កូវីដ-១៩
យុទ្ធនាការចាក់វ៉ាក់សាំងក្រុងសិរីសោភ័ណ៣ថ្ងៃបានជាង៣មឺុននាក់ ច្រើនជាងការគ្រោងទុក
ខេត្តបន្ទាយមានជ័យ៖ ក្នុងរយៈពេល៣ថ្ងៃ នៃយុទ្ធនាការចាក់វ៉ាក់សាំងជូនពលរដ្ឋនៅក្រុងសិរីសោភ័ណ ខេត្តបន្ទាយមានជ័យ នៅ៦ទីតាំង ប្រជាពលរដ្ឋបានចូលមកចាក់មានចំនួនជាង៣ម៉ឺននាក់ ច្រើនជាងការគ្រោងទុក។ ហេតុនេះយុទ្ធនាការអាចបញ្ចប់មុនផែនការ និងពេលកំណត់រយៈពេល១៤ថ្ងៃ លើគម្រោងជាង៥មឺុននាក់។
លោក ហឹុល រ៉ាយ៉ា អភិបាលក្រុងសិរីសោភ័ណបានប្រាប់អ្នកយកព័ត៌មានឱ្យដឹងថា ការចាក់វ៉ាក់សាំងជូនប្រជាពលរដ្ឋក្នុងក្រុងសិរីសោភ័ណ ចាប់ពីថ្ងៃទី១០ ដល់ថ្ងៃទី១២ ខែកក្កដា ឆ្នាំ២០២១ ដំណើរការចាក់វ៉ាក់សាំងដោយគ្រូពេទ្យចំណុះយោធភូមិទី៥ និងសម្របសម្រួល សហការដោយកងកម្លាំងទាំង៣ប្រភេទ មន្ត្រីក្រុមការងារចុះជួយមូលដ្ឋាន មន្ត្រីអាជ្ញាធរ យុវជន សសយក និងយុវជនចម្រុះ ប្រជាការពារ គឺជាង៩,០០០នាក់។ គិតពីថ្ងៃចាក់ដំបូង ដល់ថ្ងៃទី១១ បានចាក់វ៉ាក់សាំងកូវីដ-១៩ ជូនប្រជាពលរដ្ឋនៅក្នុងក្រុងសិរីសោភ័ណបាន ១៥,៨៩៧ នាក់។ និងថ្ងៃទី១២ ចាក់វ៉ាក់សាំងកូវីដ-១៩ បាន ១៧,៣៩៤ នាក់ សរុបជាង៣មឺុននាក់ក្នុងគម្រោងជាង៥៥,០០០នាក់។
លោកបន្តថា យុទ្ធនាការចាក់វ៉ាក់សាំងនេះមានល្បឿនលឿន មកពីក្រុមការងារគ្រប់ផ្នែក និងពលរដ្ឋមកទទួលការចាក់វ៉ាក់សាំងសហការគ្នា បំពេញការងារបានរលូនល្អ។ ក្នុងថ្ងៃទី១២នោះដែរ ក្រុមការងារបានបន្តទៅចាក់វ៉ាក់សាំងដល់សង្កាត់៣ទៀត គឺសង្កាត់ម្កាក់ ភ្នៀត និងកោះពងសត្វ។ ហើយទីតាំងចាក់វ៉ាក់សាំងបានថែម២កន្លែងទៀតគឺ នៅសង្កាត់ម្កាក់ ១កន្លែងដែលប្រើរថយន្តចល័យយោធភូមិភាគទី៥ និងនៅសង្កាត់ភ្នៀត ដាក់នៅវត្ត និងសាលារៀន។
ក្រុមការងារបានបញ្ជាក់ឱ្យដឹងទៀតថា ក្រុមការងារក៏បានចុះពិនិត្យទីតាំងក្នុងគម្រោងចាក់វ៉ាក់សាំងជូនពលរដ្ឋនៅស្រុកមង្គលបូរី ព្រះនេត្រព្រះ ម៉ាឡៃ អូរជ្រៅផងដែរ៕
អត្ថបទ៖ វ៉ាន់ ណាង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ