ព័ត៌មានអន្ដរជាតិ

X គ្រោងបើកដំណើរការសេវាកម្មហិរញ្ញវត្ថុជាមួយ Visa

បានផុស

១ year មុន

នៅ

ថ្ងៃពុធ ២៩ មករា ២០២៥

ដោយ

បណ្ដាញសង្គម X (អតីតធ្វីតធឺរ) របស់លោកមហាសេដ្ឋី អេឡុន ម៉ាស់ក៍ កាលពីថ្ងៃអង្គារ បានប្រកាសពីគម្រោងបើកដំណើរការ «កាបូបឌីជីថល» និងសេវាកម្មទូទាត់ប្រាក់ដោយផ្ទាល់ពីម្នាក់ទៅម្នាក់ (P2P) ដែលផ្ដល់ដោយក្រុមហ៊ុនសេវាកម្មហិរញ្ញវត្ថុ Visa។ នេះបើតាមការចុះផ្សាយរបស់បណ្ដាញទូរទស្សន៍ CNBC។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកប្រតិបត្តិក្រុមហ៊ុន X អ្នកស្រី Linda Yaccarino បានបង្ហោះសារនៅលើបណ្ដាញសង្គមនេះថា X បានចាប់ដៃគូជាមួយ Visa ដែលជាបណ្តាញកាតឥណទានដ៏ធំបំផុតរបស់សហរដ្ឋអាមេរិក ដើម្បីបើកដំណើរការគណនី «X Money Account»។

អ្នកស្រី Yaccarino បានបន្តថា Visa នឹងអនុញ្ញាតឱ្យអ្នកប្រើប្រាស់ X ទូទាត់ប្រាក់រវាងគណនីធនាគារបែបប្រពៃណី និងកាបូបឌីជីថលរបស់ពួកគេ ហើយធ្វើការទូទាត់ P2P ភ្លាមៗ ដូចទៅនឹងប្រព័ន្ធទូទាត់ប្រាក់តាមទូរស័ព្ទដៃរបស់សហរដ្ឋអាមេរិក Zelle ឬ Venmo ដែរ។

ប្រភពដឹងពីបញ្ហានេះ បាននិយាយប្រាប់ CNBC ជាអនាមិកថា សេវាកម្ម X Money រំពឹងថានឹងចាប់ផ្តើមបើកដំណើរការនៅក្នុងត្រីមាសទី ១ ហើយការចាប់ដៃគូជាមួយក្រុមហ៊ុនសេវាកម្មហិរញ្ញវត្ថុជាច្រើនទៀត ទំនងនឹងធ្វើឡើង។ ប្រភពបន្តថា មូលហេតុនៃការបង្កើតសេវាកម្មនេះឡើង គឺដើម្បីឱ្យអ្នកបង្កើតមាតិកា ទទួលយកការទូទាត់ និងរក្សាទុកប្រាក់របស់ខ្លួន ដោយមិនចាំបាច់ជំនួយពីភាគីខាងក្រៅ។

គួរកត់សម្គាល់ថា នេះគឺជាការបោះជំហានជាក់ស្តែងលើកដំបូងពី X ដើម្បីបង្កើតប្រព័ន្ធអេកូឡូស៊ីហិរញ្ញវត្ថុសម្រាប់បណ្ដាញសង្គម ដែលមានឈ្មោះថា ធ្វីតធឺរ មុនពេលលោក ម៉ាស់ក៍ បានទិញវានៅឆ្នាំ ២០២២។ លោក ម៉ាស់ក៍ ដែលធ្វើជានាយកប្រតិបត្តិរបស់ក្រុមហ៊ុនផលិតរថយន្តអគ្គិសនី Tesla ផងដែរនោះ បាននិយាយថា ការទិញរបស់ខ្លួន គឺជាវិធីមួយដើម្បីធ្វើឱ្យ X ក្លាយជា «កម្មវិធីសម្រាប់គ្រប់យ៉ាង» ។ ក្រោយមកលោកបាននិយាយថា វេទិកានេះនឹងអនុញ្ញាតឱ្យអ្នកប្រើប្រាស់ប្រតិបត្តិ «ប្រព័ន្ធហិរញ្ញវត្ថុពិភពលោកទាំងមូល» នៅលើវា៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា