែសង្វាក់ត្រជាក់ និងទំនិញទូទៅពីកំពង់ផែ Fangchenggang ប្រទេសចិនទៅកាន់កំពង់ផែកោះកុង ប្រទេសកម្ពុជា ខ្សែដំណើរមានរយៈពេល ៧ ថ្ងៃ អាចកាត់បន្ថយពេលវេលាដឹកជញ្ជូនបានជាង ៥០% និងថ្លៃដឹកជញ្ជូនជាង 20%។

លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន មានប្រសាសន៍ថា ការតភ្ជាប់ក្នុងតំបន់ និងការអភិវឌ្ឍផ្នែកភស្តុភារកម្ម គឺជាអាទិភាពចម្បងរបស់កម្ពុជា។ «ហេតុនេះ គន្លឹះគឺស្ថិតនៅលើការពង្រឹងសមត្ថភាពរបស់យើង»។

លោករដ្ឋមន្ត្រីលើកឡើងថា៖ «អាទិភាពទាំងនេះ អាចជួយពង្រឹងជំហររបស់កម្ពុជាឱ្យដើរតួជាតួអង្គសំខាន់មួយក្នុងការតភ្ជាប់គ្នាក្នុងតំបន់ និងជំរុញពាណិជ្ជកម្មតាមខ្សែច្រវាក់ផ្គត់ផ្គង់ពិភពលោក»៕

អត្ថបទ៖ ឡេង ដេត

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា