កូវីដ-១៩
ក្រសួងសុខាភិបាលពិចារណារកទីតាំងបន្ថែមសម្រាប់ព្យាបាលអ្នកជំងឺកូវីដ១៩កម្រិតស្រាល
ក្រសួងសុខាភិបាល កំពុងពិចារណាស្វែងរក ទីតាំងបន្ថែមទៀតសម្រាប់ព្យាបាលអ្នកជំងឺកូវីដ១៩ដែលមានស្ថានភាពកម្រិតស្រាល បន្ទាប់ពីមានអ្នកជំងឺកូវីដ១៩ ចំនួន១៦៤៤ នាក់កំពុងរង់ចាំកន្លែងសម្រាកព្យាបាល។
លោកវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាលបានថ្លែងថា គម្រោងបង្កើនមណ្ឌលព្យាបាលអ្នកជំងឺកូវីដស្រាលៗនេះដោយសារចំនួនអ្នកជំងឺដែលឆ្លងថ្មីពីមួយថ្ងៃទៅមួយថ្ងៃចេះតែកើនឡើងរាប់រយនាក់ដែលធ្វើឲ្យកន្លែងសម្រាកព្យាបាលមានការខ្វះខាតតម្រូវឲ្យអ្នកជំងឺដែលរកឃើញថ្មីត្រូវរង់ចាំអ្នកជំងឺជាសះស្បើយចេញសិនទើបអាចដឹកពួកគាត់ចូលព្យាបាលជាបន្តបន្ទាប់។

លោកបានបន្តទៀតថាបច្ចុប្បន្ននេះក្រសួងមានទីតាំងសម្រាប់ព្យាបាលទាំងអស់ចំនួន១៣កន្លែងក្នុងនោះមាន១១កន្លែងសម្រាប់ព្យាបាលជំងឺកូវីដ១៩ស្រលៗសរុបប្រមាណ៧ទៅ៨ពាន់គ្រែរួមមានមជ្ឈមណ្ឌលជាតិកំចាត់រោគរបេងនិងហង់សិន មណ្ឌលព្យាបាលចាក់អង្រែ សណ្ឋាគារហ្រ្គេតឌុក មន្ទីរពេទ្យកុមារជាតិ មណ្ឌលព្យាបាលវិទ្យាល័យជាស៊ីមសាមគ្គី មណ្ឌលព្យាបាលអនុវិទ្យាល័យពោធិ៍ចិនតុង មណ្ឌលកោះពេជ្រ មណ្ឌលព្យាបាលសែនសុខ១ មណ្ឌលព្យាបាលសែនសុខ២ មណ្ឌលព្យាបាលម៉ូឌែន២និងពហុកីឡដ្ឋានអូរឡាំពិកដែលនឹងដាក់ដំណើរការនាពេលឆាប់ៗខាងមុខនេះ។

លោកបានបញ្ជាក់ថាសម្រាប់អ្នកជំងឺកូវីដ១៩ដែលធ្ងន់ធ្ងរក្រសួងបានត្រៀមមន្ទីរពេទ្យចំនួន២គឺមន្ទីរពេទ្យមិត្តភាពខ្មែរសូវៀតនិងមន្ទីរពេទ្យហ្លួងម៉ែសម្រាប់ជួយសង្គ្រោះនិងព្យាបាល។ ដោយសារមណ្ឌលព្យាបាលមានច្រើនក្រសួងបានឲ្យមន្ទីរសុខាភិបាលតាមបណ្តាខេត្តបញ្ជួនគ្រូពេទ្យមកជួយ ប៉ុន្តែសម្រាប់មណ្ឌលព្យាបាលជំងឺកូវីដ១៩ស្រាលៗមិនតម្រូវឲ្យមានគ្រូពេទ្យច្រើននោះទេ។
គិតត្រឹមព្រឹក ថ្ងៃទី១ ខែឧសភា ឆ្នាំ២០២១នៅកម្ពុជាមានអ្នកឆ្លងឆ្លងជំងឺកូវីដ១៩សរុបចំនួន១៣៧៩០នាក់អ្នកជាសះស្បើយចំនួន៥២០០នាក់អ្នកកំពុងព្យាបាលចំនួន៨៤៨៧នាក់និង អ្នកស្លាប់ចំនួន៩៦នាក់។
ក្នុងនោះមានអ្នកជំងឺចំនួន១៦៤៤នាក់នៅមិនទាន់មានកន្លែងព្យាបាលនៅឡើយទេរួមទាំងអ្នកឆ្លងនៅភ្នំពេញថ្ងៃនេះដែលមានចំនួន៣៣០នាក់ផង៕ អត្ថបទ៖ សំអឿន

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៧ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់